Соли дастовардҳои шоиста

Дар толори хурди мақомоти иҷроияи ҳокимияти давлатии шаҳр тибқи нақшаи ҷадвали МИҲД-и вилояти Суғд аз 23-юми январ нишасти матбуотии Раиси шаҳри Гулистон Матлубахон Амонзода баргузор гардид.

Дар нишасти матбуотии Раиси шаҳр намояндагони васоити ахбори омма, аз ҷумла рўзномаҳои «Ҷумҳурият», «Садои мардум», «Минбари халқ», «Азия-плюс», «Ҳақиқати Суғд», «Согдийская правда», «Суғд ҳақиқати», «Шуълаи умед», «Замон», «Саломат бошед», «Лочин», «Ризқофарин», маҷаллаҳои «Паёми Суғд», «Ноҳид», шабакаи якуми Радиои Тоҷикистон, телевизионҳои вилояти Суғд, «Азия», радиоҳои «Замон», «Садои Хуросон», «Озодӣ», рўзномаҳои шаҳрии «Соҳил» ва «Гулистони дониш» иштирок намуданд.

Боздиди Раиси шаҳри Гулистон аз корхонаҳои саноатӣ

Тибқи нақшаи мақомоти иҷроияи ҳокимияти давлатӣ Раиси шаҳри Гулистон муҳтарама Сатториён Матлубахон Амонзода аз корхонаҳои саноатии ҳудуди шаҳраки Сирдарё боздид ба амал оварда, бо роҳбарони корхонаҳои ҶДММ «Сахо и К», ҶДММ «Хубон» ва ҶДММ «Чархи гандумӣ» дидору гуфтугў намуд. Дар раванди гуфтугў маълум гардид, ки баъзе сехҳои корхонаи ҶДММ «Сахо и К» бо сабаби гарон будани маблағи андоз фаъолият наменамоянд.

Чунонки роҳбари корхонаи мазкур тазаккур дод, сехи уребачабарорӣ (памперс) сад дарсад барои кор омода буда, бо дарназардошти он ки ба фурўш баровардани маҳсулоти истеҳсол шуда мушкилотӣ андозиро пеш меорад, онро ба кор намеандозем.

Сада дар Гулистон

Дар Боғи фарҳангӣ-фароғатии «Меҳри модар» чорабиниҳои идона ба ифтихори ҷашни миллии Сада баргузор гардид.

Чорабинӣ бо афрўхтани оташу дар гирди он хурсандӣ намудани сокинон, ҳунарнамоии дорбозон ва намоиши бозиҳои миллӣ аз тарафи варзишгарони ҷавони гулистонӣ ибтидо гирифта, навъи ниҳолҳои ороишӣ манзури сокинони маркази шаҳр гардид.

Рўнамои “Чашмаи дил”

Дар Кохи фарҳангии “Истиқлол” рўнамои маҷмўаи шеърҳои шоира Рабоат Худойдодова баргузор гардид.

Дар ибтидо мудири шуъбаи рушди иҷтимоӣ ва робита бо ҷомеаи дастгоҳи иҷроияи раиси шаҳр Илҳом Мадализода аз номи раиси шаҳри Гулистон Матлубахон Амонзода соҳибҷашнро шодбош намуд.

Сипас раиси Шўрои собиқадорони КИШ ҲХДТ Каромат Қосимова, роҳбари дастаи “Фалак” Ҳасанбой Набиев, директори китобхонаи марказии шаҳр Биомина Мирзоева, намояндаи Муассисаи таҳсилоти иловагӣ Надима Акрамова муаллифро бо интишори маҷмўа ашъораш муборакбод намуданд.