Дидорбинӣ бо оилаи намунавӣ бахшида ба Рӯзи байналмилалии оила

15 май Раиси вилояти Суғд Раҷаббой Аҳмадзода ба шаҳри Гулистон омада, бо оилаҳои барӯманду намунавӣ - оилаи Мамадҷоновҳоро дидор кард ва онҳоро ба муносибати Рӯзи байналмилалии оила табрик намуд.

Оилаи Мамадҷоновҳо яке аз оилаҳои намунавии шаҳри Гулистон мебошанд.

Мамадҷонов Исмоил Иброҳимович ва Қосимова Каромат Маҳмудовна тули 48 сол зиндагии якҷоя дошта, соҳиби се фарзанд, ду духтар ва як писар, 10 набера ва 3 абера мебошанд.

Мамадҷонов Исмоил Иброҳимович беш аз 45 сол собиқаи корӣ, ҳамчун духтури ҷарроҳ дар шаҳри Гулистонро доро мебошад ва алҳол низ фаъолияти меҳнатии худро идома дода истодааст. Мавсуф тули ин солҳо шогирдони зиёдеро тарбия намуда, ба халқ хидмати софдилона намуда истодааст.

Даври шаҳрии озмуни ҷумҳуриявии "Фурӯғи субҳи доноӣ китоб аст" баргузор гардид

Бо мақсади таъмини иҷрои Амри Президенти ҷумҳурии Тоҷикистон муҳтарам Эмомалӣ Раҳмон аз 2-юми январи соли 2025, таҳти рақами 709, қарори Раиси вилояти Суғд аз 31-уми январи соли 2025, № 33, қарори Раиси шаҳри Гулистон аз 12-уми марти соли 2025, №57 «Дар бораи ташкил ва гузаронидани озмуни ҷумҳуриявии «Фурўғи субҳи доноӣ китоб аст» санаи 13.05.2025 даври шаҳрии озмуни оғоз гардид.

Дар маросими кушодашавии озмун муовини Раиси шаҳри Гулистон Муслимахон Ҷамолиён, устодони МДТ «Донишгоҳи давлатии Хуҷанд ба номи академик Бобоҷон Ғафуров», мудири шуъбаи маорифи шаҳр, директорони муассисаҳои таълимӣ ва омӯзгорону хонандагон бо шукуҳи хосса дар Кохи "Истиқлол" иштирок намуданд.

Муслимахон Ҷамолиён муовини Раиси шаҳр зикр намуд, ки озмуни ҷумҳуриявии "Фурӯғи субҳи доноӣ китоб аст" бо сарпарастӣ ва ташаббусҳои маърифатпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳандозӣ гардида, ҷиҳати баланд бардоштани сатҳи маънавиёти ҷомеа, густариши маърифати китобдӯстию китобхонӣ ва эҳёи суннатҳои неки ниёгон дар самти илмомӯзӣ ва фарҳангу адаб равона гардидааст.

ДАВРИ ШАҲРИИ ОЗМУНИ ВИЛОЯТИИ "ШУКУФАҲОИ ИСТИҚЛОЛ" БАРГУЗОР ГАРДИД

Санаи 14-уми майи соли 2025 дар толори Кохи фарҳангии "Истиқлол”-и маркази шаҳр дар асоси фармоиши Раёсати фарҳанги вилоят таҳти №34 ва фармоиши бахши фарҳанги шаҳри Гулистон таҳти рақами №15 даври шаҳрии озмуни вилоятии “Шукуфаҳои Истиқлол” бо иштироки муовини Раиси шаҳр Муслимахон Ҷамолиён, директори китобхонаи вилояти бачагона ба номи Аминҷон Шукӯҳӣ Муродзода Муаззам, собиқадори соҳаи китобдорӣ Усмонова Мақсуда, сардори шуъбаи пурракунӣ ва коркарди адабиётҳо Бобоҷонова Биорифа, сардори шуъбаи хизматрасонии синни томактабӣ Турсунова Саодатхон, мудири шуъбаи маориф Каримӣ Дилрабо байни 10 нафар тарбиятгирандагони гурӯҳи тайёрӣ ба мактабии кӯдакистонҳои шаҳри Гулистон баргузор гардид.

Иштирокчиён аз рӯи 5 шарти озмун муаррифӣ намудани худ, қироати шеър аз ашъори шоири бачагона Наримон Бақозода, кашидани расм дар мавзуи “ Рамзи сулҳ”, аз рӯи расм ботартиб ҷобагузории реҷаи худ, иҷро кардани рақс ва ё суруд дар оҳанги миллии кӯдакона қувваозмоӣ намуданд.

Баргузории конференсияи илмӣ-амалӣ ба муносибати Рӯзи ҷавонони Тоҷикистон таҳти унвони "Нақши ҷавонон дар таҳкими Истиқлолӣ давлати ва амнияти миллӣ"

Имрӯз, 15.05.2025 дар толори кохи фарҳангии Ҷамоати шаҳраки Адрасмони шаҳри Гулистон, дар доираи моҳвораи ҷавонон ва ба муносибати Рӯзи ҷавонони Тоҷикистон таҳти унвони "Нақши ҷавонон дар таҳкими Истиқлолӣ давлати ва амнияти миллӣ" конференсияи илмӣ-амалӣ бо иштироки ҷавонони муассисаҳои таълимии ҳудуди ҷамоат ва дигар кохонаву муассисаҳо баргузор гардид.

Дар кори  конференсия муовини Раиси шаҳри Гулистон Шарифҷони Саидраҳмон,   Аҳлиддин Абдураҳмонов мудири бахши кор бо ҷавонон ва варзиши шаҳр, намояндаи комиссарияти ҳарбӣ Кассиров Парвиз, мудири бахши бойгонӣ Абдуллоев Муродҷон ва раиси Ҷамоати шаҳраки Адрасмон Баротзода Сарҳад иштирок ва суханронӣ намуданд.

Зикр гардид, ки боиси хушнудии мо ҷавонон аст, ки маҳз дар замони соҳибистиқлолии кишвар пайваста ба масоили дастгирии сиёсати давлатии ҷавонон таваҷҷуҳ зоҳир гардида, баҳри бо сифати баланди касбӣ роҳандозӣ намудани тадбирҳои пайваста ва судманду таъсирбахш, ки маҷмуи онҳо аз дастуру супоришҳо ва ҳидояту роҳнамоиҳои Пешвои муаззами миллат  муҳтарам Эмомалӣ Раҳмон сарчашма мегиранд, нақш ва ҷойгои ҷавонон дар ҷомеаи муосир мустаҳкам мегардад.