Муборакбодии Матлубахон Амонзода, Раиси шаҳри Гулистон ба муносибати Рўзи байналмилалии ҳифзи кўдакон

Нигаҳдорандаи ҳар ҷомеа, бақои ҳар миллат, идомадиҳандаи насли инсонӣ бешубҳа, ин кўдаконанд. Ғамхориву мехрубонӣ дар ҳаққи кўдакон, ин худ меҳрубонӣ ба давлату давлатдорӣ мебошад. Ҳамин аст, ки тибқи анъана ҳар сол рўзи якуми июн дар аксари кишварҳои ҷаҳон, аз ҷумла Тоҷикистон, ҳамчун Рўзи байналмилалии ҳифзи кўдакон арҷгузорӣ мешавад. Солҳост, ки ин рўз миёни мардуми мо низ чун аз рўзҳои муҳим маҳбубият дорад.

Рўзи байналмилалии ҳифзи кўдакон 67 сол муқаддам бо қарори Анҷумани Шўрои федератсияи байналмилалии демократии занон таъсис ёфта, бори аввал соли 1950 дар даҳҳо кишвари дунё таҷлили худро ёфта буд. Ин сана ба мо – калонсолон ҳамеша ҳушдор медиҳад, ки масъулияти саломатӣ, тарбияи маънавии кўдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дўши мост.

Машварати корӣ

26-уми май Раиси шаҳри Гулистон Матлубахон Амонзода баъди боздид аз фаъолияти истеҳсолии ҶДММ «Ширкати кўҳӣ - саноатии Тоҷикистону Хитой» ва шиносоӣ аз вазъи ташкилоту корхонаҳои қаламрави шаҳрак дар бинои Ҷамоати шаҳрак машварати корӣ доир кард.

Тавре зикр гардид боми бинои муассисаҳои таълимии рақамҳои 6 ва 10 эҳтиёҷ ба таъмир доранд, бинои зисти сарбозони қисми низомӣ ҳам дорои шароити хуб нест, пардохти маблағи қувваи барқи истифодашуда дар сатҳи паст қарор дорад, ташкили шанбегиҳо бо мақсади таъмини тозагӣ, таъмини либоси ягонаи мактабӣ барои хонандагону омўзгорон ва омодагӣ ба давраи тирамоҳу зимистони солҳои 2016-2017 ва амсоли инҳо фавран бояд мавриди ҳаллу фасл қарор дода шаванд.

Норасоиҳоро ислоҳи фаврӣ мебояд

26-уми май муовини Раиси вилояти Суғд Заробиддин Файзуллозода бо ҳадафи шиносоӣ аз фаъолияти ҶДММ «Ширкати кўҳӣ - саноатии Тоҷикистону Хитой» ба шаҳраки  Зарнисор сафар намуд.

Ўро Раиси шаҳри Гулистон Матлубахон Амонзода, муовин, мудирони шуъбаю бахш ва сарварони ташкилоту корхонаҳои масъул ҳамроҳӣ карданд. Натоиҷи сафар дар ҷаласа таҳти раёсати муовини Раиси вилояти Суғд Заробиддин Файзуллозода мавриди баррасӣ қарор дода шуд.

Баҳри фароғати хуш

Бо ҳидояти Раиси шаҳри Гулистон Матлубахон Амонзода бо ҳадафи таъмини эҳтиёҷоти шаҳрвандон ва меҳмонон бо нўшобаҳои ташнашикану яхмос дар фасли баҳору тобистон дар ҳудуди боғи фарҳангу фароғатии “24-солагии Истиқлолияти давлатии Ҷумҳурии Тоҷикистон” нуқтаҳои нави хизматрасонӣ ба фаъолият шурўъ намуданд.

Сокинон ва меҳмонони шаҳр акнун метавонанд аз субҳ то шом аз обҳои софу лазиз ва яхмосҳои ширину гуворои “Орзуи ширин”, “Яхмоси Гулистон” ва “Яхмоси висол” баҳраёб гарданд. Фасли тобистон бо нўшобаю яхмосҳояш ба ҷисми инсон ҳаловати тоза мефизояд.