Сатри равон

Навид

Корхонаҳои саноатии шаҳри Гулистон дар давоми соли 2017 ба маблағи 3 миллиарду 526 миллиону 706,2 ҳазор сомонӣ маҳсулот истеҳсол намуданд, ки ин нисбати ҳамин давраи соли гузашта бо нархҳои муқоисавӣ 114,8 фоизро ташкил дода, ин нишондиҳанда ба маблағи 454,1 миллион сомонӣ зиёд мебошад. Аз ин 99,4%-и ҳаҷми маҳсулоти истеҳсолгардида ба корхонаҳои саноатӣ тааллуқ дошта, 0,6%-и он ба хизматрасонии пулакӣ ва ба бахши соҳибкорони шаҳр мансуб аст.

Дар давоми соли 2017 аз 26 корхонаи саноатии шаҳр 18-тои онҳо афзоиши ҳаҷми истеҳсоли маҳсулотро аз 100,3% то ба 1158,8% (11,6 маротиба зиёд) расонида, иҷрои онро барзиёд таъмин намуданд.

Яке аз ҳадафҳои стратегии Ҳукумати Ҷумҳурии Тоҷикистон дар партави сиёсати хирадмандонаи Пешвои муаззами миллат муҳтарам Эмомалӣ Раҳмон ҳифзи иҷтимоии аҳолӣ маҳсуб ёфта, ин раванд сол ба сол густариши тоза меёбад. Дар Паёми навбатӣ ба ин масъала бори дигар таваҷҷуҳи хоса зоҳир карда шуд. Таъкид гардид, ки «дар буҷети давлатӣ вазифаҳои иҷтимоии он ба инобат гирифта шуда, Ҳукумати кишвар барои баланд бардоштани сатҳи некўаҳволии мардум пайваста чораҷўӣ менамояд».

Бояд зикр кард, ки дар панҷ соли охир маблағгузории соҳаи маориф аз Буҷети давлатӣ 2,3 баробар афзуда, дар соҳаи тандурустӣ бошад ин нишондиҳанда ба 2,1 баробар аст. Аз 1 - уми сентябри соли 2018 музди меҳнати кормандони соҳаҳои буҷетӣ зиёд карда мешавад. Дар ин замина музди меҳнати кормандони муассисаҳои маориф, илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ ва дигар ташкилоту муассисаҳои буҷетӣ 15 фоиз меафзояд.

Сайёҳӣ ва ҳунарҳои мардумӣ ду ҷодаи ба ҳам пайванди ҳаёти мардум мебошанд. Сайёҳон ба таваҷҷуҳ ба ҳунарҳои миллӣ ба кишвар рў меоранд ва тавассути онҳо чунин ҳунарҳо ба ҷаҳониён муаррифӣ мегарданд. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон зимни Паёми навбатии хеш соли 2018-ро Соли рушди сайёҳӣ ва ҳунарҳои мардумӣ эълон доштанд.

Моли истеҳсолнамудаи ҳунармандони кишварро аксаран сайёҳон харида, ҳамчун туҳфа ё дастовез ба худ мебаранд. Агарчи то имрўз ҳунармандон аз шароиту имкониятҳои зиёд бархурдор буданд, Сарвари давлат барои боз ҳам рушду нумўи фаъолияти ҳунармандӣ ва афзоиши маҳсулоти онҳо бобати фароҳам овардани имкониятҳои васеътар дастуру супоришҳо доданд. Истеҳсолоти ҳунармандон низ василаи ҷалби меҳмонони хориҷӣ ба мамлакат ва тарғиби таъриху фарҳангӣ халқ мебошад. Дар Паём Президенти мамлакат муҳтарам Эмомалӣ Раҳмон ба хотири тараққӣ бахшидани ҳунарҳои мардумӣ фурўши онро аз ҳама намуди андоз озод намуданд. Ин ташаббуси наҷиб ба кам гардидани арзиши аслии маҳсулот ва афзоиши ҳаҷми истеҳсолу содироти он мусоидат менамояд.

Ба ҳукми анъана даромадааст, ки ҳамасола Паёми Пешвои миллат ба Маҷлиси Олии кишвар ва умуман ба мардуми шарифи Тоҷикистон ироа мегардад, ки дар он масъалаҳои муҳиме, ки ба тақдири миллат ва сарнавишти Ҳукумат бастагӣ доранд, мавриди таҳлилу баррасии ҳамаҷониба қарор мегиранд.

Дар Паёми навбатии хеш Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон дар баробари таваҷҷуҳ зоҳир намудан ба масоили мухталиф пешниҳод намуданд, ки соли 2018 дар ҷумҳурӣ Соли рушди туризм ва ҳунарҳои миллӣ эълон карда шавад. Дар воқеъ, рў овардан ба ин масъала талаботи замон ва тақозои вақт буда, фурсати он расидааст, ки барои ташаккул додани туризм дар кишвар шароит фароҳам оварда шавад. Масъалаи марбут ба туризм мавзўи алоҳида буда, мо мехоҳем дар ин навиштаи хеш оид ба эҳё ва ташаккули ҳунарҳоли миллӣ ва масоили марбут ба он ибрози андеша намоем.

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:758
mod_vvisit_counterРӯзи гузашта:1845
mod_vvisit_counterҲамин ҳафта:758
mod_vvisit_counterҲафтаи гузашта:10301
mod_vvisit_counterҲамин моҳ:26226
mod_vvisit_counterМоҳи гузашта:56127
mod_vvisit_counterҲамагӣ:766214

Мо дар Фейсбук

Президенти кишвар