Матни равон

7 ноябри соли 2019 Раиси вилояти Суғд Раҷаббой Аҳмадзода дар толори мақомоти иҷроияи ҳокимияти давлатии шаҳри Гулистон бо фаъолони шаҳр мулоқот намуд.

Раҷаббой Аҳмадзода дар мулоқот вазъи иқтисодиву иҷтимоии шаҳри Гулистонро мавриди таҳлил қарор дода, барои беҳтар намудани нишондиҳандаҳо ба роҳбарияти шаҳр ва масъулини сохторҳои вилоятӣ супоришҳо дод.

Чуноне зимни таҳлили вазъи иқтисодиву иҷтимоии шаҳр иттилоъ дода шуд, дар шаҳри Гулистон нақшаи буҷети давлатӣ (бе назардошти андози иҷтимоӣ) дар 9 моҳи соли 2019-ум 82 фоиз иҷро гардида, ба ҷои 129 миллиону 64,0 ҳазор сомонии нақша, 105 миллиону 875,4 ҳазор сомонӣ ворид шудааст, ки ин нисбат ба нақша 23 миллиону 188,6 ҳазор сомонӣ кам мебошад.

 

Ҳамзамон, иҷрои нақшаи даромади буҷети маҳаллӣ 89,6 фоиз таъмин гардида, ба ҷои 35 миллиону 271,4 ҳазор сомонии нақша, 31 миллиону 619,9 ҳазор сомонӣ маблағ ворид гардид, ки нисбат ба нақша 3 миллиону 651,5 ҳазор сомонӣ кам аст.

Аз ҳисоби иҷро нагардидани 4 намуди андоз ба буҷет 24 миллиону 492,2 ҳазор сомонӣ кам маблағ ворид гардидааст, ки ин боиси нигаронӣ арзёбӣ гардид ва ба роҳбарияти шаҳру масъулини соҳаҳо супориш дода шуд, ки норасоиҳои ҷойдоштаро сари вақт бартараф намуда, афзоиши даромадҳои буҷет ва андоз, инчунин, шаффофият ва самаранокии хароҷоти буҷет, нигоҳдории вазъи мутавозини маблағгузории буҷетиро таъмин намоянд.

Таъкид карда шуд, ки ҳарчанд суръати афзоиш дар соҳаи саноати шаҳри Гулистон 100,8 фоиз таъмин шуда бошад ҳам, аз 32 корхонаи саноатӣ 8 ададаш ба сатҳи соли гузашта баромада натавониста, ду корхона фаъолият накардааст. Дар ин замина роҳбарияти шаҳр вазифадор карда шуд, ки ҳамкориро бо соҳибкорону роҳбарони корхонаҳои саноатӣ ҷиҳати афзун намудани ҳаҷми истеҳсоли маҳсулоти саноатии рақобатпазир ва воридотивазкунанда, ба кор андохтани корхонаҳои фаъолият накарда, коҳиш додани қарздории корхонаҳо аз маоши кормандон, пешгирии қафомонӣ дар истеҳсолот ва таҳкими саҳмгузорӣ дар саноатикунонии босуръати мамлакат чораҳои мушаххасро амалӣ созанд.

Фаъолияти муассисаҳои соҳаи маорифу нигаҳдории тандурустӣ низ дар шаҳри Гулистон беҳбудиро тақозо дошта, масъулин бояд барои ҷалби хатмкунандагони муассисаҳои таҳсилоти миёнаи умумии шаҳр ба муассисаҳои олӣ, пардохти қарзи иҷораи китобҳои дарсӣ, ҳавасмандкунии мутахассисони ҷавон, дастраскунии рентгени рақамӣ ва бартафсозии норасоии кадрҳо дар соҳаи тандурустӣ тадбирҳои зарурӣ андешанд.

Раҷаббой Аҳмадзода бо ҳамзамон бо натиҷагирӣ аз қабули шаҳрвандон ба раиси шаҳри Гулистон Фирдавс Шарифзода ва роҳбарони ташкилоту муассисаҳои шаҳрӣ супориш дод, ки ба баррасии муроҷиатҳои шаҳрвандон, бартараф намудани муаммоҳои ҷойдошта дар фаъолияти раёсату шўъбаҳо, кумитаи идораи замин, маорифу нигоҳдории тандурустӣ дар маҳаллаҳои маркази шаҳри Гулистон ва шаҳракҳои он эътибори ҷиддӣ диҳанд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2
  • 3

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:1300
mod_vvisit_counterРӯзи гузашта:3021
mod_vvisit_counterҲамин ҳафта:13686
mod_vvisit_counterҲафтаи гузашта:20472
mod_vvisit_counterҲамин моҳ:63898
mod_vvisit_counterМоҳи гузашта:85391
mod_vvisit_counterҲамагӣ:2330170

Райъпурсӣ

Сомона чи хел аст?