zoofirma.ru

Мо шоҳиди онем, ки гурӯҳҳои террористӣ аз номи ислом ва бар зидди дини ислом баромад карда, ҷомеаи ҷаҳонии муосирро ноором сохта истодаанд. Имрўз гурўҳҳое пайдо шудаанд, ки дини исломро ҳамчун ниқоб истифода мебаранд. Ҳаракати террористии ДИИШ, Ал-қоида, салафия, Ҳизб-ут-таҳрир ва чандин дигар гурўҳҳоро номбар кардан мумкин аст, ки дини исломро барои амалӣ кардани ҳадафҳои худ истифода мебаранд. Ин гуна ҳаракатҳо барои ҷомеаи мо хатарзо мебошад.

Ташкилотҳои террористиву экстремистӣ асосан ҷавонони бесаводу ноогоҳро ба боварии худ дароварда, шахсоне, ки маълумоти кофии диниву дунявӣ, машѓулияти муайян надорад аз зудбоварӣ ба гурўҳҳои тундрав бовар намуда, гумроҳ мешавад. Шомилшавӣ ва оқибати он ба ҳизбу ҳаракатҳои тундрав пушаймонист ва бештар бо марг анҷом меёбад.

Таассуфовар он аст, як зумра ҷавонони кишвар ба ин гуна ҳизбу ҳаракатҳои террористӣ ҳамроҳ шуда, дар муҳорибаҳо дар кишварҳои бегона иштирок доранд. Ва сабаби асосии шомилшавии ҷавонон ба равияҳо огоҳ набудан аз дониши мукаммали диниву дунявӣ аст.

Террорист давлату миллат ва забон надорад. Нафаре, ки ватани ороми худро тарк карда, дур аз диёр барои ноором кардани кишвараш мекeшад ҳеҷ гоҳ соҳиби марзу бум ва модару Ватан нест. Мардуми кишварамон бо азобу машаққатҳои зиёд дар сарзаминамон сулҳу суботро пойдор намуданд.

Намегузорем то ҳадафи нопоки нохалафе сулҳу суботи диёрамонро халалдор кунад. Мо набояд бетараф бошем, пеши роҳи шомилшавии ҷавононро ба ҳар гуна ҳизбу ҳаракатҳои ифротгарову тундгаро бигирем, соҳиби касбу ҳунар шавем ва Ватанамонро ободу зебо гардонем.

Имрўз Ҳукумати кишвар пешгирии зуҳуроти номатлуби ифротӣ тадбирҳои мушаххас меандешад. Итминони комил дорем, ки сулҳи бебозгашту пойдори кишвари моро ҳеҷ кас халалдор намесозад. Мо бо бунёдкорӣ созандагиву ташаббускорӣ баҳри пойдории Ваҳдати миллӣ ва Истиқлолияти давлатиамон саҳм мегузорем.

Умеда Комилова,

сармутахассиси шуъбаи рушди иҷтимоӣ

ва робита бо ҷомеаи дастгоҳи Раиси шаҳри Гулистон