25 Август 2022
Имрӯз, 25-уми августи соли 2022 дар доираи ҷадвали баргузории хонишҳои сиёсӣ аз ҷониби Филиали Иттифоқи ҷавонони Тоҷикистон дар шаҳри Гулистон миёни кормандони ташкилоту муассисаҳо, бо сокинон ва аҳли зиёи Ҷамоати шаҳраки Сирдрё бахшида таҷлили сазовори 30-солагии Иҷлосияи 16-уми Шӯрои Олӣ, 31-солагии Истиқлолияти давлатии Ҷумҳурии Тоҷикистон, пешгирии падидаҳои номатлуб, иҷрои Қонуни Ҷумҳурии Тоҷикистон дар бораи "Масъулияти падару модар дар таълиму тарбияи фарзанд", захираи маводи ғизоӣ барои давраи тирмоҳу зимистонгузаронӣ ва дарёфту пешниҳоди ҷавонони лаёқатманд барои ноил шудан ба унвони стипендияҳои Президентӣ ва Раиси шаҳр бо иштироки васеи сокинони касбу кори гуногун доир гардид.
Дар вохӯрӣ мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Акрамзода Р.Р., мудири бахши кор бо ҷавонон ва варзиши шаҳр Абдураҳмонов А.А., мудири бахши кор бо занон ва оилаи шаҳр Раҳматова О. иштирок ва суханронӣ намуданд.
Дар вохӯрӣ вобаста ба расонидани нуқтаҳои асосии Паём, масъалаҳои самти ҷавонон вобаста ба вазъияти мураккаби сиёсии ҷаҳон, пешгирии ҷинояту ҷинояткорӣ миёни ҷавонон, баланд бардоштани ҳисси ватандӯстӣ, эҳсоси худшиносӣ, Ваҳдати миллӣ ба самъи ҳозирин расонида шуд.
Маврид ба зикр аст, ки то охири моҳи август чунин вохурӣ ва мулоқотҳо дар дигар ташкилоту муассиса ва байни аҳолӣ доир хоҳанд гашт.
