30 Январ 2023
Дар назди бинои шуъбаи маорифи шаҳр бо иштироки намояндагони мақомоти иҷроияи ҳокимияти давлатии шаҳр, намояндагони Раёсати маорифи вилоят Суғд, аҳли зиё, омӯзгорону устодон бо шукӯҳу шаҳомати хоса ғолиби озмуни “Мураббии соли Тоҷикистон-2022” - Набизода Муҳаррам Сироҷидин-мураббияи муассисаи таҳсилоти томактабии №5-и шаҳр пазироӣ карда шуд.
Лозим ба зикр аст, ки санаҳои 23-25-уми январи соли равон дар шаҳри Душанбе даври ҷумҳуриявии озмуни “Мураббии соли Тоҷикистон-2022” баргузор гардид.
Иштирокчиён аз руйи шаш шарт: муаррифии фаъолияти педагогӣ, дониш ва маҳорати касбии мураббия, мизи мудаввар, машғулияти таълимӣ, тасвир намудан ва сохтани манзара бо дархости ҳайати доварон ва таҳлили ҳолатҳои равонӣ ҳунару маҳорати худро нишон доданд.
Ҳадафаи асосии баргузории озмуни мазкур баланд бардоштани мақом ва сатҳу сифати таҳсилоти томактабӣ, нишон додани мавқеи таҳсилоти томактабӣ дар пешрафти ҷомеаи кунунӣ ва табодули таҷриба ва маҳорати мураббиён, инчунин ҳавасмандгардонии онҳо барои боз ҳам дар сатҳи хубтару беҳтар ба роҳ мондани фаъолияташон маҳсуб меёбад.
Озмуни мазкур дар асоси Низомномаи озмуни “Мураббии соли Тоҷикистон”, ки 28-уми феврали соли 2022 аз ҷониби ҳайати мушовараи Вазорати маориф ва илми ҶумҳурииТоҷикистон таҳти №3/6 тасдиқ карда шудааст, баргузор гардид.
Дар озмуни мазкур Набизода Муҳаррам Сироҷидин-мураббияи муассисаи таҳсилоти томактабии №5-и шаҳри Гулистон фаъолона иштирок намуда сазовори Ғолиби озмуни “Мураббии соли Тоҷикистон-2022” гардид.
Дар ҷамъбасти озмуни мазкур, ки 25-уми январи соли равон дар маҷлисгоҳи Вазорати маориф ва илми Ҷумҳурии Тоҷикистон бо иштироки Раҳим Саидзода-вазири маориф ва илм, Зиёдулло Абдулзода-муовини вазири маориф ва илм, сардорони раёсату шуъба ва роҳбарони муассисаҳоитобеи вазорат, намояндагони раёсат ва шуъбаҳои маорифи вилоят ва шаҳру ноҳияҳо, ҳайати ҳакамон ва довталабони озмун баргузор гардид бо нишони “Аълочии маориф ва илми Тоҷикистон” ва мукофотпуливу туҳфаҳои хотиравӣ қадрдонӣ гардид.
Ин дастоварди арзандаро ба кулли аҳли зиёи шаҳр муборакбод мегӯем.
