Дар ҳудуди шаҳри Гулистон тибқи нақшаи Мақомоти иҷроияи ҳокимияти давлатии вилоят ва шаҳр дар мавзӯи «Ваҳдат-сарчашмаи сулҳу суботи кишвар» муташаккилона Рӯзи ягонаи хониши сиёсӣ баргузор гардид.

Дар 43 корхонаву муассиса, идораву ташкилотҳои ҳудуди шаҳр ва ҷамоати шаҳракҳо бо намояндагони соҳаҳои гуногуни хоҷагии халқ ва иштироки васеи ҷомеаҳои меҳнатӣ хониши сиёсӣ ба роҳ монда шуд. Дар баргузории хониши сиёсӣ тарғиботчиёни маҳаллӣ ва кормандони Мақомоти иҷроияи ҳокимияти давлатии шаҳр доир ба мавзӯи Рӯзи ягонаи ахбори сиёсӣ маърӯзаҳо карданд. Дар шаҳракҳо бошад хониши сиёсӣ бо иштироки тарғиботчиёни маҳаллӣ ба роҳ монда шуд. Зикр гардид, ки муҷиби сарфарозист, ки таҷрибаи сулҳи тоҷикон, ки меъмори он Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон мебошанд, аз ҷониби созмонҳои муътабари ҷаҳонӣ ҳамчун падидаи нодир ва омӯзанда эътироф гардид ва дар тӯли 22 соли сипаришуда хадафмандӣ ва устувории бештареро, чӣ дар дохили кишвар ва чӣ дар арсаи байналмилалӣ баҳри рафъи ихтилофот касб намуд.

 

Дар маҳфилҳои сиёсӣ иштирокчиён низ суханронӣ намуда, қайд карданд, ки Ваҳдат, Истиқлолият ва Президент – ин се нерӯи қавӣ бо ҳам тавъам ва кафили рушди устувори Тоҷикистон мебошанд. Истиқлолияте, ки имрӯз дорем, амри тасодуф ва танҳо натиҷаи пошхӯрдани давлати шӯравӣ набуда, балки натиҷаи саъю талоши миллати тоҷик аст. Имрӯз Тоҷикистон тавонист истиқлолияти худро таҳким бахшад. Ормони ҳазорсолаи мардуми тоҷик амалӣ гашт ва ба дастовардҳои назаррас дар ҷодаи эҳё ва рушди давлатдории миллӣ ноил гардид. Тоҷикистон алъон дар ҷаҳони муосир намунаи барҷастаи сулҳофарӣ ва суботу ваҳдати пойдор мебошад.

Дар мањфилҳои сиёсӣ иштирокдорон низ суханронӣ намуда, қайд карданд, ки Ваҳдат, Истиқлолият ва Президент – ин се нерўи қавӣ бо ҳам тавъам ва кафили рушди устувори Тоҷикистон мебошанд. Маҳз бо кӯшишу талоши муҳтарам Эмомалӣ Раҳмон мо тавонистем худро аз вартаи фоҷиаи миллӣ наҷот бахшем. Истиқлолияте, ки имрӯз дорем, амри тасодуф ва танҳо натиҷаи пошхӯрдани давлати шӯравӣ набуда, балки натиҷаи саъю талоши миллати тоҷик аст. Тоҷикистон тавонист дар як марҳилаи кутоҳ истиқлолияти худро таҳким бахшад. Ормони ҳазорсолаи мардуми тоҷик амалӣ гашт ва ба дастовардҳои назаррас дар ҷодаи эҳё ва рушди давлатдории миллӣ ноил гардид. Тоҷикистон алъон дар ҷаҳони муосир намунаи барҷастаи сулҳофарӣ ва суботу ваҳдати пойдор мебошад.