06 Январ 2025
Имрӯз, 06.01.2024 дар толори хурди Мақомоти иҷроияи ҳокимияти давлатии шаҳр ҷаласаи кории назди иҷрокунандаи вазифаи Раиси шаҳр баргузор гардид.
Дар ҷаласаи кории мазкур муовини якум, муовинон, роҳбари дастгоҳи Раиси шаҳр, роҳбарони воҳидҳои сохторӣ, мудирони шуъбаву бахшҳо, роҳбарони сохторҳо, роҳбарони сохторҳои шаҳрӣ иштирок намуданд.
Ҷаласаи корӣ таҳти раёсати Илҳом Пулотзода, иҷрокунандаи вазифаи Раиси шаҳр баргузор гардид. Дар ҷаласа Илҳом Пулотзода бо масъулини сохторҳои шаҳрӣ, шуъбаву бахшҳо шинос гардид.
И.в Раиси шаҳр Илҳом Пулотзода ба масъулин ҷиҳати фаъолияти пурсамар дар соли 2025, баланд бардоштани нишондодҳо дар ҳамаи соҳаҳои хоҷагии халқи шаҳр, дар вақти муқаррагардида ба иҷро расонидани нақшаи иншооти ҷашнӣ ба истиқболи 35-солагии Истиқлоли давлатӣ, баланд бардоштани сатҳу сифати таълим, таъмини хизматрасонии хубу саривақтии тиббӣ ба аҳолӣ, тақвияти корҳои ободониву хуррамгардонӣ дар шаҳр супоришҳои мушаххас дод.
