ҲИСОБОТ ОИД БА ИҶРОИ БУҶЕТИ ШАҲР ДАР СЕМОҲАИ ЯКУМИ СОЛИ 2019

11 Апрел 2019

Раёсати молия дар шаҳри Гулистон дар семоҳаи якуми соли 2019 бо мақсади пурра ба буҷет ворид намудани даромадҳо бо истифода аз тамоми имкониятҳои мавҷуда, маблағгузории саривақтии хароҷоти аввалиндараҷаю зарурӣ, назорати доимии мақсадноку самаранок хароҷот намудани маблағҳо аз тарафи истифодабарандагони маблағҳои буҷетӣ ва назорати риояи интизоми молиявӣ дар ташкилоту муассисаҳои буҷетӣ як қатор корҳоро ба анҷом расонида, ба натиҷаҳои назаррас ноил гардид.

Дар натиҷаи андешидани чораҳои зарурӣ, қисми даромади Буҷети давлатии шаҳри Гулистон дар ҳаҷми умумӣ барои семоҳаи якуми соли 2019 нақша бо тағироташ ба миқдори 38 896 000,0 сомонӣ буда, амалан бошад ба миқдори 39 397 100,0 сомонӣ маблағ ба Буҷети давлатӣ ворид гардид, ки 101,3 фоизи иҷрои нақшаи пешбинишударо ташкил медиҳад, ё ин ки аз нақша ба маблағи  501 100,0 сомонӣ  маблағ зиёд ба Буҷети давлатӣ ворид гардид.

Нисбати ҳамин давраи соли 2018-ум (33 061 092,0 сомонӣ) дар муқоиса 6 336 008,0 сомонӣ маблағ зиёд ворид шудааст, ки 119,1 фоизро ташкил медиҳад.

Аз 11 намуди манбаҳои даромади ба нақша гирифта шуда, иҷрои нақшаи 2 намуди манбаи даромад (соли қаблӣ 4 намуд) таъмин нагардид, ки ин андози даромад аз шахсони воқеӣ 76,4 фоиз (-1 245 671,0 сомонӣ) ва андоз аз истифодабарандагони роҳҳои автомобилгард 77,2 фоиз (-1 021 692,0 сомонӣ) мебошад.

Маблағи умумии вориднагардида -2 267 746,0 сомонӣ буда, нисбати нақшаи умумӣ 5,8 фоизро ташкил медиҳад.

Сабаби иҷро нагардидани нақшаи андоз аз даромади шахсони воқеӣ ва андоз аз истифодабарандагони роҳҳои автомобилгард дар он мебошад, ки мувофиқи ҳисоботҳои омори музди маоши миёнаи кормандони корхонаҳои саноатии шаҳр ба санаи 1-уми апрели соли ҷорӣ ба 2548,5 сомонӣ баробар шуда, аз ҳамин давраи соли гузашта 181,2 сомонӣ кам, ё ки 93,4 фоиз мебошад. Ин нишондиҳанда танҳо аз ҳисоби ҶДММ «Ширкати саноати кӯҳии Тоҷикистону Хитой» 218,1 сомонӣ кам гардидааст. Шумораи миёнаи  коргаронаш бошад дар давраи ҳисоботӣ 1927 нафарро ташкил дода нисбати ҳамин давраи соли гузашта 63 нафар кам, ҶМ «Апрелевка» 836 нафарро ташкил карда нисбати ҳамин давраи соли гузашта 76 нафар кам шудааст.

Аз 28 корхонаҳои саноатӣ, ҳафт корхонаҳои саноатӣ шаҳр дар семоҳаи якум аз накша, истеҳсоли маҳсулоти худро таъмин карда натавонистанд, ки инҳо ҶСК “Комбинати корхонаҳои истеҳсолӣ” - 86,7 фоиз, ҶМ «Апрелевка» - 78,0 фоиз, ҶСК «Равшан» - 81,5 фоиз, ҶДММ «ШСКТХ» -99,3 фоиз, ҶДММ «Хубон» - 2,0 фоиз, ҶДММ «Чархи гандумин» - 61,4 фоиз ва ҶДММ «Файз 777» - 91,5 фоизро ташкил медиҳад, ки ба маблағи 19,9 миллион сомонӣ истеҳсоли маҳсулот кам шудааст. Инчунин 4 корхонаҳо ҶСК «Комбинати маъдантозакунии Адрасмон» бо сабаби паст рафтани нархи маҳсулоти истеҳсолиаш, ҶДММ «Абадӣ» бо сабаби барҳам додашуда, ҶСП «Сидней Хуҷанд» ва ҶДММ «Манфиат» бо сабаби мавсимӣ будани намуди фаъолият дар семоҳаи якуми соли ҷорӣ фаъолияти истеҳсолӣ набурдаанд.

Ба ғайр аз ин бақияи маҳсулоти таӣёри дар амбор будаи корхонаҳои саноатии шаҳр ба ҳолати 1-уми апрели соли ҷорӣ ба маблағи 66 миллион 475,3 ҳазор сомониро ташкил додааст, ки ин ҳам бошад ба иҷрои нақша таъсири манфии расонид.

Қисми даромади Буҷети маҳаллӣ дар ҳаҷми умумӣ барои семоҳаи якуми соли 2019  нақша бо тағqироташ 10 629 740,0 сомонӣ буда, амалан бошад ба миқдори 11 366 989,0 сомонӣ маблағ ба Буҷети маҳаллӣ ворид карда шуд, ки ин 106,9 фоизи иҷрои нақшаи пешбинишударо ташкил медиҳад, ё ин ки аз нақша ба миқдори  737 249,0 сомонӣ маблағ зиёд ба Буҷетӣ маҳаллӣ ворид гардид.