Муборакбодии Раиси шаҳри Гулистон Сатториён Матлубахон Амонзода ба ифтихори Соли нави милодии 2018

Ҳамшаҳриёни азиз!

Дар марҳилаи нави рушд, ки Ватани соҳибистиқлоламон ба он ворид гардидааст, соли 2017 бо рӯйдодҳои фараҳбахш ва илҳомбахш – ироаи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва таҷлили ҷашнҳои ҳумоюни 20-солагии Ваҳдати миллӣ, 26-солагии Истиқлолияти давлатии Ҷумҳурии Тоҷикистон, 25-умин солгарди Иҷлосияи тақдирсози 16-уми Шӯрои Олии Тоҷикистон рост омад. Дар ин соли пурфайз мардуми шаҳру шаҳракҳо ба дастовардҳои назарраси меҳнатӣ ноил гардида, дар шукуфоии кишвар саҳми босазо гузоштанд.

Дар партави сиёсати оқилонаву ояндасози Пешвои муаззами миллат таҳким ва тавсеаи рушди бомароми иқтисодӣ ва дастовардҳои назаррас дар ҳама ҷабҳаҳои фаъолият соли 2017-ум таъмин карда шуд. Дар ин сол ҳаҷми маҳсулоти истеҳсолнамудаи корхонаҳои саноатии шаҳр беш аз 3,2 миллиард сомониро ташкил дод. Имрӯз шаҳри саноатии мо беш аз 35 фисади ҳаҷми маҳсулоти вилояти Суғдро таъмин намуда, зиёда аз 93 намуди аслии маҳсулотро истеҳсол мекунад. Шаҳри Гулистон бо 23 кишвари ҷаҳон робитаҳои иқтисодӣ дошта, ҳаҷми истеҳсоли маҳсулот назар ба соли 2000-ум 354 маротиба афзудааст. Шаҳри мо дорои имкониятҳои калони рушди соҳаи туризм буда, ташрифи сайёҳони дохилӣ ва хориҷӣ сол аз сол ба маротиб зиёд мегардад. Ин нишондиҳандаҳои арзанда ва комёбии калони гулистониён мебошад. Ҳамаи ин дастовардҳо самараи Истиқлолияти давлатӣ, пойдории ваҳдати миллӣ ва эътиқоди сокинони шаҳр ба сиёсати Ҳукумати Тоҷикистон мебошанд.

Зани 100-и Гулистонӣ

Рӯзи 26-уми декабри соли равон ба зодрӯзи яке аз собиқадорони меҳнат, заҳматкаши ақибгоҳ дар солҳои Ҷанги Бузурги Ватанӣ, дорандаи медали «Барои меҳнати шуҷоатманд дар солҳои 1941-1945» Петрова Анастасия Ивановна расо 100 сол пур шуд.

Ин зани ҷасоратпеша ҳамсоли Инқилоби Октябр буда, 26-юми декабри соли 1917 дар яке аз деҳаҳои вилояти Куйбишеви Федератсияи Русия таваллуд шудааст. Дар овони сесолагиаш (ҳанӯз соли 1920 асри 20-ум) волидайни ӯ ба Осиёи Миёна меоянд. Дар овони ҷавонӣ, ҳамзамон солҳои Ҷанги Бузурги Ватанӣ (1941-1945) дар Комбинати шоҳибофии Ленинобод кор кардааст.

Маҷлиси Ҳукумати Ҷумҳурии Тоҷикистон

Имрӯз дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар кори маҷлис нахуст масъала «Дар бораи Нақшаи кори Ҳукумати Ҷумҳурии Тоҷикистон дар нимсолаи якуми соли 2018» баррасӣ гардид.

ТАҲКИМ ВА ТАВСЕАИ РУШДИ БОНИЗОМ

Ҳисоботи Раиси шаҳри Гулистон Сатториён Матлубахон Амонзода оид ба фаъолияти мақомоти иҷроияи ҳокимияти давлатии шаҳри Гулистон дар ёздаҳ моҳи соли 2017

Мақомоти иҷроияи ҳокимияти давлатии шаҳри Гулистон дар давоми ёздаҳ моҳи соли ҷорӣ фаъолияти худро ҷиҳати татбиқ намудани сиёсати хирадмандонаи Асосгузори сулҳу ваҳдати миллӣ-Пешвои миллат муҳтарам Эмолмалӣ Раҳмон барои иҷрои дастуру супоришҳояшон, ки аз Паём ба Маҷлиси Олии кишвар ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуда, барои дар сатҳи баланд ҷараён гирифтани ин чорабиниҳои муҳими сиёсӣ, аз ҷумла истиқболи созандаи 20-солагии Рӯзи Ваҳдати миллӣ, 26-умин солгарди Истиқлолияти давлатӣ, 25-умин солгарди Иҷлосияи 16-уми Шӯрои Олии Тоҷикистон ва пайванди онҳо бо самтҳои фаъолияти худ аз тамоми имконоти мавҷуда истифода бурд.