Мулоқоту музокироти сатҳи олии Тоҷикистону Эрон

Баррасии масоили ҳамкории Тоҷикистон ва Эрон нахуст дар мулоқоти хоссаи Сарони ду давлат муҳтарам Эмомалӣ Раҳмон ва муҳтарам Сайид Иброҳим Раисӣ оғоз ёфта, сипас дар музокироти васеъ бо иштироки ҳайатҳои расмии ҳарду ҷониб идома ёфт.

Зимни мулоқот мубодилаи судманди афкор дар бораи ҳолати кунунӣ ва дурнамои муносибатҳои Тоҷикистону Эрон сурат гирифт.

Президенти Ҷумҳурии Тоҷикистон муҳтарам Эмомалӣ Раҳмон нахуст ба Роҳбари кишвари дӯст барои даъват ҷиҳати анҷом додани сафари расмӣ ва пазироии самимӣ изҳори сипос карданд.

Баргузории конфренсияи илмӣ-адабӣ бахшида ба Рӯзи байналмилалии ҳифзи кӯдакон

Имрӯз, 30.05.2022 тибқи нақшаи кории Мақомоти иҷроияи ҳокимияти давлатии шаҳр дар толори бахши фарҳанги шаҳр конфренсияи илмӣ адабӣ бахшида ба Рӯзи байналмилалии ҳифзи кӯдакон бо иштироки кӯдакону наврасони муассисаҳои таълимии маркази шаҳр баргузор карда шуд.

Дар кори конфренсия сармутахассиси ҳифзи ҳуқуқи кӯдаки Мақомооти иҷроияи ҳокимияти давлатии шаҳр Матлуба Сатторова, мутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, директори китобхонаи системаи марказонидашудаи Бибиомина Мирзоева иштирок ва суханронӣ намуданд.

Зик гардид, ки Рӯзи байналмилалии кӯдакон яке аз қадимтарин идҳои байналмилалӣ ба ҳисоб меравад. Қарори баргузории он соли 1925 дар Конфронси умумиҷаҳонии некӯаҳволии кӯдакон дар Женева қабул карда шуд. Пас аз Ҷанги Дуюми Ҷаҳонӣ, вақте ки масъалаҳои ҳифзи саломатӣ ва некӯаҳволии кӯдакон аз ҳарвақта бештар таъхирнопазир буданд, соли 1949 дар Париж конгресси занон баргузор гардид, ки дар он иштирокчиёни конгресс изҳорот кабул карданд, ки барои таъмини сулҳи пойдор ба хотири таъмини ягона кафолати хушбахтии кӯдакон мубориза баранд, ва худи ҳамон сол, дар сессияи Москвагии Шӯрои Федератсияи Байналмилалии Демократии Занон ҷашни имрӯза муқаррар карда шуд. Соли 1950, 1 июн аввалин Рӯзи байналмилалии кӯдакон баргузор шуд, ки пас аз он ин ид ҳар сол таҷлил карда мешавад. СММ ин ташаббусро дастгирӣ намуда, ҳифзи ҳуқуқ, ҳаёт ва саломатии кӯдаконро яке аз самтҳои афзалиятноки фаъолияти худ эълон кард.

"Гулистон" дар даври шашуми Лигаи якум бо "Моҳир" дидор намуд

Санаи 28 майи соли равон дар доираи даври шашуми мусобиқоти Тоҷикистон оид ба футбол байни дастаҳои Лигаи якум дастаи “Гулистон”-и шаҳри Гулистон дастаи “Моҳир”-и ноҳияи Ёвонро ба ҳузур пазируфт.

Дидори дастаҳо дар варзишгоҳи марказии шаҳри Бӯстон баргузор гардид. Ҳанӯз дар дақиқаи 22-юми қисми аввали дидор Шоҳин Бобоев аз ҳайати дастаи “Моҳир” бо тӯби нишонрас ҳисоби бозиро боз намуд. дар дақиқи 44-уми дидо ба Шоҳин Бобоев муяссар гардид, ки бори дуюм хати дарвозаи мизбононро рахна намояд.

Кӯшиши бозигарони мизбон барои рахна намудани хати дарвозаи меҳмонон дар қисми аввал бебарор анҷом ёфт ва дастаҳо бо ҳисоби 0-2 ба танаффус рафтанд.

Маҷлиси Ҳукумати Ҷумҳурии Тоҷикистон баргузор гардид

27 май таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати мамлакат баргузор гардид.

Дар кори маҷлис нахуст ҳисоботи раисони Кумитаи рушди сайёҳии назди Ҳукумати Ҷумҳурии Тоҷикистон ва Кумитаи рушди маҳали назди Президенти Ҷумҳурии Тоҷикистон дар бораи ҷараёни иҷрои амри Президенти Ҷумҳурии Тоҷикистон аз 6 марти соли 2019 дар бораи Нақшаи чорабиниҳо бахшида ба «Солҳои рушди деҳот, сайёҳӣ ва ҳунарҳои мардумӣ» солҳои 2019-2021 шунида шуд.

Таъкид гардид, ки Нақшаи чорабиниҳо ҷиҳати ба талаботи замони муосир мутобиқ кардани ҳолати инфрасохтор, хизматрасониҳои сайёҳӣ, муаррифии имкониятҳои сайёҳӣ ва фарҳанги миллӣ дар арсаи байналмилалӣ, ҷалби сармояи ватанӣ ва хориҷӣ ба рушди деҳот, сайёҳӣ ва ҳунарҳои мардумӣ, инчунин омода кардани кадрҳои баландихтисос дар дохил ва хориҷи кишвар таҳия гардидааст.