27 Июн 2023
Дар толори хурди мақомоти иҷроияи ҳокимияти давлатии шаҳр ситоди Комиссияи ҳолатҳои фавқулодаи шаҳр баргузор карда шуд.
Дар ситоди ҳолатҳои фавқулода муовини якуми Раиси шаҳр, котиби ситод сардори бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳр Алиев Шуҳрат, аъзои ситод, раисони ҷамоати шаҳракҳо иштирок доштанд.
Сардори бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳр Алиев Шуҳрат доир ба вазъи шаҳр дар ин самт маълумот дод.
Зикр карда шуд, ки бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳр баҳри пешгирии ҳолатҳои фавқулода ва кам кардани хисорот ҳангоми сар задани ҳолатҳои фавқулодаи табиӣ нақшаи таъмини иҷрои чораҳои таъхирнопазир ва пешгирикунандаи ҳолаҳои фавқулода дар мавсими боронгариҳо ва пешгирӣ намудан дар ҳолати рух додани селу обхезиҳо барои соли 2023 тартиб дода, бо қарори Раиси шаҳр тасдиқ карда шуд. дар асоси қарори мазкур дар ҷамоати шаҳракҳо вохӯрӣ бо ҳайати роҳбарикунанда ва хоҷагиҳое, ки дар минтақаҳои хавфнок зиндагӣ мекунанд корҳои фаҳмондадиҳӣ баҳри паст кардани хавфи офатҳои табиӣ баргузор карда шуд.
Ҳамчунин, дар давоми соли сипаригардида ҷиҳати пешгирӣ ва дар ҳоли омодагӣ қарор доштан дар ҳол рух додани офатҳои табиӣ дар шаҳр ва ҷамоати шаҳракҳо як қатор чорабиниҳо гузаронида шуд.
Сипас, ба аъзои Ситод доир ба тақвияти корҳо дар ин самт супоришҳо дода шуд.
