Матни равон

Дар ҳудуди шаҳри Гулистон тибқи нақшаи Мақомоти иҷроияи ҳокимияти давлатии вилоят ва шаҳр дар мавзӯи «Ваҳдат-сарчашмаи сулҳу суботи кишвар» муташаккилона Рӯзи ягонаи хониши сиёсӣ баргузор гардид.

Дар 43 корхонаву муассиса, идораву ташкилотҳои ҳудуди шаҳр ва ҷамоати шаҳракҳо бо намояндагони соҳаҳои гуногуни хоҷагии халқ ва иштироки васеи ҷомеаҳои меҳнатӣ хониши сиёсӣ ба роҳ монда шуд. Дар баргузории хониши сиёсӣ тарғиботчиёни маҳаллӣ ва кормандони Мақомоти иҷроияи ҳокимияти давлатии шаҳр доир ба мавзӯи Рӯзи ягонаи ахбори сиёсӣ маърӯзаҳо карданд. Дар шаҳракҳо бошад хониши сиёсӣ бо иштироки тарғиботчиёни маҳаллӣ ба роҳ монда шуд. Зикр гардид, ки муҷиби сарфарозист, ки таҷрибаи сулҳи тоҷикон, ки меъмори он Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон мебошанд, аз ҷониби созмонҳои муътабари ҷаҳонӣ ҳамчун падидаи нодир ва омӯзанда эътироф гардид ва дар тӯли 22 соли сипаришуда хадафмандӣ ва устувории бештареро, чӣ дар дохили кишвар ва чӣ дар арсаи байналмилалӣ баҳри рафъи ихтилофот касб намуд.

Тибқи нақшаи чорабинии Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба ҷашни Ваҳдати миллӣ, бо мақсади таҳкими сулҳу субот дар ҷомеа ва мубодилаи таҷриба байни мақомоти кор бо занон ва оила чорабинии сиёсиву фарҳангӣ ва маърифатӣ таҳти унвони «Корвони модарони Ваҳдатсаро» дар шаҳри Гулистон баргузор гардид. Меҳмононро Раиси шаҳри Гулистон Фирдавс Шарифзода ва сокинони шаҳри соҳили “Баҳри тоҷик” дар даромадгоҳи шаҳри Гулистон гарму ҷӯшон истиқбол намуданд.

Дар ин чорабинӣ намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, Раёсати кор бо занон ва оилаи вилояти Суғд ва бахши занон ва оилаи шаҳру ноҳияҳои вилоят иштирок доштанд. Меҳмонон аз мактаби набунёди санъат, маркази атласу адрас дар ҷамоати шаҳраки Сирдарё, осорхонаи шаҳри Гулистон ва аз вазъи буду боши сарбозони қисми ҳарбии Кумитаи ҳолатҳои фавқулода ва мудофиаи граждании 45025 дидан намуданд. Шоми ҳамон рӯз дар осоишгоҳи Баҳористон барномаи марғуби фарҳангиву фароғатӣ аз ҷониби санъаткорони бахши фарҳанги шаҳр барои меҳмонон намоиш дода шуд.

Дар толори ҷамоати шаҳраки Консой бо иштироки раисони маҳаллаҳо, бонувон ва ҷавонони фаъоли шаҳрак вохӯрии сардори шуъбаи РКДАМ-и шаҳри Гулистон Хаёл Ҳакимов оид ба пешгирии падидаҳои номатлуб, муқовимат бо терроризму экстремизм, таҳкими ғояи миллӣ, баланд бардоштани ҳисси ватандорӣ доир гардид.

Зикр гардид, тайи солҳои охир ҳаракатҳои иртиҷоӣ, ифротгароӣ ва динию мазҳабӣ  бо амалҳои ғайриинсонӣ ва кирдорҳои разилона авзои сиёсии сайёраро ноором карда, ҳаёти осоиштаи мардумро зери хатар мегузоранд. Мусаллам аст, ки терроризм ва ифротгароӣ яке аз зуҳуроти номатлуби ҷомеаи ҷаҳонӣ ба шумор рафта, боиси ба миён омадани оқибатҳои нохуш - таҳдид ё истифодаи зӯроварӣ, расонидани зарари вазнини рӯҳонию ҷисмонӣ, таҷовуз ба ҳаёти инсон, бенизомӣ, ғасби ҳокимият, барангехтани низои миллӣ,иҷтимоӣ ва динӣ гардидааст. Терроризм ва ифротгароӣ дар байни табақаҳои мухталифи ҷомеа, махсусан миёни ҷавонон яке аз муаммоҳои меҳварии башарият буда, оқибат ба бесуботӣ ва вайронкорӣ меорад. Тазаккур гардид, ки дар марҳилаи пуртазоди ҷаҳони имрӯз Интернет  - шабакаҳои иҷтимоӣ фазои мусоид барои мубодилаи афкор, дарёфти иттилооти зарурӣ, дастрасии бесобиқа ба ҳама гуна ахборот, фаъолияти корӣ ва инъикоси филҳоли рӯйдодҳоро фароҳам овардааст.

Ба ифтихори 22-юмин солгарди Рӯзи Ваҳдати миллӣ дар корхонаи “Апрелевка”  якҷоя бо кумитаи иҷроияи ҲХДТ дар шаҳри Гулистон  ҳамоиш таҳти унвони “Поянда бод – Ваҳдати миллӣ” баргузор гардид. Ҳамоишро директори генералии ҶМТКММ “Апрелевка” Бахтиёр Маҷидов бо сухани муқаддимавӣ кушод. Сипас раиси КИ ҲХДТ дар шаҳри Гулистон Муслимахон Ҷамолиён, раиси ҷамоати шаҳраки Консой Сайдуллои Баҳодур перумони  Ваҳдати миллӣ ва 25-солагии таъсисёбии ҲХДТ суханронӣ намуданд.

Зикр гардид, ки истиқлолияти комил ва рушди ҳамаҷонибаи ҳар як давлат пеш аз ҳама ба таъмини вазъи муътадили сиёсӣ ва амнияти иҷтимоии ҷомеа алоқаманд аст. Аз ин нуқтаи назар, соҳибдавлатӣ ва ягонагии он ҷомеа ҷовидон хоҳад буд, ки ваҳдати миллӣ дар он торафт густариш ёфта, бо иттиҳодии ҷомеа ҳадафҳои созандаи давлативу миллӣ татбиқ мешаванд ва ин раванд ба рушду таҳкими тамоми соҳаҳо мусоидат мекунад. Гузашти солҳо нишон медиҳад, дар заминаи татбиқи босамари раванди сулҳ, вусъати фазои боварӣ ба ҳамдигар Тоҷикистон дар даврони истиқлолият ба самти нави рушд қадами боэътимод ниҳода, сол то сол дар тамоми соҳаҳо - сиёсиву иқтисодӣ, иҷтимоиву фарҳангӣ дастовардҳои арзишманд ба чашм расида, ин раванд ба нуфузи байналмилалии Тоҷикистон низ таъсири мусбат мерасонад. Дар як давраи кӯтоҳ Тоҷикистон аз кишвари ҷангдида ба кишвари сулҳофар табдил ёфта, бо кишварҳои бонуфузи ҷаҳонӣ ва созмонҳои минтақавию байналмилалӣ робитаҳои дипломатию корӣ барқарор намуд, ки ба рушди соҳаҳои мухталиф, аз ҷумла таъмини шароитҳои ҷалби сармоя, бунёди корхонаву коргоҳҳои нав ва ба ин васила таъмин намудани аҳолӣ бо ҷойи кор, бунёди роҳҳову нақбҳо ва баромадан аз бунбасти коммуникатсионӣ ва амсоли инҳо заминаҳои устувор гузошт.

Тибқи нақшаи чорабиниҳои муштарак дар самти тарбияи ҳарбӣ-ватандӯстии ҷавонон дар қисми ҳарбии 45025-и Кумитаи ҳолатҳои фавқулода ва мудофиаи граҷдании назди Ҳукумати Ҷумҳурии Тоҷикистон мулоқоти масъулин бо афсарон ва сарбозони қисми ҳарбӣ доир гардид.

Дар вохӯрӣ мутахассиси пешбари бахши дин, танзими анъана ва ҷашну маросими МИҲД-и шаҳри Гулистон Суҳроб Тоҳиров, сардори қисми навбатдории ШВКД-и Ҷумҳурии Тоҷикистон дар шаҳри Гулистон, майори милитсия Ҷӯрабой Ҷӯраев, мутахассиси бахши кор бо ҷавонон ва варзиши шаҳри Гулистон Абдумалик Зоидов, сархатиби масҷиди ҷомеи марказии ба номи «Имом Бухорӣ»-и шаҳр  Муҳаммадҷон Усмонов доир ба масъалаҳои экстремизму терроризм – ҳамчун падидаи номатлуб, танзими анъана ва ҷашну маросим, ҳисси ватандӯстиву ватандорӣ ва сатҳи ҷинояту ҷинояткорӣ суханронӣ намуданд. Дар интиҳо мубодилаи афкор байни иштирокчиён ба вуқӯъ пайваст.

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:2021
mod_vvisit_counterРӯзи гузашта:2854
mod_vvisit_counterҲамин ҳафта:2021
mod_vvisit_counterҲафтаи гузашта:19874
mod_vvisit_counterҲамин моҳ:64075
mod_vvisit_counterМоҳи гузашта:60761
mod_vvisit_counterҲамагӣ:1924637

Райъпурсӣ

Сомона чи хел аст?