04 Июн 2020
Мардуми Ҷумҳурии Тоҷикистон пас аз соҳибистиқлол гардидани кишвар дар марҳилаи душвори таърихӣ имтиҳонҳои ҷиддиро пушти сар гузошта, ҳоло таҳти роҳбарии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба муваффақиятҳои назаррас ноил мегардад.
Бояд гуфт, ки дар давраҳои буҳронӣ сарчашмаҳои иттилоотрасонии ғайрирасмӣ ва гурӯҳҳои ифротгаро дар ҳамин рӯзҳои мушкил мехоҳанд манфиати сиёсии худро тавассути маълумоти носаҳеҳу ҳангомасоз пайдо намояд.
Аз ҷумла, М.Кабирӣ мебошад, ки бо ҳиллаву найранг ва далелҳои носаҳеҳ дар шабакаҳои интернетӣ ҳаргуна маълумотҳои бардурӯғро нисбати давлату миллат паҳн намуда, бо ин амалҳои номатлуби худ шарм накарда, мехоҳад, ки ҳаракатҳои ҷинояткоронаи худро рӯйпӯш намуда, сипас бо мақсади амалӣ намудани нақшаҳои террористии худ ва хоҷагонаш дар Тоҷикистон нооромиҳоро ба амал оварад. Чи хеле, ки дирӯз боз дар сомонаи интернетӣ ва ютуб аккос зад. Агар суханронӣ ва баромадҳои М.Кабириро таҳлил намоем, мефаҳмем, ки ягон мантиқу асос надоранд ва бо туҳмату дурӯғ сохтаю бофта шудаанд. Ягона мақсади вай аз баромадҳояш ва умуман амалаш дасисаангезиву туҳматпаҳнкунӣ нисбат ба Ҳукумат ва интишор додани нобоварӣ дар байни мардум ба ояндаи неки давлат ва миллати тоҷик аст. Суханрониҳои пучаш вобаста ба хатари коронавирус бисёр воҳима мекунад ва ҳангомаҷӯёна мехоҳад, ки аҳолии кишварро ба изтироб орад. Тарзе вонамуд мекунад, ки гӯё дар ғами мардум бошад, аммо дар асл, ба ӯ нооромии кишвар даркор аст. Андеша намекунад, ки худи мардум ва Ҳукумати кишвар, имрӯз тамоми тадбирҳоро бар зидди бемории сироятии каронавирус меандешанд, ниёз ба ин гуна тавсияҳои ҷинояткорону терористон надоранд.
Моро зарур аст, ки ҳушёриву зиракии сиёсиро аз даст надиҳем ва ба ҳангомаҳои беасосу бофтҳои шабакаи гуногуни иҷтимоӣ бовар накунем.
Мо бояд садди роҳи чунин ашхосонро ба монанди М.Кабирӣ ва дигаронро гирифта, боз як бори дигар бо муттаҳидӣ вафодории худро ба халқу миллати хеш ва арзишҳои миллии он нишон диҳем.
Нозим Маҷидов,
вакили Маҷлиси вакилони халқи шаҳри Гулистон
