Инъикоси Қайроққум дар матбуоти даврӣ

Хабари бунёди осоишгоҳ ва маркази таълимию истеҳсолӣ дар Қайроққум, дар нашрияи «Ҷумҳурият» №143, аз 15 июли соли 2015 дарҷ шуд.

«Фаъолияти корхонаҳои саноатӣ босамар буд»- таҳти чунин унвон гузориши хабарнигор Абдувосит Самизода аз нишасти матбуотии Раиси шаҳри Қайрокқум Матлубахон Амонзода  дар рӯзномаи «Садои мардум» № 94, аз 13 июли соли 2015 ба чоп расидааст.

Дар нашрияи «Ваҳдат» бошад таҳти №13, аз июлмоҳи соли равон навишта бо унвонии «Сарчашмаи бахти баланд» оид ба таҷлили Рӯзи Ваҳдати миллӣ, ки дар шаҳри соҳили «Баҳри Тоҷик» доир  гаштааст рӯйи чопро дидааст, ки ба қалами Тоҳирҷон Искандарзода тааллуқ дорад.

Иқдоми Раиси шаҳр

Мақомоти иҷроияи ҳокимияти давлатии шаҳр марбут ба сиёсати иҷтимоӣ сол то сол ба соҳаи тандурустӣ таваҷҷуҳи хоса зоҳир менамояд. Бо иқдоми Раиси шаҳри Қайроққум Матлубахон Амонзода барои таъмиру таҷдиди шуъбаи сироятӣ ва амрози занонаи сохтори госпиталӣ аз буҷаи маҳаллӣ 232 ҳазор сомонӣ маблағ ҷудо карда шуд.

-Ин ғамхорӣ имкон дод, ки барои табобат дигар шаҳрвандон ба шаҳри Хуҷанд ва ноҳияи Б.Ғафуров нараванд. Дар шуъба тамоми шароит ва таҷҳизотҳои муосири тиббӣ муҳайёст, - иброз медорад, менеҷери сохтори госпиталии шаҳр Савриҷон Бойматова, - чунин ободкориҳо дар соҳаи тандурустӣ моро водор месозад дар самти беҳдошти саломатии аҳолии шаҳр ва тарғибу ташвиқи тарзи ҳаёти солим тамоми донишу малакаи хешро сафарбар намоем.

Рӯнамои «Дарёи сӯзон»

Интишороти «Раҳим Ҷалил»-и шаҳри Хуҷанд маҷмуаи шеърҳои адиби адрасмонӣ Мақсудҷон Мирзоабдуллоевро бо забони ӯзбекӣ таҳти унвони «Ёнар дарё» («Дарёи сӯзон») ба табъ расонд.

Муҳаррири масъул узви Иттифоқи нависандагони Тоҷикистон ӯринбой Усмонов мебошад.

Ғояҳои асосии китоб ба ватандӯстӣ, меҳру муҳаббат, ишқ, тифоқӣ дар оила ва амсоли инҳо бахшида шуда, аз шаш боб иборат аст.

Ба ифтихори рӯнамои китоби «Дарёи сӯзон» дар шаҳраки Адрасмон рӯзи 18-уми июли соли равон маҳфили шеъру сухан доир гардид. Узви Иттифоқи нависандагони Тоҷикистон ӯринбой Усмонов, сармуҳаррири нашрияи «Соҳил» Рустамҷон Одизода, собиқадорони меҳнат Муҳаммадҷон Файзуллоев ва Санавбар Нуруллоева, директори МТМУ-и №7 Бурҳониддин Нуруллоев, адиб Абдулҳаким Табибӣ ва дигарон роҷеъ ба ғояҳои асосии китоб ҳарф заданд.

Аёдати моҳи шарифи Рамазон

Дар асоси супориши КИВ ҲХДТ дар вилояти Суғд ба муносибати моҳи шарифи Рамазон 1 нафар кудаки маъюб, 1 нафар аз маъюб ва 4 нафар шахсони аз оилаҳои камбизоат, яккуву танҳо Ҷумъаев Рауф, Мадумбараева Олга, Сотиболдиева Р, Семёнова М, Рапиева А ва Субханкулова Л. ҳамагӣ шаш нафар аз тарафи КИШ ҲХДТ шаҳри Қайроққум аёдати яквақтаи пулӣ расонида шуд.

Мавлуда Рафиева