Беш аз 5 км роҳи Адрасмон-Хуҷанд мумфарш карда шуд

Дар доираи нақшаи чорабиниҳои таҷлили ҷашни 35-солагии Истиқлоли давлатии Ҷумҳурии Тоҷикистон дар Ҷамоати шаҳраки Адрасмони шаҳри Гулистон бо дастгирии соҳибкорони бурунмарзиву ватанӣ, шахсони саховатпеша ва сокинони шаҳрак роҳи Адрасмон-Хуҷанд, ки тули 60 сол аст таъмиру таҷдид нагардидааст мумфарш гардида истодааст. Соли 2023 ин кори нек оғоз гардида, наздик ба 20 км роҳ пурра мумфарш гардида буд.

Сокинон ин иқдоми некро бо истифода аз рӯзҳои мусоиди тобистону тирамоҳ дар соли ҷорӣ низ идома дода, ба иттилои раиси ҷамоати шаҳрак Баротзода Сарҳад 5 км дигари роҳро мумфарш намудаанд.

Масъулин ният доранд, ки марҳила ба марҳила роҳи мазкурро пурра мумфарш намоянд. Мумфарш гардидани роҳ мушкили рафтуомади сокинонро осонтар мекунад.

ИСТИҚЛОЛИЯТ – ОРМОНИ ТАЪРИХИИ МИЛЛАТ

Имрӯз, 12.09.2024 тибқи нақшаи кории бахши кор бо ҷавонон ва варзиш дар маркази шаҳр бахшида ба 33-юмин солгарди Истиқлолияти давлатии Ҷумҳурии Тоҷикистон мизи мудаввар таҳти унвони "Истиқлолият-ормони таърихии миллат"бо иштироки гирандагони стипендияи Президентӣ ва Раиси шаҳр баргузор гардид. Дар чорабинии мазкур Аҳлиддин Абдураҳмонов мудири бахши кор бо ҷавонон ва варзиши шаҳр ва Эмомалӣ Бобоев директори МДТИ иштирок ва суханронӣ намуданд.

Зикр карда шуд, ки дар ин давраи ҳассосӣ ҳаёти ҷамъиятӣ мо бояд зиракии сиёсиро аз даст надода, шукрона кунем, ки ормонҳои ҳазорсолаи давлатсозиву давлатдории ниёгони озодихоҳамон бо талошу пайкор ва бурду бохтҳои бешумор оқибат ҷомаи амал пӯшиданд ва мову шумо имрӯз соҳиби давлати мустақили миллии хеш ҳастем. Мо бори дигар итминон пайдо менамоем, ки он ҳама талошу муборизаҳои гузаштагонамон ба хотири озодиву Истиқлолият чун мероси аҷдодӣ аз насл ба насл интиқол ёфта, боиси умри ҷовид пайдо намудани суннатҳои пурқиммати таърихиву фарҳангӣ ва забону адаби ғановатманди мо гардиданд. Мову шумо аз фарози қарни XXI бояд ҳеҷ гоҳ фаромӯш насозем, ки озодӣ ва Истиқлолият муқаддастарин ва волотарин дастоварди миллат буда, саҳифаҳои пурифтихори озодихоҳиву ватанпарварии мардуми мо бо хуни ҳазорон далерону родмардони сарсупурда навишта шудаанд.

БАРГУЗОРИИ СИТОДИ ОБУНА-2025

Имрӯз, 12.09.2024 дар толори хурди мақомоти иҷроияи ҳокимияти давлатии шаҳр таҳти раёсати муовини Раиси шаҳр Шарифҷони Саидраҳмон Ситоди Обуна-2025 баргузор гардид.  Дар кори Ситод ҳайати Ситоди шаҳрӣ ва роҳбарони муассисаву ташкилотҳо иштирок намуданд.

Зикр карда шуд, ки бо мақсади баланд бардоштани нақши матбуоти даврӣ дар ҳаёти ҳамъиятию сиёсӣ, таъмини фазои иттилоотӣ ва ташвиқу тарғиби васеи сиёсати дохиливу хориҳии давлат ва Ҳукумати Ҳумҳурии Тоҳикистон қарори Раиси вилояти Суғд аз 05.08.2024, № 201 «Дар бораи муташаккилона гузаронидани маъракаи қабули обуна ба рӯзномаю маҳаллаҳои ҳумҳуриявӣ ва вилоятӣ  барои соли 2025” ба тасвиб расид.

Тибқи қарори Раиси вилояти Суғд қарори дахлдори Раиси шаҳри Гулистон аз 13-уми августи соли 2024, №267 ба тасвиб расид. Мутобиқи қарори мазкур ҳайати ситоди шаҳрии «Обуна-2025», рӯйхати тақсимоти обуна ва меъёри обуна муқаррар карда шуд. Бо мақсади обунашавии муташаккилона ва саривақтӣ ба рӯзномаву маҳаллаҳои даврӣ ба унвони корхонаву муассисаҳо, ташкилоту идораҳо аз санаи 16-уми августи соли 2024, №1276-01/05  мактуб ирсол гардида, барои иҳрои меъёри нишондодашудаи обуна муҳлати муайян муқаррар карда шуд.

Табрикоти Раиси шаҳри Гулистон Раъно Ҳошимзода ба ифтихори 33-солагии Истиқлоли давлатии Ҷумҳурии Тоҷикистон

Ҳамшаҳриёни гиромӣ!

Фарорасии 33-юмин солгарди Ҷашни бузурги миллӣ – Истиқлоли давлатии Ҷумҳурии Тоҷикистонро самимона бароятон муборакбод гуфта, ба шумо тансиҳатӣ, хонаободӣ, рӯзгори босаодат ва ба Тоҷикистони азизамон осмони софу беғубор ва рушду тараққиёти беназирро таманно менамоям.

Ватани маҳбуби мо – Тоҷикистони соҳибистиқлол 33 сол инҷониб, ба ҳайси узви комилҳуқуқи ҷомеаи ҷаҳонӣ арзи ҳастӣ дорад. Дар ин солҳо мамлакати мо ва халқи баору номуси он таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз нури зиндагибахши хуршеди Истиқлол баҳравар гардидаистодаанд. Дар ин росто, бо дастоварди бузург дар роҳи рушду инкишофи сиёсиву иҷтимоӣ ва иқтисодиву фарҳангӣ бо қадамҳои устувор пеш мераванд.