Сатри равон

Дар Боғи фароғатӣ-фарҳангии «24-солагии Истиқлолият» бо дастгирии мақомоти иҷроияи ҳокимияти давлатии шаҳр, кумитаҳои иттифоқи касабаи корхонаву муассисаҳо ва ташкилоту идораҳо бо иштироки сокинони маркази шаҳр ва шаҳракҳо чорабинии идона ба муносибати Рўзи байналмилалии якдилии меҳнаткашон доир намуданд.

Ба пешқадамони соҳаҳои хоҷагии халқи шаҳр дар вазъи тантанавӣ Сипосномаи мақомоти иҷроияи ҳокимияти давлатии шаҳр ва туҳфаҳо супорида шуданд. Санъаткорони бахши фарҳанги шаҳр ба ҳозирин барномаи рангини консертӣ манзур намуданд.

Дар Кохи фарҳангии «Истиқлол» озмуни шаҳрии «Гулдухтарони суғдӣ» баргузор гардид. Дар озмун аз рўи шартҳои муаррифинома бо намоиши саҳначаи оилавӣ, савияи дониши сиёсӣ, омодасозии панҷ намуди таоми миллӣ, намоиши маҳорати эҷодӣ ва сару либоси кориву идона сурат гирифта, дар он 8 нафар намояндагони ҷамаоти шаҳракҳо ва муассисаву корхонаҳо ширкат варзиданд. Намояндаи КВД осоишгоҳи «Шифо» Шаҳноза Тоҷихолова бо гирифтани 122 хол сазоври ҷойи якум ва роҳхат ба озмуни вилоятӣ гардид.

Аъзои ҳакамон ба маҳорат ва истеъдоди гулдухтарони гулистонӣ Сурайё Шарифова (гимназияи № 1), Қумринисо Содиқова (шаҳраки Сирдарё), Раъно Зиёева (МТМУ №1), Бишарифа Қориева (Беморхонаи марказии шаҳр), Замира Тоҳирова (МТМУ № 14), Маниҷа Ҳоҷиқадамова (шаҳраки Чоруқдаррон) ва Мафтуна Ҷўраева (шаҳраки Консой) баҳоҳои хуб доданд.

Дастаи ҳозирҷавобони навраси адрасмонӣ – «Истиқлол» ба озмуни ҷумҳуриявии телевизионии кўдакону наврасони «Баҳористон» роҳхат гирифт. ҷоиз ба зикр аст, ки дастаи мазкур дар озмуни вилоятӣ пирўзӣ ба даст оварда, нисбат ба дастаҳои дигари шаҳру навоҳии вилоят бартарӣ нишон дода, соҳиби роҳхат ба даври ниҳоӣ гардиданд.

Ба дастаи «Истиқлол» муҳассилини муассисаҳои таълимии рақамҳои 5, 7 ва 13-и шаҳраки Адрасмон дар ҳайати Умед Алданбердиев, Ҷаҳонгир Пўлодов, Сарвиноз Узарова, Мадина Узарова, Паризод Ҳошимова, Зайнура Назармаматова, Фарангис Назармаматова, Кимсанбой Усмонов, Севинч Эрматова ва Бахтиёр Одинаев шомил ҳастанд. «Соҳил» ба дастаи ҳозироҷавобони навраси адрасмонӣ дар даври ниҳоӣ пирўзӣ таманно дорад. Муваффақ бош, «Истиқлол»!

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:276
mod_vvisit_counterРӯзи гузашта:814
mod_vvisit_counterҲамин ҳафта:1874
mod_vvisit_counterҲафтаи гузашта:7673
mod_vvisit_counterҲамин моҳ:22634
mod_vvisit_counterМоҳи гузашта:32539
mod_vvisit_counterҲамагӣ:349122

Мо дар Фейсбук