Матни равон

Бахшида ба 25-умин солгарди Рӯзи Конститутсияи Ҷумҳурии Тоҷикистон тибқи нақшаи чорабиниҳо дар Кохи фарҳангии «Истиқлол» ҷаласаи тантанавии идона бо иштироки фаъолони соҳаҳои хоҷагии халқи шаҳр, намояндагони ҷамоати шаҳракҳо, мақомоти қудратӣ, собиқадорони меҳнат, муҳофизони сохти конститутсионӣ, намояндагони ташкилотҳои ҷамъиятӣ доир гашт.

Ҷаласа бо воридшавии Парчами давлатӣ ва танинандозии Суруди Миллии Ҷумҳурии Тоҷикистон  оғоз гардид. Раиси шаҳри Гулистон Фирдавс Шарифзода ҳозиринро ба ифтихори 25-солагии рӯзи қабули Конститутсия табрик кард. Намояндаи мақомоти иҷроияи ҳокимияти давлатии вилоят, директори маркази “Тоҷикстандарт” дар вилояти Суғд Муҳамадӣ Давлатов табрикоти Раиси вилояти Суғд Раҷаббой Аҳмадзодаро ба ифтихори ин санаи ҳумоюн манзур намуд.

Зикр гардид, ки Конститутсияи Ҷумҳурии Тоҷикистон маҳсули афкори пешқадами кулли мардуми кишвар буда, таҳти роҳбарии хирадмандона ва ташаббуси бевоситаи Асосгузори сулҳу ваҳдати миллӣ-Пешвои миллат, Президенти мамлакат, муҳтарам Эмомалӣ Раҳмон дар раъйпурсии умумихалқӣ қабул гардидааст. Дар Конститутсия арзишҳои олии ҳаёти ҷамъиятӣ ва сохторҳои давлатӣ, эътирофи волоияти қонун, эътирофи арзишҳои олӣ доштани инсон ва ҳуқуқу озодиҳои ӯ ва монанди ин таҷассуми худро ёфтаанд. Бисту панҷ соли амали Конститутсияи Ҷумҳурии Тоҷикистон собит сохт, ки қонуни асосии зиндагии давлат ва ҷомеаи мо аз имтиҳони ҷиддии ҳаёт гузашт ва дурустии мақсаду вазифа ва арзишҳое, ки Конститутсия ба онҳо асос ёфтааст, исбот гардид. Натиҷаи ҳамин дастовардҳои конститутсионист, ки имрӯз дар мамлакат сулҳу субот ва ваҳдати миллӣ пойдор мебошад ва халқи Тоҷикистон бо ҳисси баланди ватандӯстӣ ба ободиву созандагии сарзамини соҳибистиқлоли худ машғул аст. Риоя ва татбиқи Конститутсия вазифаи муқаддаси тамоми рукнҳои ҳокимияти давлатӣ ва шаҳрвандон аст. Дар ҷомеае, ки волоияти қонун ва тартибу низом ҳукмфармост, пешрафту тараққиёт ва густариши тамоми соҳаҳои ҳаёт низ таъмин мешавад. Ба ифтихори 25-солагии Конститутсияи Ҷумҳурии Тоҷикистон тибқи амри Раиси шаҳри Гулистон ба собиқадорони меҳнат, пешоҳангони соҳаҳои хоҷагии халқ, муҳофизони сохти конститутсионӣ ва оилаҳои дар ҷанги шаҳрвандӣ саробонгумкарда бо сипоснома ва туҳфаҳои қимматноки мақомоти иҷроияи ҳокимияти давлатии шаҳр қадрдонӣ карда шуданд.

Санъаткорони бахши фарҳанги шаҳр дар қисми бадеӣ намоиши марғубро таҳти унвони «Конститутсия-сарнавишти миллат» манзури ҳозирин намуданд.

 

 

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2
  • 3

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:1188
mod_vvisit_counterРӯзи гузашта:3021
mod_vvisit_counterҲамин ҳафта:13574
mod_vvisit_counterҲафтаи гузашта:20472
mod_vvisit_counterҲамин моҳ:63786
mod_vvisit_counterМоҳи гузашта:85391
mod_vvisit_counterҲамагӣ:2330058

Райъпурсӣ

Сомона чи хел аст?