Аёдати пирони рӯзгордида дар Ҷамоати шаҳраки Чоруқдаррон

Имрӯз, 19.07.2022 Раиси шаҳри Гулистон  Раъно Ҳошимзода дар Ҷамоати шаҳраки Чоруқдаррон дар доираи сиёсати инсондӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аёдати пирони рӯзгордида Неделкина Нагия ва Ҳаитова Нориро ба роҳ монда, аз ҳолу аҳволи онҳо бохабар шуд.

Пирони рӯзгордида сипоси худро ба Пешвои муаззами миллат муҳтарам Эмомалӣ Раҳмон ва Ҳукумати Ҷумҳурии Тоҷикистон баён намуданд.

Вохӯрии судманд

Санаи 18.07.2022 бо сокинони маркази шаҳр доир ба таъмири намои берунии хонаҳои истиқоматӣ ва захираи маводи озуқаворӣ вохӯрӣ гузаронида шуд.

Дар вохӯрӣ мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Акрамзода Рашиди Рузи ва мудири шуъбаи ташкилӣ ва кор бо кадрҳои дастгоҳи раиси шаҳр Бахтовар Ҷумаев иштирок ва суханронӣ намуданд.

Зикр карда шуд, ки шаҳри Гулистон шаҳри сайёҳӣ аст ва меҳмонони дохилию хориҷӣ мунтазам ворид мегарданд. Вобаста ба ин моро зарур аст, ки ҷиҳати муаррифии фарҳангу тамаддуни миллӣ ба ҷаҳониён корҳоро тақвият бахшем.

НИШАСТИ МАТБУОТИИ РАИСИ ШАҲР БАРГУЗОР ГАРДИД

Баҳри иҷрои Амри Президенти Ҷумҳурии Тоҷикистон аз 15-уми сентябри соли 2011 “Дар бораи гузаронидани нишасти матбуотии раисони мақомоти маҳаллии иҷроияи ҳокимияти давлатии шаҳру ноҳияҳо” ва дар асоси Ҷадвали тасдиқшудаи Мақомоти иҷроияи ҳокимияти давлатии вилояти Суғд аз 6-уми июли соли 2022 дар шаҳри Гулистон 18 июли соли 2022 дар толори калони мақомоти иҷроияи ҳокимияти давлатии шаҳр нишасти матбуотии Раиси шаҳр Раъно Ҳошимзода оид ба ҷамъбасти фаъолияти соҳаҳои хоҷагии халқи шаҳр дар давоми шашмоҳи соли 2022 баргузор гардид.

Ба нишасти матбуотӣ ҳайати дастгоҳи Раиси шаҳр, мудирони шуъбаву бахшҳои мақомоти иҷроияи ҳокимияти давлатии шаҳр, раисони ҷамоати шаҳракҳо, роҳбарони корхонаҳо, роҳбарони сохторҳои ташкилоту муассисаҳо ва идораҳои шаҳр даъват гардида буданд.

Дар нишасти матбуотӣ намояндагони воситаҳои ахбори омма аз телевизионҳои Ҷумҳуриявӣ, вилоятӣ, рӯзномаву маҷаллаҳо ширкат доштанд.

Таҷлили рӯзи металлургҳо дар ҶМТКММ “Апрелевка”

Ҳамасола якшанбеи сеюми моҳи июл дар кишвар ҳамчун Рӯзи металлургҳо қайд карда мешавад. Имрӯз, якшанбеи сеюми моҳи июл  Рӯзи металлургҳо дар ҶМТКММ “Апрелевка” таҷлил карда шуд.

Дар оғоз паёми шодбошии Раиси вилояти Суғд ба истиқболи Рӯзи меллургҳо манзур карда шуд.  Зикр карда шуд, ки воқеан соҳаи металлургия дар рушди иқтисодӣ ва пешрафти хоҷагии халқи мамлакатнақши муҳимро доро мебошад.Тоҷикистон, ки кишвари кӯҳсор ва дорои сарватҳои фаровони зеризаминӣ мебошад, таъмини мустақилияти иқтисодӣ, инкишофи муваффақиятноки соҳаҳои иҷтимоӣ ва сатҳи баланди зиндагии аҳолии он бе рушду нумуи саноати коркарди маъданҳои кӯҳӣ аз имкон берун мебошад. Ин аст, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба тараққӣ ва ривоҷу равнақи соҳаи саноат, аз ҷумла металлургия диққату эътибори доимӣ зоҳир менамоянд.