Пешвои миллат Эмомалӣ Раҳмон дар бунёди боғи интенсивӣ дар Ҷамъияти саҳомии кушодаи ба номи Саидхоҷа Ӯрунхоҷаеви ноҳияи Бобоҷон Ғафуров иштирок намуданд

5 феврал дар деҳоти Унҷии ноҳияи Бобоҷон Ғафурови вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикиситон муҳтарам Эмомалӣ Раҳмон дар қитъаи 40-уми Ҷамъияти саҳомии кушодаи ба номи Саидхоҷа Ӯрунхоҷаев дар бунёди боғи интенсивӣ ва кишти картошкаи барвақтӣ иштирок намуданд.

Тавре ба Сарвари давлат муҳтарам Эмомалӣ Раҳмон иттилоъ дода шуд, Ҷамъияти саҳомии кушодаи ба номи Саидхоҷа Ӯрунхоҷаев дорои 2700 гектар замини обӣ, 900 гектар майдони боғ ва 31 ҳазор гектар заминҳои лалмию чарогоҳ мебошад. Аз масоҳати 900 гектар майдони боғот 710 гектарашро боғҳои ҳосилдиҳанда ташкил медиҳанд.

Бо дарназардошти он, ки майдони боғҳои кӯҳнашуда аз ҷиҳати иқтисодӣ самараи дилхоҳ ба бор намеоваранд, масъулин тасмим гирифтанд дар масоҳати 7 гектар боғи интенсивӣ бунёд намоянд. Тибқи нақша, дар боғи бунёдшаванда ниҳоли дарахтони гелос дар масоҳати чор гектар, бодом дар як гектар ва зардолу дар масоҳати ду гектар, ки ба иқлими маҳал мутобиқ буда, ҳосили хуб медиҳанд, шинонида шудааст.

Президенти мамлакат Эмомалӣ Раҳмон аз гармхонаҳои Ҷамъияти саҳомии кушодаи ба номи Саидхоҷа Ӯрунхоҷаев дар ноҳияи Бобоҷон Ғафуров дидан намуданд

5 феврал Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар вилояти Суғд ба ноҳияи Бобоҷон Ғафуров ташриф оварда, дар Ҷамъияти саҳомии кушодаи ба номи Саидхоҷа Ӯрунхоҷаев бо раванди парвариши зироат ва истеҳсоли маҳсулоти кишоварзӣ дар шароити гармхона шинос шуданд.

Ба Пешвои миллат муҳтарам Эмомалӣ Раҳмон иттилоъ дода шуд, ки аз соли 2011 инҷониб бо саҳми хоҷагидорон 37 гармхонаи анъанавӣ бунёд гардида, дар онҳо кишту парвариши навъҳои серҳосили қулфинай, помидор, бодиринг, картошка, кабудӣ, лимӯ ва дигар намуди зироат ба таври васеъ роҳандозӣ гардидааст ва ҳамасола деҳқонон бо истифода аз таҷрибаи пешқадам ва риояи қоидаҳои агротехникӣ ҳосили фаровон ҷамъоварӣ намуда, дар таъмини амнияти озуқаворӣ саҳми назаррас мегузоранд.

Соли равон дар асоси дастуру ҳидоятҳои бевоситаи Сарвари давлат муҳтарам Эмомалӣ Раҳмон дар Ҷамъияти саҳомии кушодаи ба номи Саидхоҷа Ӯрунхоҷаев боз 4 гармхонаи нав ба истифода дода шуд, ки дар он хоҷагидорон зироати гуногуни кишоварзӣ, аз қабили помидору бодиринг, кабудӣ, гулҳои мавсимӣ, картошка ва шалғам кишт намуда, ба хотири гирифтани ҳосили дилхоҳ заминро самараноку оқилона истифода мебаранд.

КОРВОНИ САОДАТИ МО РАВОН АСТУ РОҲИ НАҲЗАТИЁН БАСТА

Ҷаҳонишавии бесобиқаи замони муосири дунё ба ҳаёти мардум падидаи номатлуби иғвогариву ҳангомасоз, туҳмату буҳтонҳои беасос, тухми пучи ифротгароӣ ва адовату кинаро пайдо намуд. Агар ба таври дигар ифода намоем, тавлид кард. Дар ин росто, ба воситаи ахбори иғвоангезу тундгароӣ иттилооти муғризона падид омад ва солҳои охир авҷ гирифта истодааст, ки гумон мекунам, роҳи сарбаста дорад.

Яке аз сомонаҳои иғвоангез бо номи «Бомдод.ком» лагандбардори наҳзатиён мебошад. Аз ҷониби дигар, худи масъул ва гардонандаи чархи туҳмату ғаразу буҳтони сомона чоплуси наҳзатиён, думрави ташкилоти ифротӣ Мирзои Салимпур аст. Ин кундзеҳну лагандбардори дурӯғбофи қаламшикаста хабарҳои ифротӣ паҳн мекунад, ки пур аз кинаву туҳмат аст, ӯ ҳатто шарм намекунад, зеро вай сурату сирати инсонӣ, номусу ору шарафи одамӣ надорад, рӯйсиёҳу чоплус мебошад. Як аблаҳи расвои радди маърака буда, бегонапарастӣ мекунад, хоҷагонашро мепарастад. Вай дастпарвари мактаби бесаводии наҳзат буда, акнун мехоҳад, ки ба ташкили сомонаҳои пурғараз садо бардорад. Ин чоплусу ҳиллагар (албатта, рӯбоҳмисол) то ҳол намакхӯр, дурусташ хокистархӯри наҳзат аст. Ҳайфи ному шарафи одамӣ бар ӯ!

Пешвои миллат Эмомалӣ Раҳмон дар бунёди боғи интенсивӣ дар “Боғи миллии Ваҳдат” иштирок карданд

Дар ҷараёни сафари корӣ дар вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Муассисаи давлатии “Боғи миллии Ваҳдат”, воқеъ дар ноҳияи Бобоҷон Ғафуров, ки масоҳати умумиаш 700 гектарро ташкил медиҳад, дар масоҳати 5 гектар боғи нави интенсивии сиёҳолуи навъҳои “Стенлей” ва “Венгерка” бунёд карданд.

Бино ба нишондоди мутахассисони соҳа реҷаи шинонидани ниҳоли сиёҳолуи навъҳои “Стенлей” ва “Венгерка” 4 ба 2,5 метр буда, дар масоҳати 1 гектар ба миқдори 1000 бех ҷойгир карда мешаванд. Ниҳолони қадпасти сиёҳолу дар такрешаи “Пумиселект” ва “Миробалан С-29” дар Филиали Институти боғутокпарварӣ ва сабзавоткории Академияи илмҳои кишоварзии Тоҷикистон дар вилояти Суғд парвариш карда шудааст.

Лозим ба ёдоварист, ки ниҳолони сиёҳолу дар натиҷаи омӯзишу таҷрибаҳои даҳсолаи олимону мутахассисон рӯи кор омадааст. Олимону мутахассисони соҳа дар маҷмуъ 7 намуди олуро мавриди омӯзиш қарор дода, дар натиҷа ҳамин ду навъи сиёҳолуи хушкшавандаи “Стенлей” ва “Венгерка”-ро барои паравариш пешниҳод намудаанд. Баландии ин дарахтон ҳангоми ба воя расидан, ҳамагӣ 3-3,5 метрро ташкил дода, дар шакли қабат ба қабат ва косашакл гузаронида мешаванд.