Матни равон

Тадбирҳо оид ба роҳандозии маърифати ҳуқуқӣРавандҳои ҷаҳонишавии ҷомеаи муосир босуръат идома доранд. Суол ба миён меояд, ки оё ин омилҳо ба манфиатҳои миллӣ мухолифатпазир нестанду хавфи бегонапарастиро дар худ таҷассум намекунанд ва ғояи мазкур урфу одат, меҳанпарастӣ, забон, таърих, фарҳанг ва аз ҳама беш муттаҳидиро ғарқи худ намекарда бошад?

Посух ба ин суол дар Шӯрои шаҳрии мутобиқсозию методӣ ба таълим ва тарбияи ҳуқуқии шаҳрвандони шаҳр, ки таҳти сарварии Раиси шаҳри Қайроққум, раиси Шӯро Матлубахон Амонзода бо иштироки аъзоёни Шӯро ва роҳбарони ташкилоту муассиса, раисони Ҷамоати шаҳракҳо, имом-хатибони масҷидҳо доир гардид, бо муҳокимаи се масъала мавриди баррасӣ қарор дода шуд.

Бахши кор бо занон ва оила дар ҳамкорӣ бо бахши ҷавонон, варзиш ва сайёҳӣ 20 майи соли равон дар толори варзишии «Истиқлол» бо иштироки намояндагони корхонаву муассисаҳо ва Ҷамоати шаҳракҳо озмуни шаҳрии «Падар, модар ва ман аз оилаи варзишгар»-ро гузаронид.

Мақоми аввал насиби оилаи Мавлонназаровҳо аз Ҷамоати шаҳраки Сирдарё ва ҷойҳои дуюму сеюмро оилаҳои Тӯйчиевҳо аз МВБН ва Воҳидовҳо аз Маркази саломатӣ ноил гардиданд.

Рӯзи ягонаи ахборПанҷшанбеи гузашта Рӯзи ягонаи ахбори сиёсӣ дар мавзӯи «Ҷавонон – идомадиҳандаи ҳадафҳои олии кишвар»  дар қаламрави шаҳр гузаронида шуд.

Дар гузаронидани хониши сиёсӣ тарғиботчиёни Мақомоти иҷроияи ҳокимияти давлатии вилоят Фаррух Турсунов, мудири кафедраи Донишкадаи савдо ва иқтисоди Донишгоҳи тиҷорати Тоҷикистон, Мавҷуда Ӯрунова ва Муътабархон Бобоева дотсентони кафедраи ДДХ, ба номи академик Б.Ғафуров, дар Ҷамоати шаҳраки Сирдарё, Маркази саломатӣ ва тарғиботчиёни маҳаллӣ дар корхонаву муассисаҳо баромад намуданд.

Мулоқоти Раиси шаҳр бо ҷавонон20 май дар Кохи Истиқлол мулоқоти Раиси шаҳри Қайроққум Матлубахон Амонзода бо ҷавонон баргузор шуд. Раиси шаҳр зимни суханронӣ аз дастовардҳои даврони соҳибистиқлолӣ, сиёсати давлатии ҷавонон, атрофи масъалаҳои шароити мусоид фароҳам овардан баҳри нерӯ ва заковати ҷавонмардони онҳо бо ҳадафи сарҷамъии миллату ободии Ватан, ки давлат ва Ҳукумати ҷумҳурӣ роҳандозӣ дорад ҳарф зад. Мақомоти иҷроияи ҳокимияти давлатии шаҳр ҳамеша дастгиру ҳимоятгари сиёсати дурнамои Президенти кишвар Эмомалӣ Раҳмон доир ба амалигардонии Қонуни ҶТ «Дар бораи сиёсати давлатии ҷавонон» буда ҳамаи пешниҳоду иқдомҳои наву созандаи онҳоро ҷонибдорӣ хоҳад кард, -таъкид дошт Раиси шаҳр.

Намояндаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҷалолуддин Нуров низ назди ҳозирин баромад кард. Доир ба масоили вусъати варзиш, ташкили вохӯрӣ бо адибон, саҳмгузории ҷавонон дар пешбурди соҳаҳои фарҳанг, варзиш, тандурустӣ, маориф ва амсоли инҳо бархе иштирокчиён фикру мулоҳизаҳои хешро баён намуданд. Аз чониби Раиси шаҳр ба суолҳои ҷавонон посухҳои саҳеҳ дода шуд.

…Ман баъди ҳазор меоям бозБахшида ба 74-солагии зодрӯзи Шоири халқии Тоҷикистон, равоншод Лоиқ Шералӣ дар Кохи Истиқлол маҳфили ёдбуди «Ман баъди ҳазор меоям боз» доир гардид. Кормандони китобхонаи марказӣ барои дӯстдорони назму наср намоиши китобҳои бадеии нобиғагони аср -  шоири тавонои халқ Мирзо Турсунзода ва ахтари самои сухан Лоиқ Шералиро ба марази тамошо гузоштанд.

…Ман баъди ҳазор меоям боз

Дар чорабинӣ Нависандаи халқии Тоҷикистон Муҳиддин Хоҷазод, Шоири халқии Тоҷикистон Нурмуҳаммад Ниёзӣ, сармуҳаррири рӯзномаи вилоятии «Сухани халқ», устоди ДДХ ба номи академик Б.Ғафуров Тоҷибой Султонӣ, устоди Донишгоҳи давлатии ҳуқуқ, бизнес ва сиёсати Тоҷикистон, ровии шеъри Аҷам Аслан Каримов, адибон Мадализода Илҳоми Раҳим, Баҳоралӣ Ноқил иштирок ва хотироти хешро бо меҳру муҳаббати бепоён аз ҳаёти инсони беқиёс, мунодии наҷоти мо, пуштибони фарҳангу миллат, сарҷаридаи шеъри Аҷам Лоиқ Шералӣ ба забон оварданд.

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд


АМИТ "Ховар"

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

04 Дек 2024

ДИҚҚАТ! ОЗМУН!

ДИҚҚАТ! ОЗМУН!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

24 Апр 2024

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:572
mod_vvisit_counterРӯзи гузашта:1716
mod_vvisit_counterҲамин ҳафта:11271
mod_vvisit_counterҲафтаи гузашта:12879
mod_vvisit_counterҲамин моҳ:27733
mod_vvisit_counterМоҳи гузашта:68472
mod_vvisit_counterҲамагӣ:8372306

Райъпурсӣ

Сомона чи хел аст?