Сатри равон
(1 овоз, миёна 5.00 аз 5)

Дар боғи фароғатӣ-фараҳангии «Темурмалик»-и шаҳр бахшида ба таҷлили Рўзи Ғалаба чорабинии пуршукўҳи шаҳрӣ бо иштироки собиқадорони ҷангу меҳнат, ҷанговарони интернатсионалист, муҳофизони сохти конститутсионӣ, намояндагони ҷамоати шаҳракҳо, ҷомеаҳои меҳнатии корхонаву ташкилот, идораву муассисаҳо ва сокинони шаҳр ба вуқўъ пайваст.

Тантанаҳои идона бо табрикоти Раиси шаҳри Гулистон Матлубахон Амонзода ба ифтихори 72-солагии Рўзи Ғалаба дар Ҷанги Бузурги Ватанӣ оғоз гардид. Раиси шаҳр зимни суханронии худ тазаккур дод, ки аз шаҳри Гулистон дар набардҳои Ҷанги Бузурги Ватанӣ беш аз 1000 нафар фиристодагон аз шаҳракҳо иштирок намуда, қаҳрамониҳо нишон додаанд. Боиси тафохур аст, ки ду нафар фиристодагони шаҳри соҳили «Баҳри тоҷик» – Эгамбердӣ Хоҷамбердиев ва Нишев Иосиф Илич (ҳарду аз шаҳраки Адрасмон)  бо се дараҷаи ордени «Шараф» сарфароз гардонида шудаанд. Имрўз якҷоя бо мо аз садҳо нафар иштирокчиёни бевоситаи Ҷанги Бузурги Ватанӣ танҳо як нафар – Самадов Воҳид ва боз 11 нафар заҳматкашони диловари ақибгоҳ дар тантанаи 72-юмин солгарди Рўзи Ғалаба ширкат доранд. Аз ҷумлаи заҳматкашони ақибгоҳ се нафарашон бо медали «Барои меҳнати фидокорона дар солҳои Ҷанги Бузурги Ватанӣ» сарфароз гардонида шудаанд.

 

Сипас раиси Шўрои собиқадорони  ҷангу меҳнати шаҳр Муҳаммадҷон Файзуллоев ҳамагонро бо Иди Ғалаба шодбош гуфт. Бо гузашти мутантани сарбозони қисми ҳарбии 45025, лаҳзаи хомўшӣ ва гузоштани гулчанбарҳо маросими ботантанаи идона ба анҷом расид.

Дар маркази хизматрасонии «Дурахшон» барои собиқадорони ҷангу меҳнат, ҷанговарони интернатсионалист, чернобилчиён ва муҳофизони сохти конститутсионӣ дасторхони идона густурда шуда, санъаткорони бахши фарҳанги шаҳр барои ҳозирин барномаи консертӣ манзур намуданд.


Шарҳ додан


Защитный код
Нав кардан

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:270
mod_vvisit_counterРӯзи гузашта:814
mod_vvisit_counterҲамин ҳафта:1868
mod_vvisit_counterҲафтаи гузашта:7673
mod_vvisit_counterҲамин моҳ:22628
mod_vvisit_counterМоҳи гузашта:32539
mod_vvisit_counterҲамагӣ:349116

Мо дар Фейсбук