Матни равон

Бадрафторӣ ё “дедовшина” дар артиши Тоҷикистон дарди куҳна аст. Ҳар чанд вақт хабарҳо дар бораи захмӣ шудан ё фавти сарбозон дар натиҷаи “дедовшина” ба расонаҳо роҳ меёбад. Ҳукумати Тоҷикистон моҳи октябри имсол ба Созмони Милалли Муттаҳид (СММ) гуфтааст, аз соли 2019 то 2021 ва сабаби “риоят нашудани оинномаи низомӣ” бештар аз 100 сарбоз ба ҳалокат расидаанд.Маълум гардид, ки ҳодиса тахминан рӯзи 15 декабри соли 2022 қисми ҳарбии 0215 Қӯшунҳои сарҳадии КДАМ ҶТ рух додааст.Дар пайи ин, Додситони кулли Тоҷикистон хабар дод, ки вобаста ба ин ҳодиса прокуратураи ҳарбӣ 5 нафар хидматчиёни ҳарбии дар ин амал дастдошта ва подполковник Нузҳат Лазуриев, сардори комендатураи якуми сарҳадии “Ворух”-и қисми ҳарбии 0215 ҚС КДАМ ҶТ-ро боздошт кардааст.Пас аз нашри мавод дар шабакаҳо корбарони зиёд аз латукӯб ва бадрафторӣ дар сафи артиш ёдовар шуда, аз он бо шеваи тунд интиқод карданд ва аз мақомоти масъули кишвар дархост карданд, ки ҳодиса таҳқиқ гардида, гунаҳкорон муҷозот шаванд. Ҳамчунин, аксари корбарони шабакаҳои иҷтимоӣ талаб намуданд, ки минбаъд пеши роҳи меҳтарсолорӣ ва бадрафторӣ дар артиш гирифта шавад ва барои такрор нашудани чунин ҳолатҳо тадбирҳои зарурӣ андешида шавад.Радиои Озодӣ навишт, ки панҷ сарбоз муҳлати хидмати ҳарбиро ба поён расонда буданд ва дар хонаҳояшон боздошт шуданд.Афсару сарбозон замоне боздошт шуданд, ки навори саф кашидани чанд сарбоз ва бадрафторӣ нисбати наваскарон ба шабакаҳои иҷтимоӣ роҳ ёфт ва боиси эътирози корбарони интернетӣ гардид.Назари худи афсарону сарбозон, наздикон ва вакили дифои онҳо дар робита ба парванда ва ҳукми додгоҳ маълум нест.Парвандаи мазкурро додситони низомии Суғд давоми қариб як моҳ таҳқиқ кардааст.Сарбозон Фахриддин Азимов, Аъзам Камолов, Маҳмадназар Нозимов, Ҳоҷиакбар Сайфуллоев, ки дар латукӯби сарбозон гумонбар буданд, барои “вайрон кардани қоидаҳои оинномавӣ” (қисми 2-и моддаи 373 Кодекси ҷиноятии ҶТ) муттаҳам мешаванд. Барои ин иттиҳом аз панҷ то даҳ сол зиндон муайян шудааст.Қаблан гуфта мешуд, ки подполковник Нузҳат Лазуриев ва  Ҷонибек Қосимзода ба сӯистифода аз мақом ва баромадан аз ҳадди ваколатҳои мансабӣ (моддаи 391, қисми 3, банди “б” Кодекси ҷиноятии ҶТ) айбдор мешавад. Ин банди қонун ҷазо дар намуди аз ҳашт то дувоздаҳ сол зиндонро пешбинӣ мекунад.Дар ҳамин ҳол, як манбаъи дигар аз Колегияи ҳарбии горнизони шаҳри Хуҷанд бидуни ифшои ном гуфт, бо ҳукми додгоҳ, подполковник Нузҳат Лазуриев, сардори комендатураи якуми сарҳадии “Ворух”-и қисми ҳарбии 0215 ҚС КДАМ Тоҷикистон ва сержант Ҷонибек Қосимзода 11 солу 6 ва 4 сарбози дигар 9 солу 6 моҳ равонаи зиндон шуданд.Ҳамсуҳбати мо танҳо гуфт, ҳамаашон ҳукм гирифтанд ва додрас Матин Бобозода, додраси Колегияи ҳарбии Додгоҳи олии Тоҷикистон дирӯз, 30-юми май, дар бинои гарнизони Хуҷанд, ҳукми онҳоро содир кард.Як корманди масъули Колегияи ҳарбии горнизони шаҳри Хуҷанд дар суҳбат бо “Азия-Плюс” тасдиқ кард, ки ҳама 6 гумонбар ҳукм гирифтанд, вале бо ишора ба он ки ҳукм аз ҷониби Колегияи ҳарбии Додгоҳи олии Тоҷикистон содир шуд, аз додани иттилои бештар худдорӣ кард.Як подполковник ва 5 сарбоз, ки дар робита ба латукӯби наваскарон ва нашри навори он дар шабакаҳои иҷтимоӣ, як моҳ пештар боздошт шуда буданд, бо қарори Колегияи ҳарбии Додгоҳи олии Тоҷикистон аз 9,5 то 11,5 сол равонаи зиндон шудаанд.

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд


АМИТ "Ховар"

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

ДИҚҚАТ! ОЗМУН!

ДИҚҚАТ! ОЗМУН!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

24 Апр 2024

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:1523
mod_vvisit_counterРӯзи гузашта:4438
mod_vvisit_counterҲамин ҳафта:16415
mod_vvisit_counterҲафтаи гузашта:17379
mod_vvisit_counterҲамин моҳ:40022
mod_vvisit_counterМоҳи гузашта:73985
mod_vvisit_counterҲамагӣ:7846397

Райъпурсӣ

Сомона чи хел аст?