25 Ноябр 2018
Бахшида ба Рӯзи Парчами давлатии Ҷумҳурии Тоҷикистон дар толори КВД «Экспедитсияи комплекси геологии Қайроққум» вохӯрӣ дар ташкилоти ибтидоии ҲХДТ бо фаъолони ҳизб, бонувон ва ҷавонон доир гардид.
Дар мулоқот раиси кумиҷроияи шаҳриии ҲХДТ Муслимахон Ҷамолиён зимни баромади худ оид ба дастовардҳои Истиқлолияти давлатӣ, иҷлосияи 16-уми Шӯрои Олӣ, Рӯзи Парчами давлатӣ ва ифтитоҳи чархаи якуми НБО «Роғун» сухан ронд. Зикр гардид, ки ҳамасола санаи 24-уми ноябр дар саросари Ҷумҳурии Тоҷикистон иди Парчами давлатии Ҷумҳурии Тоҷикистон дар сатҳи баланд ҷашн гирифта мешавад. Парчами миллӣ нахустин нишони муқаддаси ҳар кишвару ҳар халқ аст. Рамзи ҳувият, рамзи давлатдорӣ, рамзи ягонагии халқҳои як сарзамин мебошад.
Ба ифтихори рӯзи пуршукӯҳ дар вазъи тантанавӣ 12 нафар фаъолон аз ташкилоти ибтидоии ЭКГҚ ба сафи ҲХДТ қабул карда шуда, шаҳодатномаҳои ҳизбӣ супорида шуд. Ҳамзамон, фаъоли ҳизб ба муносибати Рӯзи Парчами давлатӣ бо сипосномаҳои кумитаи иҷроияи шаҳрии ҳизб сарфароз гардиданд.
