29 Июл 2026
Санаи 29.07.2026 таҳти раёсати муовини якуми раиси шаҳр Даврон Муҳаммадзода Ситоди зимистонгузаронӣ баргузор гардид. Дар Ситод аъзо, роҳбарон ва масъули соҳаҳо иштирок намуданд.
Ҷиҳати иҷрои Қарори Ҳукумати Ҷумҳурии Тоҷикистон аз 28 марти соли 2026, №178 “Дар бораи саривақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва сармарабахш дар давраи тирамоҳу зимистони солҳои 2026-2027” ва қарори Раиси вилояти Суғд аз 17 апрели соли 2026, №99 “Дар бораи сари вақт омода намудани соҳаҳои иқтисодиёт ва иҷтимоиёти вилоят барои фаъолияти мунтазам ва самарабахш дар давраи тирамоҳу зимистони солҳои 2026-2027” қарори Раиси шаҳр аз 06 майи соли 2026,№123 “Дар бораи сари вақт омода намудани соҳаҳои иқтисодиёт ва иҷтимоиёти шаҳр барои фаъолияти мунтазам ва самарабахш дар давраи тирамоҳу зимистони солҳои 2026-2027” ба имзо расида, ҳайати Ситод ва нақшаи чорабиниҳо дар 21 банд таҳия ва тасдиқ шуда, ба шахсони масъул дастрас карда шудааст.
Масъалаҳои захираи дар анбор будаи масолеҳи лозимӣ барои зимистонгузаронии соҳаҳои иқтисодиву иҷтимоӣ, омодагии техникаву маводҳои зиддилағжиш, таъмини аҳолӣ бо барқ ва сафакорона истифода бурдани он мавриди баррасӣ қарор дода шуданд.
Ҳамчунин масъулин ҷиҳати бе ягон муаммо паси сар намудани фасли сармо вазифагузорӣ карда шуданд.
