Сатри равон
(5 овоз, миёна 2.80 аз 5)

Мадализода Илҳоми Раҳим 1-уми сентябри соли 1960 дар шаҳраки Адрасмони шаҳри Қайроққум таваллуд ёфтаааст. Мактаби миёнаи рақами 7-и шаҳракро хатм кардааст. Соли 1978 ба Донишгоҳи давлатии омӯзгории шаҳри Ленинобод (ҳозира ДДХ ба номи Бобоҷон Ғафурови шаҳри Хуҷанд) ба факултаи таъриху филология дохил шуда, онро соли 1982 бо дипломи аъло хатм намудааст.

Солҳои 1982–1984 дар сафи Қувваҳои Мусаллаҳи ИҶСШ хизмат кардааст. Аз соли 1984 то соли 1992 дар мактабҳои № 5, 7, 8 шаҳраки Адрасмон ва Сирдарё фаъолияти омӯзгорӣ дошт. Моҳи майи соли 1992 котиби кумитаи иҷроияи Шӯрои намояндагони халқи шаҳри Қайроққум интихоб гардида, дар ин вазифа то январи соли 1995 кор кардааст. Солҳои 1995-1998 ба ҳайси муовини директори ширкати телевизионии «Темурмалик» фаъолият дошт. Солҳои 90-уми қарни бистум дар вазифаи сардабир рӯзномаҳои «Ганҷбахш», «Суғдиён-медикор-777» ва «Барқчӣ»-ро нашр карда буд.

11 марти соли 1998 бо ташаббуси Илҳом Раҳим Мадализода дар шаҳри Қайроққум нахустин рӯзномаи расмии «Соҳил» таъсис дода шуд. То апрели соли 2012 ӯ ба ҳайси сармуҳаррири нашрияи «Соҳил» фаъолияти меҳнатӣ дошт. Минбаъд вай дар вазифаҳои мудири бахш оид ба корҳои дини МИҲД-и шаҳри Қайроққум, муовини сармуҳаррир ва котиби масъули рӯзномаи «Сухани халқ», сармуҳаррири рӯзномаи «Маъданшинос»-и Донишкадаи кӯҳӣ-металлургии Тоҷикистон (шаҳри Чкалов) ифои вазифа намудааст. Аз моҳи апрели соли 2015 мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Қайроққум мебошад.

Муаллифи маҷмӯаи шеърҳои «Ашки шабнам» (2000), «Ватанам – Тоҷикистон» (2003), «Садои мусофирӣ» (2010) ва маҷмӯаи ҳикояҳо ва тарҷумаҳои «Кашфиёт» (2014) мебошад.

Узви Иттифоқи журналистони Тоҷикистон.

Шарҳҳо  

 
-1 #1 Муродчон 07.09.2015 16:01
Инсони начиб!
Шарҳ
 

Шарҳ додан


Защитный код
Нав кардан

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:290
mod_vvisit_counterРӯзи гузашта:3723
mod_vvisit_counterҲамин ҳафта:10700
mod_vvisit_counterҲафтаи гузашта:23238
mod_vvisit_counterҲамин моҳ:37527
mod_vvisit_counterМоҳи гузашта:91548
mod_vvisit_counterҲамагӣ:1428775

Мо дар Фейсбук