06 Январ 2021
Дар толори мақомоти иҷроияи ҳокимияти давлатии шаҳри Гулистон маҷлиси Кумитаи иҷроияи ҲХДТ дар шаҳри Гулистон бо иштироки аъзои кумита, раисони ташкилотҳои ибтидоӣ, вакилони халқ аз ҲХДТ, аъзои шӯрои собиқадорон, аъзои шӯрои занон ва ҷавонон, роҳбарони корхонаю муассисаҳо ва фаъолони ҳизб баргузор гардид.
Маҷлисро Раиси кумиҷроияи шаҳрии ҲХДТ Муслимахон Ҷамолиён ҳусни ифтитоҳ бахшид. Дар маҷлис панҷ масъала мавриди баррасӣ қарор дода шуда, доир ба фаъолияти шуъбаи кор бо занон ва ҷавонони кумитаи иҷроияи шаҳрӣ мудири он Муяссара Раҳимова маърӯза намуд. Дар музокира собиқадори ҳизб Зулхумор Холиқова ва роҳбари ТҶҶ “Созандагони Ватан” Далер Ҳоҷиев иштирок намуданд. Сипас нақшаҳои корӣ, масъалаи даъвати Конференсияи XXV ғайринавбатии КИ ҲХДТ дар шаҳри Гулистон мавриди баррасӣ қарор гирифт.
Дар маҷлис мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода, мудири шуъбаи кор бо занон ва оилаи КИ ҲХДТ дар вилояти Суғд Мадинахон Салимзода ва мудири шуъбаи кор бо ҷавонони КИ ҲХДТ дар вилояти Суғд Фирдавс Саидов, иштирок ва суханронӣ намуданд.
Дар поении маҷлис кормандони фаъоли соҳаҳои хоҷагии халқи шаҳр ба сафи ҲХДТ қабул гардида, шаҳодатномаи ҳизбӣ дар вазъияти тантанавӣ супорида шуд. Ҳамчунин фаъолону пешсафон бо сипосномаи КИ ҲХДТ дар шаҳр сарфарозонида шуданд.
