Натиҷаҳо хуб, онҳоро афзун мебояд

Дар толори маҷлисгоҳи Мақомоти иҷроияи ҳокимияти давлатии шаҳр рӯзи 15 июли соли 2015 ҷаласаи фаъолони шаҳр доир гардид. Дар он муовинони Раиси шаҳр, мудирони шуъбаю  бахш, мақомотҳои қудратӣ, раисони Ҷамоати шаҳракҳо, роҳбарони корхонаҳои саноатӣ ва кормандони васоити ахбори омма ҳузур доштанд. Маҷлиси фаъолони шаҳрро Раиси шаҳр Матлубахон Амонзода ифтитоҳ намуд:

- Дар ҷаласаи имрӯза танҳо як масъала оид ба ҷамъбасти натиҷаҳои рушди иҷтимоию иқтисодии шаҳр дар шаш моҳи соли равон ва вазифаҳои иҷрошудае, ки дар партави суханрониҳои Президенти кишвар, Ҷаноби Олӣ, мӯҳтарам Эмомалӣ Раҳмон ки рӯзҳои сафари корӣ ба вилояти Суғд иброз дошта буданд ва он нуктаҳое, ки аз Паёми Президент ба Маҷлиси Олии Ҷумҳурии Тоҷикистон бармеояд мавриди баррасӣ қарор дода мешавад, - зикр дошт, Раиси шаҳр.

Муборакбодии Раиси шаҳри Қайроққум Матлубахон Амонзода ба муносибати Иди саиди Фитр

Ҳамдиёрони азизу гиромӣ!

17 июли соли равон кулли мусулмонони олам, аз ҷумла мардуми шарифи Тоҷикистон Иди саиди Фитрро баъди ба ҷо овардани фаризаҳои рӯзаи моҳи шарифи Рамазон бо фараҳмандӣ ва тантанаву шукӯҳ ҷашн мегиранд.

Фармудаҳои шариат дар мавриди моҳи шарифи Рамазон ва рӯзадорӣ аз он шаҳодат медиҳанд, ки таълимоти ислом аз рузи ба вуҷуд омаданаш саршори ғояҳои хайру эҳсон ва накӯкорӣ мебошад. Ҳусни муошират бо аҳли хонадон, меҳру муҳаббат ба наздикону пайвандон, муомилаи нек бо ҳамсоягон, мурувват бо дӯстону ҳамкорон, раҳму шафқат ба беморону барҷомондагон, кӯмаку ғамхорӣ ба дармондагону бечорагон, ёди хайр аз гузаштагон дар ин моҳи шариф барҷаста ба назар мерасанд.

Набзи шаҳракҳо

АДРАСМОН

Дар ҷамоати шаҳраки Адрасмон, дар яке аз мавзеъҳои басо дилкашу ҷолиб ва афсонавӣ осоишгоҳи муосири ҳамном «Адрасмон» мавриди баҳрабардорӣ қарор гирифта, шароит фароҳам овард, ки 10 нафар бо ҷойи кори доимӣ таъмин шаванд.

Осоишгоҳи «Адрасмон» бо ташаббуси соҳибкорони маҳаллӣ Мамлакат Ғафурова ва Бахтиёр Ҷӯраев мавриди истифода қарор гирифта, қаблан 12 нафар сокинон аз оилаҳои камбизоат ба табобату истироҳат фаро гирифта шуданд. Табобатгирандагон бархӯрдор аз тамоми шароитҳои истироҳативу фароғатӣ мебошанд.

Озмуни «Оилаи намунавии соли 2015»

Қарори Раиси шаҳри Қайроққум таҳти № 148, аз 19 июни соли 2015 «Дар бораи гузаронидани озмуни шаҳрии «Оилаи намунавии соли 2015» ба тасвиб расид. Даври аввали озмун моҳҳои август-октябри соли ҷорӣ дар шаҳракҳо ва ташкилоту корхонаҳо гузаронида мешавад.

Ҳадафи озмун тарғиби маърифати оиладорӣ, баланд бардоштани масъулияти падару модар дар таълиму тарбияи фарзанд, ташаккули тарзи ҳаёти солим, дарёфти оилаҳои беҳтарини сол, омодасозии ҷавонон ба ҳаёти мустақилона ва амсоли инҳо нигаронида шудааст. Озмун аз 7 шарт иборат мебошад.