22 Декабр 2018
Дар толори варзии муассисаи давлатии таълимии №1-и шаҳри Гулистон мусобиқаи ҳарбӣ-варзишии “Ватанпарвар” дар байни 6 дастаи муассисаҳои таълимии шаҳр хеле хотирмон ба вуқӯъ пайваст.
Иштирокчиёни мусобиқа аз рӯи панҷ намуди озмуни ҳарбӣ-варзишӣ байни ҳам қувва озмуда, маҳорат ва малакаи хуби ҳарбӣ-варзишӣ намоиш доданд. Дар натиҷа дастаи МТМУ № 13-и шаҳраки Адрасмон ғолиби мусобиқа, дастаҳои МТМУ №1 ва МТМУ № 14-и маркази шаҳр мутаносибан ҷойҳои дуюм ва сеюмро ишғол намуданд. Ба ғолибон ва иштирокчиёни фаъоли мусобиқа диплом ва туҳфаҳои мақомоти иҷроияи ҳокимияти давлатии шаҳр супорида шуданд.
