Табрики Раиси шаҳри Қайроққум Матлубахон Амонзода ба муносибати Рӯзи энергетикҳо

Кормандони соҳаи энергетикаи кишвар ҳар сол. чун анъана 22 декабр - Иди касбии худро ҷашн мегиранд.

Бо таваҷҷуҳи хосаи Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон соҳаи энергетика, ки асоси пешрафти иқтисодиёт ба ҳисоб меравад, сол аз сол инкишоф ёфта, дар роҳи расидан ба истиқлолияти энергетикӣ қадамҳои устувор гузошта мешавад. Вазъи барқтаъминкунӣ дар оғози истиқлолияти кишвар ва имрӯз аз ҳамдигар ба куллӣ фарқ мекунад.

Барои таъмини мӯътадили хоҷагии халқ ва аҳолии мамлакат бо нерӯи барқ ҳоло аз ҷониби давлат ва Ҳукумати Тоҷикистон тадбирҳои мушаххас, аз ҷумла бунёди чандин лоиҳаҳои нерӯгоҳҳои хурду миёна роҳандозӣ шуда, азнавсозии НБО-и Роғун бо маром идома дорад.

«Хуш омадӣ, Соли нав!»

Таҳти чунин унвон барномаҳои рангини консертӣ аз 21 то 31 декабр, ҳар рӯз аз соати 15:00 дар боғи фарҳангу фароғатии «24-солагии Истиқлолияти давлатии ҶТ» доир мегардад.

Дар чорабинӣ Бобои Барфӣ, Барфак ва суруду тарона, рақсҳои ҷолиб аз ҷониби ҳаваскорони санъати шаҳракҳо, муассисаҳои таълимӣ ва муҳассилини коллеҷи тиббӣ манзури сокинону меҳмонони шаҳр мешавад. Аз лаҳзаҳои хуши фароғат дар канор намонед.

Телефон барои маълумотҳои иловагӣ: (83443) 2-23-64.

Наврасон дар «Манижа»

Бо иқдоми Раиси шаҳри Қайроққум Матлубахон Амонзода ба муносибати истиқболи Соли Нав дар Маркази хушҳолии «Манижа» бо дастгирии вакили Маҷлиси вакилони халқи шаҳр, сарвари «Бунёди шафқати Т.Зокирова» Турсуной Зокирова 18 декабр барои 150 нафар кӯдакону наврасони эҳтиёҷманд дастархони идона ташкил карда шуд.

Чорабинӣ бо сухани ифтитоҳии мудири шуъбаи иҷтимоӣ ва робита бо ҷомеа Илҳом Мадализода оғоз ёфт.

Саховати Бобохон

Бо дастуру ҳидоятҳои Раиси шаҳри Қайроққум Матлубахон Амонзода дар арафаи иди Соли Нав корхонаи навтаъсиси ҶДММ «Шӯҳрат -2005» бо сарварии Бобохон Раҳмонов ба 60 нафар табақаҳои гуногуни ҷомеа ва 150 нафар кӯдакони шаҳрак дастархони идона оростанд. Аз саховати ин ҳимматбаландон таъби  хурду калон болида гардид.