Омодагӣ ба давраи тирамоҳу зимистон

Қарори Раиси шаҳри Гулистон аз 5-уми майи соли 2016, таҳти №111 “Дар бораи саривақт омода намудани соҳаҳои иқтисодиёт ва иҷтимоиёти шаҳр барои фаъолияти мунтазам ва самарабахши солҳои 2016-2017” ба тасвиб расид.

Нақшаи чорабиниҳо, ҳайати ситоди шаҳрӣ, рўйхати эҳтиёҷоти муассисаҳои тиббию маориф ва фарҳанг ба ангишту ҳезум, сўзишворӣ барои генератор замимаю муайян гардидааст.

Султони сухан

Дар муассисаи таълимии №10 бо иштироки толибилмон, аҳли зиё ва бошандагони шаҳрак маҳфили фарҳангии дўстдорони каломи бадеъ бо унвони «Лоиқи имрўзу фардо» баргузор гардид.

Раиси Ҷамоати шаҳраки Зарнисор Шаҳло Шарифова баргузории чунин чорабинии фараҳбахшро барои аҳли сухан иқдоми нек дониста, ҳамагонро бо ҷашни 75-умин солрўзи ҷашни мавлуди Лоиқ Шералӣ шодбош гуфт. Адиби шинохта Олимхон Исматӣ назди ҳозирин хотираҳои хешро бо Лоиқ ва чакидаҳои хомаашро аз нигоштаҳояш манзур кард. Баъдан маҷмўаи нави шеърҳояшро бо соядаст тақдими ихлосмандони назм намуд. Директори МТМУ № 10 Абдумалик Расулов оид ба ашъори пурбаракати устод Лоиқ Шералӣ ҳарф зад.

Муборакбодии Раиси шаҳри Гулистон Матлубахон Амонзода ба ифтихори Рўзи ҷавонон

Ҷавонони бонангу номус ва насли ояндасози Тоҷикистон!

Таҷлили Рўзи ҷавонон соли равон дар рўзҳои омодагӣ ба таҷлили ҷашнҳои мубораки Рўзи Ваҳдати миллӣ ва 25-солагии Истиқлолияти давлатии Ҷумҳурии Тоҷикистон баргузор мегардад.

Кулли ҷавонони шаҳрро, ки ворисони арзандаи миллату давлати соҳибистиқлол ва насли ояндасози Ватани маҳбубамон мебошанд, ба ифтихори Рўзи ҷавонон табрик гуфта, ба ҳар яки онҳо иқболи баланд ва комёбиву сарбаландӣ орзу менамоям.

Саховати соҳибкор

Мақомоти иҷроияи ҳокимияти давлатии шаҳри Гулистон баҳри роҳандозии иқдоми Раиси вилояти Суғд дар бораи «Соли 2016 – Соли фарди солим» тадбирҳои мушаххасеро амалӣ намуда истодааст.

Баҳри таъмиру тармими иншоотҳои соҳаи тандурустӣ баробари маблағгузорӣ аз буҷаи маҳал боз соҳибкорон низ ҷалб гардидаанд. Дар пешорўи ин ташаббусҳо саҳми шоёни вакили Маҷлиси вакилони халқи шаҳри Гулистон, раиси «Бунёди шафқати ба номи Т.Зокирова» Турсуной Зокирова қобили қайд аст.