Сатри равон
(1 овоз, миёна 2.00 аз 5)

Таҳти раёсати Раиси шаҳр Матлубахон Амонзода дар толори хурди мақомоти иҷроияи ҳокимияти давлатӣ ҷаласаи Комиссияи доимӣ оид ба танзими анъана ва ҷашну маросимҳо баргузор гардид. Дар оғоз Раиси шаҳр тазаккур дод, ки ҳарчанд аз ба тасвиб расидани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар ҶТ» даҳ сол сипарӣ шуда бошад ҳам, вале ҳанўз дар татбиқи он баъзе нуқсонҳо ба назар расида, аз ҳар як фаъоли ҷомеа тақозо мешавад, ки ҷиҳати ба мардум фаҳмонидани бандҳои он корҳои тарғиботӣ-ташвиқотиро тақвият бахшанд.

Зеро масъалаи танзими анъанаву маросим аз масоили муҳими ҷомеа буда, он бевосита ба сатҳи зиндагии мардум марбут аст. Дар Паёми навбатии Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон татбиқи қонун махсус таъкид гардид.

Дар бораи фаъолияти комиссияи мазкур дар давоми соли 2016 ҷонишини раиси Комиссия Манучеҳр Шарифов ҳисобот дода, бурду бохти онро мавриди таҳлил қарор дод.

Мудири бахши сабти асноди ҳолати шаҳрвандӣ Раъно Раҷабзода дар иттилооти хеш, роҷеъ ба фаъолияти бахш дар татбиқи қонуни мазкур гузориш пешниҳод кард. Сипас раиси Ҷамоати шаҳраки Адрасмон Сафар Нурматов, раиси Ҷамоати шаҳраки Зарнисор Шаҳло Шарифова, иҷрокунандаи вазифаи раиси Ҷамоати шаҳраки Чоруқдаррон Садриддин Ғуфронов оид ба фаъолияти комиссияи мазкур дар ҳудуди Ҷамоати шаҳракҳо ҳисобот доданд.

Раиси шаҳр Матлубахон Амонзода дар пурсиши аъзои комиссия таъкид намуд, ки ҳадаф аз таъсиси комиссияи мазкур гирифтани пеши роҳи харҷҳои беҳуда ва зиёдравии аҳолӣ зимни баргузории маросимҳо мебошад. Зикр гардид, ки ҳадафи асосии ба тасвиб расидани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар ҶТ» дар он аст, ки бояд мардум маблағи ба даст овардаи худро сарфакорона корбаст намуда, барои баланд бардоштани сатҳи зиндагии худ кўшиш намоянд.

Раиси шаҳр ҳамчунин ба як қатор камбудиву норасоиҳо ҷой дошта дар фаъолияти комиссияҳо дар Ҷамоати шаҳракҳо ва комиссияҳои ҷамъиятӣ мушаххас изҳори нигаронӣ кард. Аз ҷумла, таъкид гардид, ки вазъи ҳуҷҷатгузории комиссияҳои доимии Ҷамоати шаҳракҳо ба боздиду таҷдиди ҷиддӣ ниёз доранд.

Дар ҷаласа нақшаи кори комиссияи мазкур барои соли 2017 қабул гардида, доир ба масъалаи рўзнома қарори дахлдор қабул карда шуд.

Дар фарҷом Раиси шаҳр ба масъулини шаҳракҳо, аъзои комиссияи доимӣ, комиссияҳои ҷамъиятӣ оид ба танзими анъана ва ҷашну маросимҳо вазифагузорӣ намуда, дастур дод, ки бояд аъзои комиссия фаъолтар шуда, ҳамаи маъракаҳоро зери назорат қарор дода, барои камхарҷтар намудани маросимҳо дар байни мардум корҳои ташвиқу тарғиботиро тақвият бахшанд.

Шарҳ додан


Защитный код
Нав кардан

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:904
mod_vvisit_counterРӯзи гузашта:970
mod_vvisit_counterҲамин ҳафта:904
mod_vvisit_counterҲафтаи гузашта:5994
mod_vvisit_counterҲамин моҳ:29412
mod_vvisit_counterМоҳи гузашта:38563
mod_vvisit_counterҲамагӣ:323361

Мо дар Фейсбук