Таҷлили Рӯзи байналмилалии кӯдакон

Ҳамасола дар саросари дунё 1-уми июн ҳамчун Рӯзи умумиҷаҳонии ҳифзи кӯдакон ҷашн гирифта мешавад. Дар Кохи фарҳангии «Истиқлол» ба ин муносибат барномаи идона бо иштироки Раиси шаҳр Матлубахон Амонзода барои 400 нафар кӯдакон доир гашт.

Дар ибтидо Раиси шаҳр кӯдаконро ба муносибати ҷашнашон табрик намуда, ба кӯдакон тӯҳфаҳои мақомоти иҷроияи ҳокимияти давлатии шаҳр дар вазъи тантанавӣ супорида шуд.

Кӯмак ба кӯдакон

Дар арафаи иди кӯдакон баҳри болида гардонидани хотири кӯдакони ятиму маъюб мақомоти иҷроияи ҳокимияти давлатии шаҳр ба 122 нафар кӯдакони маъюб ба миқдори 6100 сомонӣ ва ба 30 нафар кӯдакони ятими кулл  ба миқдори 1500 сомонӣ кӯмаки яквақтаи пулӣ ва туҳфа-шириниҳо супорида шуд.

Чунин чорабиниҳо дар Ҷамоатҳои шаҳракҳо низ гузаронида шудаанд.

Дастархони идона

Рӯзи 1 июн дар маҷмааи фароғатии "Манижа" дастархони идона бо иқдоми Раиси шаҳр Матлубахон Амонзода ва амали хайри вакили  Маҷлиси вакилони халқи шаҳр, соҳибкор Турсуной Зокирова барои 100 нафар кӯдакон боз ва армуғонҳои идона супорида шуданд.

Ба Қурбонова Марзия раиси шаҳр Сатториён Матлубахон Амонзода аробачаи маъюбӣ супорид.

Мулоқот бо шаҳрвандон

Саҳмгузорӣ дар ободӣ, риояи тозагӣ, фаъолнокӣ дар чорабиниҳои сиёсиву фарҳангӣ, истиқболи арзандаи ҷашнҳои сол, ҳиссагузорӣ дар маъракаҳои умумишаҳрии Рӯзҳои санитарӣ ва варзиш аз масоили мулоқоти Раиси шаҳри Қайроққум Матлубахон Амонзода бо сокинони кӯчаи ба номи М.Турсунзода буд.

Ба суолҳои шаҳрвандон аз ҷониби Раиси шаҳр посухҳои мушаххас дода шуд.