Матни равон

Дар толори ҷамоати шаҳраки Адрасмон мулоқоти гурӯҳи таблиғотии Дастгоҳи иҷроияи Президенти Ҷумҳурии Тоҷикистон бо сокинон ва намояндагони соҳаҳои мухталифи хоҷагии халқи шаҳрак доир гардид.

Мудири шуъбаи Институти забон ва адабиёти Академияи илмҳои Ҷумҳурии Тоҷикистон Сайфиддин Мирзоев, мудири маркази назорат ва таҳлили ДДХ ба номи академик Бобоҷон Ғафуров Киромиддин Мухторов сухан ронда, зикр намуданд, ки маҳз бо ибтикори Роҳбари муаззами кишвар, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2017 - Соли ҷавонон эълон шуд, сипас баромадкунандагон роҷеъ ба зарурат ва ҳадафҳои он, мақоми ҷавонон дар кишвари соҳибистиқлоли Тоҷикистон, иштироки ҷавонон дар ҳаёти сиёсиии кишвар, доир ба аҳамияти Ваҳдати миллӣ дар сарнавишти миллат, нақши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар барқарории сулҳу ваҳдат, таҳаввули мафҳуми Ваҳдати миллӣ, дастовардҳои Тоҷикистон дар партави Ваҳдати миллӣ, эътирофи ҷаҳонӣ ёфтани таҷрибаи сулҳи тоҷикон, ҳифз ва таҳкими Истиқлолияти давлатӣ ва Ваҳдати миллӣ дар шароити нави ҷаҳонӣ ибрози назар ва андеша намуданд.

Гурӯҳи корӣ дар ҳайати Раиси шаҳри Гулистон Матлубахон Амонзода, муовини вазири маориф ва илм Бозоралӣ Одиназода, раиси КИ ҲХДТ Муслима Ҷамолиён, ки барои таблиғи ғояҳои ваҳдати миллӣ ва Соли ҷавонон ба шаҳри Гулистон ташриф оварда буданд, дар толори ҷамоати шаҳраки Сирдарё бо мардум вохӯрӣ доир намуд. Ҷаласаро Раиси шаҳр ҳусни оғоз бахшида, перомуни Ваҳдати миллӣ ва сулҳофаринии миллати тоҷик суханронӣ намуд.

Бозоралӣ Одиназода дар бораи Соли ҷавонон сухан гуфта, таъкид сохт, ки ин ташаббуси Пешвои миллат боварии эшонро ба насли ояндасоз нишон медиҳад. Муслима Ҷамолиён доир ба хизматҳои Асосгузори сулҳу ваҳдати миллӣ - Пешвои миллат Эмомалӣ Раҳмон ибрози назар намуда, зикр сохт, ки хизматҳои шоистаи ин фарзонафарзанди миллат буд, ки мо имрӯз дар фазои осоишта бо хотири ҷамъу дили беғам фаъолият намуда истодаем. Аз ҷониби гурӯҳи корӣ тазаккур ёфт, ки ҳадаф аз вохӯрии мазкур ба мардум бозгӯ намудани фалсафаи ваҳдат ва ҳар чи бештар қадршиносии он мебошад.

Дар толори ҶДММ ШКСТХ бо иштироки ҷомеаи меҳнатии кӯҳканони зарнисорӣ ва ҷавонони шаҳрак мулоқоти гурӯҳи таблиғотии Дастгоҳи иҷроияи Президенти Ҷумҳурии Тоҷикистон доир гардид.

Мудири шуъбаи Институти забон ва адабиёти Академияи илмҳои Ҷумҳурии Тоҷикистон Сайфиддин Мирзоев, мудири маркази назорат ва таҳлили ДДХ ба номи академик Бобоҷон Ғафуров Киромиддин Мухторов баромад намуда, оид ба эълон шудани соли 2017 «Соли ҷавонон» дар тақвияти фазои имконот ва фаъолияти ҷавонони кишвар суханронӣ намуданд.

Дар толори хурди мақомоти иҷроияи ҳокимияти давлатии шаҳр маҷлиси машваратӣ таҳти раёсати Раиси шаҳри Гулистон Матлубахон Амонзода баргузор гардид.

Дар машварат масъалаҳои баргузории чорабинии идона бахшида ба бистумин солгарди баимзорасии Созишномаи истиқрори сулҳ ва ризоияти миллӣ, корхонаҳое, ки фаъолиятро қатъ кардаанд, танзими кўчаҳои Мирзо Турсунзода ва Дўстии халқҳо, ободонии соҳили Баҳри тоҷик ва тозагии он ва ободонии қабристону таваҷҷуҳ ба он мавриди баррасӣ қарор дода шуд. Дар машварат мудирон, сарварони шуъбаву бахшҳои МИҲД, роҳбарони корхонаҳои саноатии шаҳр, сохторҳои дахлдор, мақомоти андоз ва раёсати молия ширкат варзиданд.

Бо иштироки Раиси шаҳр Матлубахон Амонзода дар Кохи "Истиқлол" маҳфили "Адибони ваҳдатсаро" баргузор гардид, ки дар он намояндагон аз бахши суғдии Иттифоқи нависандагон шоира Гулнози Тоҳириён, котиби масълуи Шўрои ҷамъиятии Ҳаракати ваҳдати миллӣ ва эҳёи Тоҷикистон дар вилояти Суғд Мавлуда Шарифова, устоди Донишгоҳи давлатии Хуҷанд ба номи академик Бобоҷон Ғафуров Муҳиддин Файзуллоев иштирок ва суханронӣ намуданд.

Дар зимни баргузории маҳфили мазкур Раиси шаҳр таъкид намуд, ки падидаи нодири сулҳи тоҷикон манбаъҳои зиёд дорад ва ҳанўз дар кўҳантарин китоби муқаддаси ниёгони мо «Авасто» омадааст, ки «Мо сулҳу саломатиро меситоем, ки ҷангу ситезаро дарҳам бишканад. Бишавад, ки мо бо ҳамаи ростону дурустон, ки дар саросари кишварҳо ҳастанд, ҳамкору анбоз бошем ва ба якдигар муҳаббату ёрӣ намоем».

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд


АМИТ "Ховар"

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:2236
mod_vvisit_counterРӯзи гузашта:3607
mod_vvisit_counterҲамин ҳафта:22190
mod_vvisit_counterҲафтаи гузашта:15476
mod_vvisit_counterҲамин моҳ:55789
mod_vvisit_counterМоҳи гузашта:102075
mod_vvisit_counterҲамагӣ:7697709

Райъпурсӣ

Сомона чи хел аст?