Табрикоти Раиси шаҳри Гулистон Раъно Ҳошимзода ба муносибати Рӯзи Мавлоно Ҷалолуддини Балхӣ

Ҳамшаҳриёни гиромӣ!

Бо шарофати Истиқлолияти давлатии Тоҷикистон ва тавассути сиёсати дурбинона ва хирадмандонаи Асосгузории сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бисёр чеҳраҳои оламшумули адабиёту фарҳанги мо аз нав зинда ва хотираи онҳо абадӣ гардонида шуданд.

Бо пешниҳоди Пешвои муаззами миллат ва тасдиқи созмони фарҳангии ЮНЕСКО соли 2007 дар Тоҷикистон ва дар тамоми дунё 800-солагии Мавлоно Ҷалолуддини Балхӣ ботантана таҷлил карда шуда, адолати таърихӣ нисбати ин ҳакими бузурги давру замонҳо барқарор карда шуд.

МУЖДА: АБДУҚОДИРОВА ЗАРНИГОР ДАР ОЗМУНИ ҶУМҲУРИЯВИИ «ХОНАНДАИ БЕҲТАРИНИ АСАРҲОИ ПЕШВОИ МИЛЛАТ» САЗОВОРИ МАҚОМИ ИФТИХОРӢ ГАРДИД

Аз 24 сентябр дар Муассисаи давлатии «Китобхонаи миллии Тоҷикистон» даври дуюми Озмуни ҷумҳуриявии «Хонандаи беҳтарини асарҳои Пешвои миллат» оғоз гардид ва то 28 сентябр идома ёфт.

Дар даври ниҳоии озмуни мазкур донишҷӯӣ бахши сеюми Муассисаи ғайридавлатии коллеҷи тибии шаҳри Гулистон Абдуқодирова Зарнигор фаъолона иштирок намуда, сазовори ҷойи ифтихорӣ гардида, бо Ифтихорномаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва сипосномаи Кумитаи кор бо ҷавонон ва варзиши назди ҳукумати Ҷумҳурии Тоҷикистон қадрдонӣ гардид.

Ёдовар мешавем, ки бо мақсуди арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корнамоиҳои наҷиб ва фаъолияти шоистаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи наҷоти давлат, таҳкими ваҳдати миллӣ, эъмори модели нави давлати демократӣ, ҳуқуқбунёд, дунявӣ ва ягонаи Тоҷикистон дар шароити нави таърихӣ ва ба ин васила дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, ифтихори миллӣ, тақвияти қобилияти кордониву роҳбарӣ, омӯзиши ҳамаҷонибаи Мактаби давлатдории Пешвои миллат дар байни насли ҷавони аҳолии ҷумҳурӣ, бахусус донишҷӯёни муассисаҳои таҳсилоти миёна ва олии касбӣ дар мамлакат Озмуни ҷумҳуриявии «Хонандаи беҳтарини асарҳои Пешвои миллат» доир мегардад.

ТАҶЛИЛИ РӮЗИ УМУМИҶАҲОНИИ САЙЁҲӢ ДАР ҶДММ "БАҲОРИСТОН"

Санаи 27.09.2024 дар  осоишгоҳи ҶДММ "Баҳористон" ба ифтихори Рӯзи  умумиҷаҳонии сайёҳӣ чорабинии идона баргузор карда шуд. Дар чорабинии идона ҳаҷвнигорон ва ҳофизон ширкат намуда, табъи истироҳаткунандагонро болида гардониданд.

Рӯзи умумиҷаҳонии сайёҳӣ яке аз ҷашнҳои байналмилалӣ буда, аз ҷониби Ассамблеяи генералии Созмони Умумиҷаҳонии сайёҳӣ соли 1979 дар шаҳри Торремолиноси Испания таъсис ёфта, ҳамасола 27 сентябр ҷашн гирифта мешавад.

Хотирнишон бояд кард, ки бо талошҳои Ҳукумати Ҷумҳурии Тоҷикистон бо мақсади заминаи воқеӣ гузоштан ва ворид шудани соҳаи сайёҳии кишвар ба бозори ҷаҳонии сайёҳӣ 27 – ноябри соли 2007-ум дар шаҳри Картахена Индасии Ҷумҳурии Колумбия дар ҷаласаи 54 Асамблеияи Созмони умумиҷаҳонии сайёҳии Созмони Милали Муттаҳид кишвари азизи мо ҳамчун узви комилҳуқуқи ин созмони бонуфӯз пазируфта шуд.

ҶАЛАСАИ НАВБАТИИ СИТОДИ ҲАРБӢ БАРГУЗОР ГАРДИД

Санаи 27.09.2024 дар толори хурди мақомоти иҷроияи ҳокимияти давлатии шаҳр ҷаласаи навбатии Ситоди ҳарбӣ доир ба рафти иҷрои қарори Раиси шаҳр “Дар бораи даъвати шаҳрвандони соли таваллудашон 1997 – 2006 ба хизмати ҳарбӣ дар даъвати тирамоҳии соли 2024” баргузор гардид.

Дар ҷаласаи корӣ муовини якуми Раиси шаҳр, муовини Раиси шаҳр, комиссари ҳарбии шаҳр, мудирони шуъбаву бахшҳо, раисони ҷамоати шаҳракҳо, корхонаву муассисаҳо, раисони маҳаллаҳо ва дигар шахсони дахлдор иштирок доштанд.

Раиси шаҳр Раъно Ҳошимзода кори ҷаласаро ифтитоҳ бахшида зикр намуд, ки ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси шаҳрванд аст. Воқеан, дар замони соҳибистиқлолии кишвар зери роҳбарии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Қувваҳои Мусаллаҳи Ҷумҳурии Тоҷикистон ба мактаби мардонагиву ҷасорат, марҳилаи ташаккули инсони тавонманду чобук ва хештаншиносу ватандӯст табдил ёфта, дар камолоти ҷисмониву эҳсоси ватанпарастии насли шоистаи замон нақши арзишманд мегузорад.