Ҳисобот оид ба иӣрои буҷети шаҳри Гулистон дар давоми нуҳ моҳи соли 2018

27 Ноябр 2018

Раёсати молия дар шаҳри Гулистон дар нуҳ моҳи соли 2018 бо мақсади пурра ба буҷет ворид намудани даромадҳо бо истифода аз тамоми имкониятҳои мавҷуда, маблағгузории саривақтии хароҷоти аввалиндараҷаю зарурӣ, назорати доимии мақсадноку самаранок хароҷот намудани маблағҳо аз тарафи истифодабарандагони маблағҳои буҷетӣ ва назорати риояи интизоми молиявӣ дар ташкилоту муассисаҳои буҷетӣ як қатор корҳоро ба анҷом расонида, ба натиҷаҳои назаррас ноил гардид.

Дар натиҷаи андешидани чораҳои зарурӣ, қисми даромади Буҷети давлатии шаҳр дар ҳаҷми умумӣ барои нуҳ моҳи соли 2018 бо тағйироташ ба миқдори 105 638 977,0 сомонӣ дар нақша пешбинӣ шуда буд, амалан бошад ба миқдори 105 639 399,0 сомонӣ маблағ ба Буҷети давлатӣ ворид гардид, ки 100,0 фоизи иҷрои нақшаи пешбинишударо ташкил медиҳад, ё ин ки аз нақша ба маблағи 422,0 сомонӣ маблағ зиёд ба Буҷети давлатӣ ворид гардид.

Нисбати ҳамин давраи соли 2017-ум (93 201 378,0 сомонӣ) дар муқоиса 12 438 021,0 сомонӣ маблағ зиёд ворид шудааст, ки 113,3 фоизро ташкил медиҳад.

Аз 11 намуди манбаҳои даромади ба нақша гирифта шуда, иҷрои нақшаи 3 намуди манбаи даромад таъмин нагардид, ки ин андози даромад аз шахсони воқеӣ 66,0 фоиз (-5 949 927,0 сомонӣ), андоз аз арзиши иловашуда 88,6 фоиз (-1 650 557,0 сомонӣ) ва андоз аз истифодабарандагони роҳҳои автомобилгард 50,6 фоиз (-8 378 989,0 сомонӣ) мебошад.

Маблағи умумии вориднагардида -15 979 473,0 сомонӣ буда, нисбати нақшаи умумӣ 15,1 фоизро ташкил медиҳад.

Сабаби иҷро нагардидани нақшаи андоз аз даромади шахсони воқеӣ ва андоз аз арзиши иловашуда дар он мебошад, ки аз 30 корхонаҳои саноатии шаҳр 7 корхона: НБО “Дӯстии халқҳо”-89,2%, ҶДММ “Апрелевка”-95,6%, ҶДММ “Сахо и К” -78,9%, ҶДММ “ШСКТХ” -86,6%, ҶДММ “Хубон”-82,9%, ҶДММ “Чархи гандумин”-27,8% ва ҶДММ “Зарфишон М”-27,6% бо сабабҳои гуногун ҳаҷми истеҳсоли маҳсулотро дар давраи ҳисоботӣ нисбати ҳамин давраи соли гузашта таъмин карда натавонистанд.

ҶДММ “Сахо и К” бо сабаби ба фурӯш нарафтани маҳсулоти истеҳсолӣ, Нерӯгоҳи барқи обӣ бо сабаби кам шудани ҷараёни об дар давоми моҳҳои январ-июн, ҶДММ “Хубон” ва ҶДММ “Чархи гандумин” бо сабаби ба фурӯш кам рафтани маҳсулоти истеҳсолӣ ва зиёд шудани бақияи маҳсулот дар анборҳои корхонаҳо, ҶДММ “ШСКТХ” ва ҶДММ “Апрелевка” бо сабаби кам шудани файзнокии маъданҳои истихроҷ шуда ва дар ҶДММ “Зарфишон М” бо сабаби аз ҷониби фармоишгар Агентии захираҳои моддии Ҷумҳурии Тоҷикистон саривақт дастрас карда нашудани гандум ва бе ашёи хом мондан натавонистанд, ки дар давоми давраи ҳисоботӣ иҷрои нақшаҳои дар пешистодаро таъмин намоянд. Дар натиҷа дар давраи ҳисоботӣ аз ҷониби ин корхонаҳо ба маблағи 397,5 млн. сомонӣ маҳсулот кам истеҳсол шудааст.

Дар давраи ҳисоботӣ ҶШСК “Комбинати маъдантозакунии Адрасмон” бо сабаби паст рафтани нархи маҳсулоти истеҳсолиаш, Матбааи шаҳрӣ, ҶДММ “Абадӣ” бо сабаби барҳам дода шуда истодани корхона, ҶДММ “Таъминот и К” бо сабаби ба дигар ноҳия кӯчидан ва ҶСП “Сидней Хуҷанд” бо сабаби мавсимӣ будани намуди фаъолият фаъолияти истеҳсолӣ набурданд.

Сабаби дигари иҷро нагардидани нақшаи андоз аз даромади шахсони воқеӣ дар он мебошад, ки ин кам шудани теъдоди коргарон дар корхонаи ҶДММ «Ширкати кӯҳӣ-саноатии Тоҷикистону Хитой» мебошад. Мувофиқи ҳисоботи оморӣ дар давоми давраи ҳисоботӣ шумораи кормандон 1986 нафарро ташкил дода, соли қаблӣ ин нишондиҳанда 2505 нафарро ташкил медод, ки шумораи коргарон нисбати соли гузашта 519 нафар кам шудааст. Ширкати кӯҳӣ-саноатии Тоҷикистону Хитой» бо сабаби набудани оби техникӣ истеҳсоли маҳсулотро дар моҳҳои январ-феврали соли ҷорӣ нисбати нақша ба миқдори 117,9 млн. сомонӣ кам истеҳсол намудааст, ки ба иҷрои нақшаи андозҳои мазкур таъсири худро расонидаст.

Қисми даромади Буҷети маҳаллӣ дар ҳаҷми умумӣ барои нуҳ моҳи соли 2018 бо тағйироташ миқдори 29 525 196,0 сомонӣ дар нақша пешбинӣ шуда, амалан ба миқдори 32 739 600,0 сомонӣ маблағ ба Буҷети маҳаллӣ ворид гардид, ки ин 110,9 фоизи иҷрои нақшаи пешбинишударо ташкил медиҳад, ё ин ки аз нақша ба миқдори 3 214 404,0 сомонӣ маблағ зиёд ба буҷети маҳаллӣ ворид гардидааст.

Нисбати ҳамин давраи соли 2017-ум (27 889 621,0 сомонӣ) дар муқоиса 4 849 979,0 сомонӣ маблағ зиёд ба буҷети маҳаллӣ ворид гардид, ки 117,4 фоизро ташкил медиҳад.

Аз 10 намуди манбаҳои даромади ба нақша гирифташуда, иҷрои нақшаи 2 намуди манбаи даромад таъмин нагардид. Ин андози даромад аз шахсони воқеӣ 65,5 фоиз (-1 762 631,0 сомонӣ) ва андоз аз арзиши иловашуда 88,6 фоиз (- 495 167,0 сомонӣ) мебошад. Маблағи умумии вориднагардида -2 257 798,0 сомонӣ буда, нисбати нақшаи умумӣ 7,6 фоизро ташкил медиҳад.

Сабабҳои иҷро нагардидани нақшаи андозҳои зикршуда бо сабабҳои дар боло нишондодашуда вобаста аст. Замима (ҷадвали 1а).

Хароҷоти буҷети маҳаллӣ бо тағйироташ ба маблағи 30266,3 ҳазор сомонӣ дар нақша пешбинӣ шуда буд, дар амал бошад 30198,4 ҳазор сомонӣ маблағ хароҷот карда шуд, ки 99,8 фоизро ташкил намуда, нисбати ҳамин давраи соли гузашта (27318,8ҳазор сомонӣ) 2879,6 ҳазор сомонӣ зиёд мебошад ва 111,0 фоизро ташкил менамояд. Бояд қайд намуд, ки аз тарафи мақомоти молияи шаҳр афзалият ба хароҷоти соҳаҳои иҷтимоии буҷет дода шудааст. Аз ҷумла, дар давраи ҳисоботӣ ба соҳаҳои иҷтимоӣ маориф, тандурустӣ, ҳифзи иҷтимоии аҳолӣ ва фарҳанг беш аз 22071,2 ҳазор сомонӣ маблағҳои буҷетӣ равона гардид, ки 73,1 фоизи хароҷоти умумии буҷети маҳаллии шаҳрро ташкил менамояд (ҷадвали иҷрои нақшаи хароҷотҳои соҳаҳои маориф (ҷадвали 2а) ва нигоҳдории тандурустӣ (ҷадвали 2б) дар поён оварда мешавад).

Дар нуҳ моҳи соли 2018 аз ҳисоби буҷети ҷумҳуриявӣ барои пардохти ҷубронпулӣ ба оилаҳои камбизоат барои истифодабарии нерӯи барқ 138,8 ҳазор сомонӣ маблағ ворид гардида, хароҷот карда шудааст.

Раёсати молия дар шаҳри Гулистон