МАШВАРАТИ АВГУСТИИ КОРМАНДОНИ СОҲАИ МАОРИФИ ШАҲРИ ГУЛИСТОН БАРГУЗОР ГАРДИД

Имрӯз, 24.08.2022 дар толори Кохи фарҳангии “Истиқлол”-и маркази шаҳр машварати августии кормандони соҳаи маорифи шаҳр доир гардид.

Дар кори машварат Раиси шаҳри Гулистон Раъно Ҳошимзода, намояндаи  Раёсати маорифи вилояти Суғд Муяссар Ҳайдарзода,  муовин ва роҳбари дастгоҳи раиси шаҳр, мудирони шуъбаву бахшҳои дахлдори  мақомоти иҷроияи ҳокимияти давлатии шаҳр, роҳбарият ва кормандони шуъбаи маориф, директорони муассисаҳои таълимӣ, томактабӣ ва омӯзгорону мураббиён иштирок доштанд.

Раиси шаҳри Гулистон Раъно Ҳошимзода кори машваратро оғоз намуда, омӯзгоронро бо фарорасии соли нави хониш муборакбод гуфт. Таъкид гардид, ки масъалаи рушди соҳаи маориф яке аз самтҳои афзалиятноки сиёсати пешгирифтаи Ҳукумати Ҷумҳурии Тоҷикистон зери сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қарор дошта, бо мақсади баланд бардоштани нишондиҳандаҳои соҳа иқдомҳои судманд рӯи кор омада истодааст.

Маҳз, натиҷаи ғамхориву таваҷҷуҳи давлату Ҳукумат нисбати соҳаи маориф аст, ки сол то сол рушди бемайлони соҳа ба назар расида,  сатҳу сифати таълиму тарбия беҳтару хубтар гардида истодааст. Тавре Президенти Ҷумҳурии Тоҷикистон Пешвои муаззами миллат муҳтарам Эмомалӣ Раҳмон дар Паёми навбатии худ ба Маҷлиси Олӣ иброз доштанд: “Дар марҳалаи кунунии пешрафти Тоҷикистон ба соҳаҳои илму маориф афзалияти аввалиндараҷа дода мешавад, зеро онҳо дар таҳкими пояҳои давлати демократӣ ва ҳуқуқбунёду дунявӣ нақши калидӣ мебозанд”.

Сипас, иҷрокунандаи вазифаи мудири шуъбаи маорифи шаҳр Улуғбек Хожаев оид ба нишондиҳандаҳои соҳаи маорифи шаҳри Гулистон дар соли таҳсили 2021-2022 суханронӣ намуд.

Пас аз он Ҳасанбой Раҷабзода муовини директори МТМУ №14 дар мавзуи “Корҳои санҷишӣ ва нақши онҳо дар баланд бардоштани сифати дониш, малака ва маҳорати хонандагон” ва Муҳаррам Набиева мудири ширхоргоҳ-кӯдакистони №5-и Ҷамоати шаҳраки Чоруқдаррон дар мавзуи “Роҳҳои самарабахши ташкили кори мудири муассисаи таълимии томактабӣ” маърӯза намуданд.

Намояндаи раёсати маорифи вилояти Суғд Муяссар Ҳайдарзода низ омӯзгоронро таҳният гуфта, дар ба даст овардани дастовардҳо ва иҷро ҳадафҳои дар пеш гузоштаашон комёбӣ таманно намуд.

Раси шаҳр Раъно Ҳошимзода доир ба вусъати корҳои таълиму тарбия, иҷрои ҳадафҳо, ба даст овардани дастовардҳои назаррас дар назди кормандони соҳа вазифаҳои мушаххас гузошт.

Сипас, лоиҳаи қарори машварати августии кормандони соҳаи маорифи шаҳр бо овоздиҳии якдилона қабул карда шуд.

Дар поёни машварат ба омӯзгорони ҷавон, навовару эҷодкорон ва собиқадорони соҳа туҳфа ва Сипосномаҳои Раиси шаҳри Гулистон ва Раёсати маорифи вилоят супорида шуд.

Дар фарҷом санъаткорони бахши фарҳанги шаҳр барномаи рангини консертиро манзури иштирокдорон намуданд.

Боздиди Раиси вилоят аз рафти корҳои сохтмонӣ дар осоишгоҳи "Соҳил" ва бинои Нозироти андоз дар шаҳри Гулистон

Дар истироҳатгоҳу осоишгоҳҳои шаҳри Гулистон, ки аз минтақаҳои сайёҳии вилояти Суғд маҳсуб меёбад, давоми нимсолаи якуми соли ҷорӣ беш аз 13 ҳазор нафар сайёҳони дохилӣ ва хориҷӣ табобат гирифтаанд.

Дар Гулистон теъдоди зиёди осоишгоҳҳо мавҷуд буда, дар шаҳри соҳили Баҳри тоҷик барои истироҳату табобат беҳтарин шароит фароҳам оварда шудааст.

Яке аз чунин осоишгоҳҳои маъруф "Соҳил" буда, айни замон сохтмони бинои иловагии он идома дорад. Тавре зимни шиносоии Раиси вилоят Раҷаббой Аҳмадзода бо рафти корҳои сохтмонӣ иттилоъ дода шуд, бо сохта шудани бинои нав теъдоди катҳои осоишгоҳ ба 230 адад расид. Бо ба анҷом расидани корҳои сохтмонӣ барои муолиҷа ва табобату истироҳати муштариён дастгоҳҳои наву замонавӣ ворид ва насб карда хоҳад шуд.

Шиносоӣ бо сохтмони иншооти истеҳсолӣ дар шаҳри Гулистон

Ҷиҳати расидан ба ҳадафи чоруми миллӣ-саноатикунонии босуръати мамлакат дар шаҳри Гулистон сохтмони корхонаҳои истеҳсолӣ ва фабрикаҳои мурғпарварӣ идома дорад.

Раиси вилояти Суғд Раҷаббой Аҳмадзода дар шаҳри Гулистон рафти сохтмони иншооти истеҳсолиро мавриди таваҷҷуҳ қарор дод. Чуноне иттилоъ дода шуд, бо иқдоми ҶДММ "Парандаи заррин" дар шаҳр фабрикаи мурғпарварӣ сохта шуда, ҷойҳои нави корӣ ташкил карда мешавад. Ҳамзамон дар минтақаи саноатии шаҳр аз ҷониби ҶДММ "Ганҷи Сомон" низ бунёди фабрикаи мурғпарварӣ идома дошта, бо фаъол гаштани ин ду фабрика даҳҳо нафар бо ҷойи корӣ ва маоши хуб таъмин мегарданд.

Тибқи маълумоти масъулин давоми панҷ соли оянда дар шаҳр беш аз 20 корхонаи истеҳсолӣ бунёд гардида, барои расидан ба ҳадафи чоруми миллӣ аз аз тамоми имкониятҳо истифода бурда хоҳад шуд.

ЗАХИРАИ МАВОДҲОИ ҒИЗОӢ БАРОИ ЗИМИСТОН ДАР ҶАМОАТИ ШАҲРАКИ АДРАСМОН

Тибқи ба дастуру супоришиҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Раиси вилояти Суғд муҳтарам Раҷаббой Аҳмадзода ва  Раиси шаҳри Гулистон Раъно Ҳошимзода оид ба захира намудани маводи ғизоӣ ҳамчунин оид ба зимистонгузаронӣ ва самаранок истифода бурдани ҳар як ваҷаб замин суҳбату вохўриҳо ва гардиши хона ба хона, маҳалла ба маҳалла  ҳамарӯза баргузор шуда истодааст.

Аз ҷониби гурӯҳи кории Ҷамоати шаҳраки Адрасмон аз заминҳои назди ҳавлигиҳои сокинон  дидан намуданд, ки воқеан  онҳо  ҳар як ваҷаб заминро  самаранок  истифода бурда, маводи ғизоиро барои  зиндагии хеш захира  намуда истодаан.

Сокинони Ҷаомати шаҳраки Адрасмон дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси вилояти Суғд муҳтарам  Раҷаббой Аҳмадзодаро сармашки кори худ намуда барои зимистор гузарони ва самаранок истифода будани заминҳои назди ҳавлиги ҷиду ҷаҳд менамояд.