Вохўрӣ бо сарбозон

Кумитаи иҷроияи шаҳрии ҲХДТ дар ҳамкорӣ бо Мақомоти иҷроияи ҳокимияти давлатии шаҳри Гулистон ҷиҳати амалӣ сохтани нақша –чорабиниҳои ҷашнӣ бо ҳадафи пешвози арзандаи 25-солагии Истиқлолияти  давлатии Ҷумҳурии Тоҷикистон корҳои муайянро мавриди амал карор додааст.

Яке аз чунин тадбирҳо вохўрии намояндагони ҳизб бо сарбозони қисми низомии 2425 мебошад. Дар чорабинӣ роҷеъ ба саҳми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон оид ба таҳкими давлатдории миллӣ, эҳёи суннату арзишҳои мардумӣ ва раванди босуръати корҳои азими бунёдкориву созандагӣ дар кишвар раиси КИ шаҳрии ҲХДТ Каромат Қосимова, раиси Ҷамоати шаҳраки Адрасмон Сафар Нурматов ва раиси ташкилоти ибтидоии «Зарчашма» Улуғбек Хоҷаев ҳарф заданд.

Сипоси ниёзмандон

Бо пайравӣ ба иқдомҳои башардўстонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба истиқболи фархундаҷашни миллат ёрии хайрияи Раиси шаҳри Гулистон Матлубахон Амонзода ба пирону барҷомондагон ва оилаҳои камбизоат расонда шуд.

Бо ин мақсад кормандони шуъбаи хизматрасонии иҷтимоӣ дар хона бо сарварии мудири шуъбаи номбурда Дилором Ёқубова маводҳои хўрокаро ба В.Самадов, А.Маллаев, М.Махсудов, А.Полвонов, Н.Гарипова, О.Валиахметова, Ф.Рахмонов, Н.Редкоусова, О.Тохирова, Л.Гавриленко ва дигарон дастрас намуданд. Сипосгузории эшон ифодагари хушбахтию хурсандии онон аз соҳибистиқлолии кишвар буд.

Барномаҳои идона ба муносибати таҷлили ҷашни чаҳорякасраи Истиқлолияти давлатӣ дар шаҳри Гулистон

Ба ифтихори 25-умин солгарди Истиқлолияти давлатии Ҷумҳурии Тоҷикистон санаи 7-уми сентябри соли равон дар шаҳри Гулистон чорабиниҳои зерин доир мегардад:

1. Ҷамъомади тантанавӣ дар толори калони Мақомоти иҷроияи ҳокимияти давлатии шаҳр бо иштироки Раиси шаҳри Гулистон Матлубахон Амонзода.
2. Хатнасури 10 нафар фарзандон аз оилаҳои ниёзманд дар қаҳвахонаи «Дурахшон».
3. Дастархони идона барои собиқадорони ҷангу меҳнат дар тарабхонаи осоишгоҳи «Баҳористон».
4. Роҳпаймоии тантанавӣ бо иштироки ҷомеаҳои меҳнатии ташкилоту корхонаҳо, муассисаҳои таълимӣ ва намояндагони Ҷамоати шаҳракҳо.
5. Муборакбодии намояндагони Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилоят ва Раиси шаҳри Гулистон Матлубахон Амонзода дар майдони Кохи Истиқлол .
6. Барномаи калони консертӣ таҳти унвони «Ҷашни Истиқлол муборак, Тоҷикистони азизам!» дар майдони Кохи Истиқлол.

Ҳумоюнҷашни бузурги миллат муборак, ҳамватанони азиз!

Марҳабо ба тантанаҳои идона.

АРМОНАМ ТУӢ, ВАТАН !

Зери ҳамин унвон бахшида ба ҷашни 25-солагии Истиқлолияти давлатии Тоҷикистон дар муассисаи таълимии миёнаи умумии № 12, деҳаи    Зарчашмаи шаҳраки Адрасмон ҳамоиши ҷомеаи меҳнатии омўзгорону муҳассилин доир шуд. Ҷиҳати боз ҳам рангину  пурмўҳтаво ҷараён гирифтани чорабинии мазкур меҳмонони зиёд:  адибону олимон, хабарнигорон ва дигар нафарони касбу кори гуногуни деҳа дар  саҳни ин маърифатгоҳ сарҷамъ омаданд.

-Ҳадаф аз ин чорабинӣ албатта, истиқболи сазовори ҷашни бузурги сиёсии миллат 25-солагии Истиқлолияти давлатии Тоҷикистон аст,- иброз дошт Улуғбек Хоҷаев директори муассисаи мазкур,- ва дар ин доира рўнамоии китоби омўзгорони мактаб Буҳоҷали Туёқбой ва Марҳамати Абдулазиз «Армонимсан Ватан» мебошад, ки он ҳам ба таҳкими дастовардҳои соҳибистиқлолӣ, дўстиву рафоқати халқҳо бахшида шудааст. Муҳимтар аз ҳама насли наврасро дар рўҳияи арҷгузорӣ ба давлату давлатдорӣ тарбия кардан ва рў овардани насли наврас ба арзишхои истиқлолӣ, ҳифзу эҳтиром гузоштан ба дастовардҳои соҳибистиқлол аст.