23 Феврал 2013
(01.01.2018)
Шаҳри Гулистон яке аз шаҳрҳои муосир ва пешрафтаи вилоят ба шумор меравад. Дар муддати зиёда аз 50 сол шаҳри Гулистон ба як қатор комёбиҳо ноил гашт. Чунончи айни ҳол дар миқёси шаҳр 1 коллеҷи тиббӣ, 15 мактабҳои таҳсилоти миёнаи умумӣ, 9 муассисаҳои томактабӣ, 24 муассисаҳои тиббӣ, 27 муассисаҳои оммавӣ-фарҳангӣ, 27 корхонаҳои саноатӣ мунтазам фаъолият доранд. Дар тамоми корхонаву ташкилотҳои шаҳр зиёда аз 10000 нафар бо ҷои корӣ таъмин мебошанд. Музди миёнаи маоши кормандони шаҳр яке аз балантаринҳо буда, зиёда 2000 сомониро ташкил медиҳад. Имрӯзҳо тамоми корхонаҳои шаҳр бо 23 кишварҳои ҷаҳон алоқаи тиҷоратӣ доранд.
Омили асосии пешравии шаҳри Гулистон ин корхонаҳои саноатии шаҳр ба ҳисоб меравад. Аз ҷониби корхонаҳои саноатии шаҳр зиёда аз 90 номгӯи маҳсулот истеҳсол карда мешавад. Корхонаҳои саноатии шаҳр барои ғанӣ гардонидани буҷет саҳми босазои худро гузошта истодаанд. Дар ин радиф корхонаҳои хурд ва соҳибкорӣ низ дар миқёси шаҳр рушд ёфта истодааст. Танҳо дар давоми се соли охир дар ҳудуди шаҳр корхонаи истеҳсоли профилҳои оҳанини «Файз 777», корхонаи истеҳсоли тахтаҳои асбестӣ «Ориёно Б.Б.» ва корхонаи истеҳсоли плитаи оҳану бетонӣ сохта ба истифода дода шудаанд.
Баҳри осон гардидани фаъолияти корхонаву ташкилотҳо ва аҳолӣ дар шаҳри Гулистон филиали се бонкҳо – Амонатбонк, Ориёнбонк ва Эсхата фаъолият доранд.
Шаҳри Гулистон бо ҷомеаи мутамадин ҳамқадам мебошад. Чунончи дар миқёси шаҳр тамоми ширкатҳои мобилӣ алоқаи босифатро барои аҳолӣ пешниҳод менамоянд. Тамоми марзи шаҳр бо барномаҳои телевизионии ҷумҳуриявӣ ва вилоятӣ фарогир мебошанд.
Алҳол соҳили «Баҳри тоҷик» ба яке аз маконҳои биҳиштосои Тоҷикистон мубаддал гардида истодааст. Дар ин минтақа осоишгоҳҳо, хонаҳои истироҳатӣ, урудгоҳҳо бо таври замонавӣ сохта ба истифода дода шуда истодаанд.
