14 Июл 2023
Санаи 12.07.2023 тибқи нақшаи чорабиниҳои Кумитаи кор бо занон ва оилаи назди Ҳукумати Ҷумҳурии Тоҷикистон корвони корвони “Модарони ваҳдатсаро” бо сарбозони қисми низомии 07746-и Маркази таълимии гарнизони Суғд вохӯрӣ доир намуданд.
Муовини Раиси шаҳри Гулистон Ғайрат Оқилзода вохӯриро оғоз намуда, доир ба дастгириҳои Ҳукумати кишвар ҷиҳати мунтазам беҳтар гардонидани шарту шароити хизмати ҳарбӣ ёдовар гардид.
Сипас, як қатор аъзои корвони “Модарони ваҳдатсаро” дар назди сарбозон суханронӣ намуда, ба онҳо дар адои хизмати Модар-Ватан муваффақиятҳо таманно намуданд.
Дар ин рӯз барои сарбозон нону кулчақанд, мевагиҳо ва шириниҳову нӯшобаҳо дастрас карда шуд.
Дар фарҷом санъаткорони бахши фарҳанги шаҳр баҳри хушҳолии сарбозон сурудҳои дилнишин манзур намуданд.
