МАРҲАБО БА ТАМОШОИ ФУТБОЛ

Ба таваҷҷуҳи сокинон ва меҳмонони шаҳри Гулистон мерасонем, ки санаи 29.04.2024 соати 16:30 Клуби футболи "Гулистон"-и шаҳри Гулистон дар доираи даври аввали Лигаи дуюми Чемпионати Тоҷикистон оид ба футбол дар минтақаи Суғд КФ "Ашт"-и ноҳияи Аштро қабул менамояд ва дастаҳо барои ба даст овардани нахустин имтиёзҳо дар мавсими нави футбол шӯру шавқ рақобат менамоянд.

Лозим ба зикр аст, ки даври якуми бозиҳои Чемпионати Тоҷикистон оид ба футбол байни дастаҳои Лигаи дуюм дар минтақаи Суғд бо иштироки 12 даста аз имрӯз оғоз мешавад.

Ҳамаи мухлисони футболро ба тамошои нахустин бозии мавсим ва ҳамчунин бозии хонагии дастаи "Гулистон"-и шаҳр даъват менамоем.

Ҷаласаи навбатии Шурои ҳамоҳангсозии фаъолияти мақомоти ҳифзи ҳуқуқи шаҳри Гулистон доир гардид

Санаи 24.04.2025 дар толори хурди мақомоти иҷроияи ҳокимияти давлатии шаҳр ҷаласаи навбатии Шурои ҳамоҳангсозии фаъолияти мақомоти ҳифзи ҳуқуқи шаҳри Гулистон баргузор гардид.

Дар кори ҷаласа Раиси Шуро Прокурори шаҳри Гулистон Вазирзода Вазир Зокир, муовини якуми Раиси шаҳр Даврон Муҳаммадзода, аъзои Шуро сардори шуъбаи Вазорати корҳои дохилии Ҷумҳурии Тоҷикистон дар шаҳри Гулистон Раҳимзодаа Мирзоватан, сардори шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд Комрон Қаҳҳоров, сардори нозироти андози шаҳр Исмат Холов, иҷрочии калони Хадамоти иҷро дар шаҳр Мафтун Қурбонзода иштирок намуданд.

ВОХӮРИИ РАИСИ ФЕДЕРАТСИЯИ ФУТБОЛИ ШАҲР, РАИСИ ШАҲР ИЛҲОМ ПӮЛОТЗОДА БО ҲАЙАТИ ДАСТАИ "ГУЛИСТОН"-И ШАҲР

Санаи 24.04.2025 раиси Федератсияи футболи шаҳри Гулистон, раиси шаҳр Илҳом Пӯлотзода бо ҳайати футболбозони дастаи "Гулистон"-и шаҳри Гулистон вохӯрӣ анҷом дод. Дар вохӯрии мазкур муовини раиси шаҳр Шарифҷони Саидраҳмон, сарпарасти соҳа, мудири бахши кор бо ҷавонон ва варзиши шаҳр Аҳлиддин Абдураҳмонов, сармураббии даста Фаррух Ниёзов ва бозигарони даста иштирок доштанд.

Илҳом Пӯлотзода нахуст ҳамаи бозигаронро бо пайвастан ба клуби футболи “Гулистон”-и шаҳри Гулистон ва оғози мавсими нави Лигаи дуюми Чемпионати Тоҷикистон оид ба футбол муборак бод гуфта, барояшон дар ҳимояи шарафи дастаи футболи “Гулистон”-и шаҳри Гулистон барору комёбӣ таманно намуд.

БАРГУЗОРИИ КОНФЕРЕНСИЯИ ИНТИХОБОТИИ ФЕДЕРАТСИЯИ ФУТБОЛИ ШАҲРИ ГУЛИСТОН

Дар толори хурди Мақомоти иҷроияи ҳокимияти давлатии шаҳри Гулистон Конференсияи интихоботии Федератсияи футболи шаҳри Гулистон баргузор гардид.

Аҳлиддин Юнусов котиби генералии Федератсияи футболи вилояти Суғд конференсияро ҳусни ифтитоҳ бахшид. Вакилон комиссияи кории Конференсияро интихоб намуданд. Дар Конференсияи интихоботӣ ду масъала мавриди баррасӣ қарор гирифт - интихоби раиси федератсияи футболи шаҳр ва интихоби муовинони раиси федератсия.

Бо пешниҳоди Раиси Федератсияи футболи Ҷумҳурии Тоҷикистон ва вилояти Суғд ба вазифаи раиси Федератсияи футболи шаҳри Гулистон номзадии Раиси шаҳри Гулистон Илҳом Пӯлотзода пешниҳод гардид. Пас аз муҳокима бо овоздиҳии кушод вакилон якдилона Раиси шаҳри Гулистон Илҳом Пӯлотзодаро ба вазифаи раиси Федератсияи футболи шаҳри Гулистон интихоб намуданд.