Дастовардҳои гулистониён дар ҳафт моҳ

Муаллиф: Administrator | 15 Август 2017

Корхонаҳои саноатии шаҳр дар давоми ҳафт моҳи соли равон ба маблағи 1 миллиарду 882 миллиону 041,2 сомонӣ маҳсулоти саноатӣ истеҳсол намуданд, ки ин нишондиҳанда нисбати ҳамин давраи 125,8 дарсад зиёд мебошад. Дар ин давра ҳаҷми гардиши савдои чакана дар шаҳр 27057,9 ҳазор сомониро ташкил дод, ки нисбати соли гузашта 105,9 фоиз мебошад.

Ҳаҷми хизматрасонии пулакӣ 38773,4 ҳазор сомониро ташкил дода, он баробари 100,8 фоиз аст. Дар ин давра дар ҳамаи соҳаҳои хоҷагии халқи шаҳр 609 ҷойи нави корӣ ташкил гардидааст.

Танзим – баракати зиндагӣ

Муаллиф: Administrator | 15 Август 2017

Дар шаҳраки Чоруқдаррон ду мулоқоти гурўҳи корӣ бо фаъолон ва сокинони шаҳрак доир гардид.

Мудирони бахшҳо оид ба корҳои дин, танзими анъана ва ҷашну маросимҳои миллӣ Манучеҳр Шарипов, кор бо занон ва оила Ойнисо Раҳматова, сабти асноди ҳолати шаҳрвандон Раъно Раҷабӣ оид ба суханронии пурмуҳтавои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон дар вохўрӣ бо фаъолони кишвар ба муносибати 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», масъалаҳои масъулияти падур модар дар таълиму тарбияи фарзанд, пешгирии зўроварӣ дар оила, фарҳанги либоспўшӣ ва монанди ин баромадҳо намуданд.

Муроҷиатномаи иштирокчиёни маҷлиси машваратии кормандони соҳаи маориф ба тамоми омўзгорону мурраббиён, падару модарон, сарпарастон ва аҳли ҷомеаи шаҳри Гулистон

Муаллиф: Administrator | 15 Август 2017

Ҳамдиёрони гиромӣ!

Дар натиҷаи ғамхориҳои пайгиронаи давлату Ҳукумат, мақомоти иҷроияи ҳокимияти давлатии вилоят ва шаҳр сол аз сол маблағгузорӣ ба соҳаи маориф меафзояд, сохтмон ва таъмири мактабу синфхонаҳо ва гурўҳҳои иловагӣ суръат гирифта, заминаи моддӣ - техникии муассисаҳои таълимӣ таҳким меёбад. Барномаҳои давлатии компютеркунонии муассисаҳои таълимӣ, такмили таълим ва омўзиши забонҳои русӣ ва англисӣ, тайёр кардани мутахассисони соҳаи омўзгорӣ ва дарёфти истеъдодҳои ҷавону наврас амалӣ гардида истодаанд.

Дар Паёми Президенти мамлакат ба Маҷлиси Олӣ, суханрониҳои Сарвари давлат дар мулоқоту вохўриҳо бо аҳли ҷомеа, хонандагону омўзгорон вазъи имрўзаи мактабу маориф васеъ таҳлил гардида, ба вазоратҳои дахлдор, мақомотҳои маҳаллии ҳокимияти давлатӣ барои бартараф намудани камбудиву норасоиҳои соҳа дастуру супоришҳои мушаххас дода шуданд.