Пирӯзии “Суғдиён”

16-уми март дар кӯдакистони “Офтобак”-и маркази шаҳр дар доираи чорабиниҳои идона ба ҷашни Наврӯзи байналмилал ва 25-умин солгарди Истиқлолияти давлатии Ҷумҳурии Тоҷикистон озмуни “Калидчаи заррин” доир гардид. Мавзӯи озмун “Риояи қоидаҳои бехатарӣ аз сӯхтор” буд.

Тарбиятгирандагони муассисаҳои томактабӣ тибқи шартҳои озмунӣ шеърхонӣ, гуфтори адабӣ, намоиши саҳнача ва эҷодкорӣ маҳорати хешро намоиш доданд. Дастаи “Суғдиён” нисбати дигар ҳарифони кӯдакистонҳои “Офтобак”, “Ситора” ва “Бобуна” хубу ҷолиб шартҳоро иҷро намуда, мақоми ифтихориро ноил гардид.

Муборакбодии Раиси шаҳри Гулистон ба ифтихори Наврӯзи байналмилал

Ба муносибати ин рӯзи саид ва ҷашни барои ҳар яки мо бузургу муқаддас, ки чанд сол боз мақоми байналмилалӣ гирифтааст, тамоми мардуми саодатманди шаҳрро сидқан табрик гуфта, ба хонадони ҳар яки шумо хуррамиву хушҳолии наврӯзӣ, файзу нусрати баҳорӣ ва тандурустиву баракати рӯзгор орзу менамоям.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таъкид намудаанд, ки “Наврӯз чун рамзи пайванди азалии инсон бо табиат дар шабу рӯзҳои эътидоли баҳориву иваз шудани сол фаро мерасад ва бо расидани он рӯзгори куҳан зиндагиро аз сар мегирад, табиату ҳастӣ рахти нав ба тан мекунанд ва дар рӯҳу ҷони одамон гардише падид меояд”.

Наврӯз ҳамчун қадимтарин ва зеботарин ҷашни мардумӣ дар домони табиати зебои кӯҳандиёри мо зуҳур кардааст. Наврӯз бо обу хок, марзу бум ва руҳи зиндагисозу тамаддунофари аҷдоди мо пайванди ногусастанӣ дошта, расму ойинҳои он дорои рамзҳое мебошанд, ки аз қадим то имрӯз бо рӯзгори мардуми созандаву ободгар ва фарҳангиву таҳаммулгарои мо созгоранд. Дар ин рӯз табиат ва инсон нерӯи тоза пайдо карда, дилу андешаҳо ба ҳам меоянд, одамон некиву накӯкорӣ ва амалҳои хайру савобро тарғиб месозанд, ки ҳамаи онҳо аз рисолати фарҳанги оламшумули сулҳофар ва ваҳдатгарои халқи мо шаҳодат медиҳанд.

«Ганҷи сухан» дар Гулистон

15 – уми март дар толори бошукӯҳи «Кохи Истиқлол»-и шаҳри Гулистон ҳамоиши наврӯзии 137-умини навбатии маҳфили илмиву амалии «Ганҷи сухан» барпо гардид. Маҳфил бо иштироки Раиси шаҳри Гулистон Матлубахон Амонзода ва аъзои он, олимону адибон ва омӯзгорону муҳассилини муассисаҳои таълимии маркази шаҳр ба вуқӯъ пайваст.

Дар ибтидо номзади илмҳои филологӣ Саидумрон Саидов ҳамагонро ба маҳфил «Ганҷи сухан» пазироӣ намуда, олимону адибонро муаррифӣ кард.

22 майи соли 2016 – Рӯзи раъйпурсии умумихалқӣ Ташкили қонунгузорӣ кафили пешрафти ҷомеа

Дар толори шуъбаи маориф ҷиҳати фаҳмонидани тағйиру иловаҳо ба Конститутсияи (Сарқонуни) Ҷумҳурии Тоҷикистон вохӯрии Кумитаи иҷроияи шаҳрии ҲХДТ ва ташкилоти ҷамъиятии «Созандагони Ватан» бо хонандагони синфҳои болоӣ доир шуд.

Раиси Кумитаи иҷроияи шаҳрии ҲХДТ Каромат Қосимова ҳангоми суханронӣ таъкид дошт, ки дар шароити вазъи тағйирёбандаи ҷаҳонӣ таъмини сулҳу суботи сиёсӣ ва ободии ояндаи Ватан, пешрафти бомароми соҳаҳои ҳаёти мамлакат, эҳтироми меъёрҳо ва қонунгузорӣ аз мақоми олии қонунгузори кишвар вобастагии амиқ дорад. Аз ин рӯ ҳангоми қабули қонун ва дигар санадҳои меъёрии ҳуқуқӣ маърифатҳои миллӣ, фарҳангӣ, таъмини сулҳу суботи ҷомеа, дар мадди аввал гузошта мешавад. Мақсади асосии тағйиру иловаҳо ҳифзи соҳибихтиёрии давлат дар замони муосир мебошад.

Доир ба вазъи сиёсии ҷаҳон ва шомилшавии ҷавонон ба ҳизбу ҳаракатҳои тундгаро мудири шуъбаи кор бо занони КИ шаҳрии ҲХДТ Саёҳат Бадалова андеша ронд.