zoofirma.ru
There are no translations available.

Зимни баррасӣ қарор додани фаъолияти аъзои ҲХДТ дар соли 2017 раиси кумиҷроияи шаҳрии ҳизб Муслимахон Ҷамолиён оид ба дастовардҳои ташкилотҳои ибтидоӣ, густариши корҳои тарғиботӣ-ташвиқотӣ, афзоиши сафи ҳизб, теъдоди ташкилотҳои ибтидоӣ ва дигар корҳои ба анҷом расонидашуда маърўза намуд.

Дар музокира намояндагони ташкилотҳои ибтидоии ҶМТК “Апрелевка” Лауршоҳ Лундишоҳзода, ҶДММ “ШКСТХ” Мирзафар Зарифов, КАТС Гулшан Мадаминова иштирок намуданд.

Раиси Шўрои собиқадорони ҳизб Каромат Қосимова оид ба Паёми Президенти Ҷумҳурии Тоҷикистон ва вазифаҳои ҳизбиён баромад намуд.

Дар ҷаласа аъзои кумиҷроияи ҳизб нақшаи фаъолияти КИ ҲХДТ-ро барои нимсолаи якуми соли 2018 ва қарорҳои ташкилотҳои ибтидоиро тасдиқ намуданд. Дар фарҷом ба аъзои фаъоли ҳизб туҳфаҳо ва ба 10 нафар аъзои навшомилшуда дар вазъи мутантан билетҳои ҳизбӣ супорида шуданд.

Дар кори маҷлиси кумиҷроияи шаҳрии ҲХДТ намояндаи КИВ ҲХДТ Маъруф Акбарзода ва мудири шуъбаи рушди иҷтимоӣ ва робита бо ҷомеаи дастгоҳи иҷроияи раиси шаҳр Илҳом Мадализода иштирок ва суханронӣ намуданд.