Матни равон

23 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи Саммити чоруми оби кишварҳои минтақаи Осиё ва Уқёнуси Ором, ки дар шаҳри Кумамотои Ҷопон баргузор гардид, бо паёми видеоӣ суханронӣ намуданд.

Кори саммитро Сарвазири Ҷопон Фумио Кишида ифтитоҳ намуда, дар он ҳамчунин императори Ҷопон Наруҳито, роҳбарони давлатҳо ва ҳукуматҳои Камбоҷа, Тувалу, Лаос, Узбекистон, Бутан,  Ветнам, Индонезия, Филиппин, Науру, Шри-Ланка, Қирғизистон, Туркманистон, Бангладеш, Таиланд, Ниуэ, Ҷазираҳои Маршал ва дабири кулли Созмони Милали Муттаҳид Антонио Гутерреш ба таври ҳузурӣ, мустақим ва паёми видеоӣ иштирок ва суханронӣ намуданд.

Имрӯз, 23-юми апрели соли 2022 дар доираи даври аввали чемпионати Тоҷикистон оид ба футбол миёни дастаҳои  Лигаи якум дастаи "Гулистон"-и шаҳри Гулистон дар сафар бо дастаи "Куктош"-и ноҳияи Рӯдакӣ вориди майдони рақобат гардид.

Дар қисми аввали дидор бозигарони ҳар ду даста кӯшишҳои зиёди боз намудани ҳисоби бозӣ намуда, аммо имкони рахна намудани хатти дарвозаи ҳамдигарро пайдо карда натавонистанд. Дастаҳо қисми аввалро мусовӣ ҷамъбаст намуда ба танаффус рафтанд.

Қисмати дуюми бозӣ пурҳаяҷон ҷараён гирифт. Дар назди дарвозаи дастаи "Гулистон" қоидаи бозӣ бар зидди мизбонон вайрон карда шуда, ба дарвозаи меҳмонон ҷаримаи ёздаҳметра таъин карда шуд. Бозигари дастаи "Куктош" ин имкониятро самаранок истифода намуда ҳисоби бозиро боз намуд. Футболбозони дастаи "Гулистон" барои баробар намудани ҳисоби бозӣ талоши зиёд намуданд ва заҳматҳояшон самар оварда ба рахна намудани хати дарвозаи "Куктош" даст ёфтанд. Ҳисоби мусовӣ ҳар ду дастаро қаноатманд наменамуд ва барои пирӯзӣ дар лаҳзаҳои охир талошҳо бештар гардид. Дар ниҳоят мизбонон имкон пайдо намуданд, ки маротибаи дуюм хати дарвозаи меҳмононро рахна намоянд.

Дар Ҷамоати шаҳраки Адрасмон дар доираи нақшаи чорабиниҳои бахши кор бо ҷавонон ва варзиш рӯзи 22 апрели соли равон  мусобиқаи варзишӣ оид ба намуди бокс (муштзанӣ) миёни наврасону ҷавонон ташкил ва баргузор гардид.

Дар мусобиқаи мазкур беш аз 80 нафар тамринкунандагони ин намуди варзиш дар вазнҳои гуногун миёни ҳамдигар рақобат намуданд. Дар натиҷа 42 нафар варзишгарон бо гирифтани ҷойҳои ифтихорӣ аз рӯйи вазнҳои гуногун мушарраф гардиданд. Ғолибон аз ҷониби бахши кор бо ҷавонон ва варзиши шаҳри Гулистон бо диплом ва медал қадрдонӣ гардиданд. Дар мусобиқаи мазкур масъулини бахши кор бо ҷавонон ва варзиши  шаҳри Гулистон ва мактаби варзишӣ иштирок доштанд.

Рӯзи 22-юми апрели соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон ва хониши сиёсӣ таҳти унвони, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, иҷрои Қонуни "Масъулияти падар модар, дар таълиму тарбияи фарзанд", баланд бардоштани маданияти шаҳрдории ҷавонону наврасон ва манфиатҳои миллӣ, дар муассисаи таълимии  №4-и деҳаи Гулдараи Ҷамоати шаҳраки Адрасмони шаҳри Гулистон бо ҷавонони синни 16-18 сола ва волидайни онҳо вохӯрӣ баргузор карда шуд.

Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Музаффар Бобоҷонов собиқадори соҳаи ҳарбӣ, Туйчиқул Усмонов раиси Шӯрои собиқадорони Ҷамоати шаҳраки Адрасмон ва Ғаниев Фирӯз масъули шуъбаи маорифи шаҳр, иштирок ва суханронӣ намуданд.

Имрӯз, 22 апрели соли 2022 иҷрокунандаи вазифаи Раиси шаҳр Раъно Ҳошимзода дар доираи дастуру супоришҳои Раиси вилояти Суғд муҳтарам Раҷаббой Аҳмадзода вобаста ба мавсими қабули меҳмонони дохиливу хориҷӣ ба осоишгоҳҳо аз КВД осоишгоҳи “Шифо” дидан намуда, бо вазъ ва имконоти  мавҷудаи он шинос гардид.

Иттилоъ дода шуд, ки иқтидори қабули меҳмонону истироҳаткунандагон дар КВД осоишгоҳи «Шифо» дар як шабонарӯз 146 нафар мебошад. Дар семоҳаи аввали соли ҷорӣ дар осоишгоҳ 976 нафар бо табобати истироҳатӣ фаро гирифта шуда, ҳаҷми маблағи хизматрасонӣ  1,5 миллион  сомониро ташкил дод. Бояд зикр кард, ки шумораи кормандони осоишгоҳ 62 нафарро ташкил дода, музди миёнаи маоши онҳо 1270 сомонӣ мебошад.

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:462
mod_vvisit_counterРӯзи гузашта:2879
mod_vvisit_counterҲамин ҳафта:13080
mod_vvisit_counterҲафтаи гузашта:23092
mod_vvisit_counterҲамин моҳ:91204
mod_vvisit_counterМоҳи гузашта:106320
mod_vvisit_counterҲамагӣ:5279884

Райъпурсӣ

Сомона чи хел аст?