12 Июн 2017
Дар Ҷамоати шаҳраки Зарнисор дар доираи силсилаи чорабиниҳои идона ба муносибати 20-умин солгарди Ваҳдати миллӣ озмуни рассомони наврас таҳти унвони «Ваҳдат дар тасвири хонандагон» дар назди МТМУ №10-и шаҳрак ташкил ва гузаронида шуд.
Дар озмуни номбурда зиёда аз 45 нафар хонандагон иштирок намуданд.
Аз рўи натиҷаҳо маълум гардид, ки хонандаи синфи 8-ум Гулзода Мирзоалиева сазовори ҷойи аввал ва хонандагони синфи 11-ум Мухлиса Содиқова ва Заррина Давкарова ҷои дуюму сею дониста шуданд.
Дар охири чорабинӣ аз ҷониби сарвари муассиса Абдумалик Расулов ғолибон бо ифтихорнома ва туҳфаҳои хотиравӣ сарфароз гардонида шуданд. Чунин озмунҳо имкон медиҳад, ки хонандагон бо мафҳуми Ваҳдат бештар шинос шуда, баҳри гиромидошт ва ҳифзи он кўшиш намоянд.
