ҚАДРДОНИИ АФСАРОН ВА ҶАМЪБАСТӢ МУСОБИҚАИ ВАРЗИШИИ ФУТБОЛ БАЙНИ САРБОЗОН, ДАР ҚИСМИ ҲАРБИИ 45025 КҲФ МГ НАЗДИ ҲУКУМАТИ ҶУМҲУРИИ ТОҶИКИСТОН ДАР ВИЛОЯТИ СУҒД БАХШИДА БА РӮЗӢ ПАРЧАМИ ДАВЛАТИИ ҶУМҲУРИИ ТОҶИКИСТОН

Дар шаҳри Гулистон оид иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир мунтазам андешида шудаистодааст. Дар ҳамин замина нақшаи чорабиниҳои муштараки  бахши кор бо ҷавонон ва варзиши шаҳри Гулистон бо қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд ба тавсиб расидааст.

Лозим ба ёдоварист, ки масъулин Бахши кор бо ҷавонон ва варзиш ва мураббиён дар ҳамкорӣ бо дигар шаҳру ноҳияҳо, шуъбаи маориф, муассисаҳои таълимӣ, қисмҳои ҳарбӣ ва дигар корхонаву ташкилотҳои ҳудудӣ шаҳр ва ҷамоати шаҳракҳои тобеияти шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда, баргузор намудаистодаанд. Бо ҳамин мақсад, санаҳои 24.11.2024 ва 25.11.2024, дар  доираи "Барномаи ватандӯстӣ, эҳсоси масъулияти шаҳрвандӣ ва таҳкими ҳувияти миллии ҷавонони Тоҷикистон дар шаҳри Гулистон барои солҳои 2023-2027", дар қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти суғд  бахшида ба Рӯзи Парчами давлатии  Ҷумҳурии Тоҷикистон мусобиқаи  футбол байни сарбозон баргузор ва ҷамъбаст гардид.

ИСТИҚБОЛИ ТАНТАНАВИИ ҒОЛИБОНИ ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ", ДАР МАРКАЗИ ШАҲРИ ГУЛИСТОН

Имрӯз, 25.11.2024 дар маркази шаҳри Гулистон ғолибини даври ниҳоии озмуни ҷумҳуриявии "Фурӯғи субҳи доноӣ китоб аст"  аз ҷониби муовини Раиси шаҳри Гулистон Ғайрат Оқилзода ва дигар масъулини шуъбаву бахшҳои кор бо ҷавонон ва варзиш,  маориф ва наврасону ҷавонони муассисаҳои таълимӣ тантанавор қабул карда шуданд.

Қайд кардан ба маврид аст, ки дар даври ниҳоии озмуни ҷумҳуриявии "Фурӯғи субҳи доноӣ китоб аст" аз шаҳри Гулистон 5 нафар довталаб фаъолона иштирок намуданд. Дар натиҷаи Кенҷаев Лоиқ муовини директори Муассисаи давлатии "Маркази таҳсилоти иловагӣ"-и шаҳри Гулистон дар номинатсияи "Адабиёти классикии тоҷик" миёни омӯзгорон ва кормандони касбу кори гуногун соҳиби ҷойи сеюм ва Абдуллоев Фаридуншоҳ мутахассиси татбиқи забон дар Мақомоти иҷроияи ҳокимияти давлатии шаҳри Гулистон дар номинатсияи "Эҷоди наср" сазовори мақоми сеюм гардиданд.

Баргузории ҳамоиш таҳти унвони “Парчамат бодо парафшон Тоҷикистони азиз”, дар қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд

Имрӯз, 25.11.2024 доир ба сазовор таҷлил намудани ҷашни таърихии миллат ва дар асоси нақшаи  муштараки бахши кор бо ҷавон ва варзиши шаҳри Гулистон ва қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд, таҳти унвони  “Парчамат бодо парафшон Тоҷикистони азиз!” бахшида ба гиромидошти Рӯзи Парчами давлатии Ҷумҳурии Тоҷикистон ҳамоиш баргузор гардид.

Дар кори ҳамоиши мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва Абуалӣ Абдуворисзода муовин оид ба корҳои сиёсиву тарбиявии қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд иштирок ва суханронӣ намуданд.

Таъкид карда шуд, ки дар таърихи инсоният парчам аз давраҳои қадим ҳамчун рамзи давлатдорӣ истифода мешуд. Силсилаи подшоҳони Пешдодӣ, Каёниёну Сосониён ва Сомониён дар лаҳзаҳои корзор аз дирафшу ливоҳои гуногунҳаҷму гуногунранг васеъ истифода мебурдаанд.

Meeting of the Co-Chairs of the Government Delegations of Tajikistan and Kyrgyzstan on Border Delimitation and Demarcation

On November 23, 2024, the Tajik city of Buston hosted a meeting between the co-chairs of the Government delegations of the Republic of Tajikistan and the Kyrgyz Republic on the delimitation and demarcation of the Tajik-Kyrgyz state border – Saimumin Yatimov and Kamchybek Tashiev.