Сатри равон
(2 голоса, среднее 1.50 из 5)
Недоступен ни однин перевод.

Шӯъбаи  маориф барои татбиқи сиёсати ягонаи давлатӣ дар соҳаи маориф масъул аст. Ба шӯъбаи маориф аз рӯзи таъсисёбиаш (соли 1963) Тарасова Л.В. (1963-1967), Романова Н.П. (1967-1981), Онуфрей Т.П. (1981-1991), Павлов И.П. (1991-1992), Алиев А.Х. (1992-1995), Кириллина Г.П. (1995-1997), Незирова С.Ҳ. (1997-2002), Қосимова К.М. (2002-2007), Султонова Р.И. (2007-2010) роҳбари карда, дар рушду нумӯи маорифи шаҳр саҳмгузор буданд.

Айни ҳол ба шӯъбаи маориф Ҳайдаров М.А. роҳбари менамояд. Шӯъбаи маориф дорои 14 мактаби таҳсилоти миёнаи умумӣ, 1 гимназия, Маркази таҳсилоти иловагӣ, 8 кӯдакистон мебошад, ки дар он 7542 нафар хонандагон дар 364 синфхонаҳо тарбия мегиранд. Шумораи омӯзгорон 594 нафар буда, аз онҳо 517 нафарашон занҳо мебошанд. Бо маълумоти олӣ 358 нафар, олии нопурра 50 нафар, миёнаи махсус 141 нафар, миёнаи умумӣ 20 нафар, донишҷӯён 24 нафар бо таълиму тарбия машғул мебошанд.

Миқдори мураббиён ҳамагӣ 36 нафарро ташкил медиҳад. Шумораи умумии кӯдакон 808 нафар буда, онҳо дар 36 гурӯҳ таълим мегиранд.

Дар назди кабинети методии шӯъбаи маориф семинарҳои забон ва адабиёти тоҷик, забони давлатӣ, синфҳои ибтидоӣ, забони русӣ, забони англисӣ, забон ва адабиёти ӯзбек, директорони мактабҳо, ҷонишинҳои директорон фаъолият мебаранд. Инчунин аз соли хониши нави 2010-2011 дигар бахшҳои шӯъбаи маориф низ семинарҳои фанҳои химия, биология, география, таърих, ҳуқуқ, тарбияи ҷисмонӣ, таълими меҳнат, физика, математика, технологияи информатсионӣ, китобдорон, муассисаҳои томактабӣ, «Корвони маънавиёт», семинари дастурдиҳии Бахши хадамот дар як сол 4 маротиба дар муассисаҳои таълимӣ ҷамъ шуда, машғулиятҳо ташкил менамоянд. Машғулиятҳои онҳо дар намуди семинар ташкил ва гузаронида мешаванд.

Ҳоло даври сеюми «Барномаи компютеркунонии муассисаҳои таълимии шаҳр барои солҳои 2011-2015» давом дорад. Қисми зиёди мактабҳо шаҳр ва маркази технологияи информатсионӣ дар соҳаи маориф ба шабакаи Интернет пайваст шудаанд. Дар маркази таҳсилоти иловагии  шаҳр 11 компютер мавҷуд аст, ки дар он маҳфили «Технологияи информатсионӣ» амал мекунад.

Дар шӯъбаи маорифи шаҳр 23 нафар устодон «Аълочии маорифи Ҷумҳурии Тоҷикистон» мебошанд. Танҳо дар давоми соли хониши 2011-2012 3 нафар кормандон соҳиби нишони мазкур гардиданд. Инчунин 9 нафар устодон бо Ифтихорномаи Вазорати маорифи Ҷумҳурии Тоҷикистон сазовор гаштанд.

Ҳамасола корманони маорифи шаҳр кӯшиш ба харҷ медиҳанд, ки хонандагон дар олимпиадаҳои гуногунсатҳ иштирок варзанд. Хонандагони мактабҳо дар олимпиадаҳои вилоятӣ, ҷумҳуриявӣ ва байналхалқӣ иштирок варзида, ҷойҳои намоёнро ишғол намудаанд.

Добавить комментарий


Защитный код
Обновить

Посетители


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterСегодня:555
mod_vvisit_counterВчера:1442
mod_vvisit_counterНа этой неделе:3906
mod_vvisit_counterНа пред. неделе:10961
mod_vvisit_counterВ этом месяце:29579
mod_vvisit_counterВ пред.месяце:39874
mod_vvisit_counterИтотго:491408

Мы на Фейсбуке